Vajna33

Što nieabchodna viedać pra Kachoŭskuju HES i da čaho moža pryvieści jaje padryŭ

Kachoŭskaja HES — šostaja (nižniaja i apošniaja) stupień kaskadu dniaproŭskich hidraelektrastancyj. Jana raźmieščanaja za piać kiłamietraŭ ad horada Novaja Kachoŭka.

Fota: t.me/Tsaplienko

Sumarnaja vyznačanaja mahutnaść HES — 334,8 MVt. Daŭžynia płaciny — 447 m, maksimalnaja prapusknaja zdolnaść — 21,4 tysiačy kubamietraŭ. Uniz pa płyni Dniapra znachodziacca vioski Mikałajeŭka, Olhaŭka, Ciahinka, Paniatoŭka, Ivanaŭka, Dniaprany, Korsunka, Krynki, Kazačyja Łahiery, horad Chierson i inšyja nasielenyja punkty, piša RBK.

Rašeńnie ab uźviadzieńni Kachoŭskaj HES pryniali ŭ 1950 hodzie. Abjekt adniesieny da vialikich budoŭlaŭ kamunizmu, byŭ na paštovaj marcy SSSR. Dla budaŭnictva i absłuhoŭvańnia elektrastancyi na miescy vioski Klučavoje byŭ stvorany horad Novaja Kachoŭka. Na budoŭli Kachoŭskaha hidravuzła pracavała kala 12 tysiač čałaviek, bolš za 30 ekskavataraŭ, 75 husieničnych i partalnych kranaŭ, 100 buldozieraŭ, 14 paravozaŭ.

Dzie adbyvajecca zatapleńnie

Uzrovień vady nižej pa ciačeńni Dniapra praz razbureńnie padniaŭsia na 5 mietraŭ, jak paviedamiŭ mer akupacyjnaj administracyi Novaj Kachoŭki Uładzimir Lavonćjeŭ.

U zonie patencyjnaha zatapleńnia žyvuć 22 tysiačy čałaviek, pra heta paviedamili ŭłady Chiersonskaj vobłaści. U horadzie evakujujuć žycharoŭ prykładna 300 damoŭ, raźmieščanych na bierazie Dniapra.

Karta vakolic Chiersona

Pad pahrozaj padtapleńnia znachodziacca 14 nasielenych punktaŭ — Dniaprany, Korsunka, Krynki, Kazačyja Łahiery, Piesčanoŭka, Aleški, Sałancy, Kardašynka, Kochany, Małaja Kardašynka, Hołaja Prystań, Biełahrudavaje, Staraja Zburjeŭka, Zabaryna.

Ukrainskija ŭłady abviaścili pra padrychtoŭku da evakuacyi nasielnictva z rajonaŭ na pravabiarežnaj častcy Dniapra. U MUS Ukrainy nazvali patencyjnyja zony zatapleńnia: Mikałajeŭka, Olhaŭka, Lvova, Ciahinka, Paniatoŭka, Ivanaŭka, Tokaraŭka, Prydniaproŭskaje i častkova horad Chierson — vostraŭ Karabieł.

Čym jašče niebiaśpiečnaje abrušeńnie HES

Pry zbudavańni HES było stvoranaje Kachoŭskaje vadaschovišča. Z vadaschovišča pačynajucca Kachoŭski kanał, Paŭnočna-Krymski kanał i kanał Dniapro — Kryvy Roh. Vadaschovišča zabiaśpiečvała pitnoj i arašalnaj vadoj paŭdniovyja rajony Ukrainy. Da 2014 hoda adtul pastupała taksama vada ŭ Krym, jana zabiaśpiečvała 85% patrebaŭ žycharoŭ u presnaj vadzie. Kali paŭvostraŭ byŭ zachopleny Rasijaj, ukrainskija ŭłady ŭ 2017 hodzie pieraharadzili rečyšča kanała dambaj. Rasijskija vajskoŭcy razbłakavali Paŭnočna-Krymski kanał padčas vajskovaj apieracyi, z sakavika 2022 hoda vada z Dniapra pačała pastupać u Krym.

«Kali płacina budzie razburanaja, uzrovień u vadaschoviščy ŭpadzie, usie hetyja kanały abmialejuć, što stanie taksama vialikaj prablemaj. U tym liku dla Kryma, jaki tolki-tolki atrymaŭ Dniaproŭskuju vadu», — kazaŭ raniej ekśpiert RAN Siarhiej Staničny.

Vyšej pa płyni Dniapra znachodzicca Zaparožskaja AES. Niepasrednaj pahrozy jadziernaj biaśpieki praz razbureńnie Kachoŭskaj HES niama, pra heta zajavili ŭ MAHATE. U tvitary ahienctva havorycca, što jaho ekśpierty na Zaparožskaj AES u kursie paviedamleńniaŭ ab paškodžańni płaciny i sočać za situacyjaj.

Kamientary3

  • Raścisłaŭ
    06.06.2023
     Nie "mer Novaj Kachoŭki", a hałava akupacyjnaj administracyi Novaj Kachoŭkihttps://d3kcf2pe5t7rrb.cloudfront.net/318428

  • Vasia
    06.06.2023
    [Red. vydalena]
  • Kub
    06.06.2023
    Rasiejskija fašyzty

U Minsku na ludziej, jakija viartalisia ź plažu, upała dreva, zahinuła dziaŭčyna

U Minsku na ludziej, jakija viartalisia ź plažu, upała dreva, zahinuła dziaŭčyna

Usie naviny →
Usie naviny

«Zamoŭ vielmi šmat». Polski restaran arhanizavaŭ dastaŭku picy prosta ŭ čarhu na miažy ź Biełaruśsiu1

Połk Kalinoŭskaha abvierh paviedamleńnie Minabarony Biełarusi ab hibieli Jana Rudzika3

U Ispanii dakazali hipotezu 54-hadovaj daŭniny viadomaha matematyka rodam z Kobryna

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ4

Čamu ŭ haračyja dni časta balić hałava i jak ad taho ŭbierahčysia

U miastečku Haradok na Biełastoččynie siońnia pačaŭsia fiestyval Tutaka

Milicyja stralała ŭ dvary minskaha šmatpaviarchovika. Što zdaryłasia?

U Biełarusi znoŭ pastrožyli palityčny filtr dla ekskursavodaŭ. Što źmianiłasia ŭ praviłach atestacyi?2

«Znachodzicca ŭ źniasilenym stanie». Vierniki daviedalisia padrabiaznaści pra źniavolenaha ksiandza Andžeja Juchnieviča

bolš čytanych navin
bolš łajkanych navin

U Minsku na ludziej, jakija viartalisia ź plažu, upała dreva, zahinuła dziaŭčyna

U Minsku na ludziej, jakija viartalisia ź plažu, upała dreva, zahinuła dziaŭčyna

Hałoŭnaje
Usie naviny →