Hramadstva44

«Uziaŭ dubinku ŭ supracoŭnikaŭ i pakazaŭ, jak treba bić». Bajpołaviec — pra ministra Kubrakova

«AAC kantraluje ŭsich słužbovych asobaŭ, jakija ŭvachodziać u kadravy rejestr Łukašenki», — zaŭvažaje bajpołaviec, padpałkoŭnik milicyi Stanisłaŭ Łupanosaŭ. Na kanale «Tok» jon raskazaŭ pra toje, jakoje ź siłavych viedamstvaŭ najbolš upłyvovaje i jakaja rola ich kiraŭnikoŭ.

Stanisłaŭ Łupanosaŭ Stanisłav Łupanosov Stanislav Lupanosov
Stanisłaŭ Łupanosaŭ padčas intervju. Skryn videa «Tok»

Chto najbolšy prychilnik Rasii ŭ MUS

Na pohlad Łupanosava, u MUS padčas jaho słužby prarasijskija nastroi byli nie vielmi adčuvalnymi. Niepasredna ŭ HUBAZiKu, dzie jon słužyŭ, svajoj prarasijskaj pazicyjaj vydzialaŭsia kiraŭnik Mikałaj Karpiankoŭ i jaho namieśnik Michaił Biedunkievič.

«Na treci dzień, jak ja pryjšoŭ u HUBAZiK, mianie vyklikaŭ da siabie Karpiankoŭ. Kali ja pryjšoŭ, to ź im razam byŭ i Biedunkievič. Karpiankoŭ mianie pačaŭ apracoŭvać: «Ciapier pieradvybarny niaprosty čas. My pavinny zhurtavacca. Za nami Pucin, za nami Łukašenka, za nami Tramp. Mienavita Pucin byŭ na pieršym miescy. Ja nie razumieŭ, pry čym tut Tramp. Užo tady było zrazumieła, što Tramp budučyja vybary prajhraje.

Było vidać, što Karpiankoŭ nie da kanca razumieje palityčnuju situacyju ŭ śviecie. Ale jon byŭ vielmi addany svaim pohladam i havaryŭ, što nam Rasija, Pucin dapamohuć»,

— dzielicca ŭspaminami Łupanosaŭ.

Jakuju rolu ŭ sistemie adyhryvaje Apieratyŭna-analityčny centr

Stanisłaŭ Łupanosaŭ tłumačyć, što sistema źbiraje na čynoŭnikaŭ kampramat. Z dapamohaj hetych źviestak na čałavieka možna cisnuć, šantažyravać. Takija źviestki źbirajuć roznyja struktury — KDB, HUBAZiK, Apieratyŭna-analityčny centr (AAC) i inšyja siłavyja orhany.

Łupanosaŭ zaŭvažaje, što AAC kantraluje i prasłuchoŭvaje ŭsich słužbovych asobaŭ, jakija ŭvachodziać u kadravy rejestr Łukašenki. Akramia hetaha, supracoŭniki Centra zajmajucca zboram infarmacyi ŭ internecie.

«Heta hałoŭnaja elektronnaja raźviedka ŭ Biełarusi. Jana adpaviadaje amierykanskamu Ahienctvu nacyjanalnaj biaśpieki. Usie telefonnyja razmovy, uvieś internet jany kantralujuć. Jany rehistrujuć usie sajty. Usio prachodzić praź ich. Uvieś elektronny trafik, IP-adrasy biełarusaŭ», — adznačaje Łupanosaŭ.

Na dumku byłoha siłavika, AAC prasłuchoŭvaje i Łukašenku ŭ metach jaho biaśpieki. A kiraŭnik hetaj struktury Andrej Paŭlučenka byŭ supracoŭnikam achovy Łukašenki.

«Jon techničny rabotnik i nie maje apieratyŭnaha składu rozumu. Mahčyma, jon vielmi dobry kiraŭnik ci karystajecca vielmi mocnym davieram Łukašenki»,

— ličyć Łupanosaŭ i zhadvaje, što kali pryvieźli ŭ HUBAZiK Maryju Kaleśnikavu, to tudy pryjechaŭ i Paŭlučenka. Jon ža supravadžaŭ Śviatłanu Cichanoŭskuju, kali jaje vydvarali z krainy.

Jakoje siłavoje viedamstva najbolš upłyvovaje

Stanisłaŭ Łupanosaŭ na pieršaje miesca pa ŭpłyvovaści stavić KDB i AAC. Pry hetym, na jaho pohlad, ciapier uzrovień AAC staŭ vyšejšy praz mahčymaść dopusku da infarmacyi. A voś u KDB bolš realnaj ułady. Dalej idzie MUS, jakoje achoplivaje ŭsiu krainu. Zatym Dziaržaŭny pahraničny kamitet.

A voś Ministerstva abarony ŭ hramadstvie praktyčna nie pradstaŭlenaje, tamu što, na dumku Łupanosava,

«jany žyvuć u svaich zakrytych supolnaściach. Ministerstva abarony mocnaha ŭpłyvu na hramadstva nie maje».

Pra ministra ŭnutranych spraŭ Ivana Kubrakova

Były siłavik zhadvaje, što Ivana Kubrakova pryznačyli načalnikam upraŭleńnia achovy pravaparadku, kali jon byŭ jašče padpałkoŭnikam milicyi.

Ivan Kubrakoŭ. Skryn videa ANT 

«Heta kinułasia ŭ vočy. Zvyčajna ŭ centralnym aparacie MUS pasady zajmajuć pałkoŭniki. Paźniej jon staŭ namieśnikam načalnika ŭpraŭleńnia ŭnutranych spraŭ Minharvykankama. U jaho lohka išło prasoŭvańnie pa słužbie.

Jon staŭ načalnikam upraŭleńnia ŭnutranych spraŭ Viciebskaj vobłaści i hienierałam. Potym viarnuŭsia ŭ Minsk i staŭ načalnikam hałoŭnaha ŭpraŭleńnia ŭnutranych spraŭ Minskaha harvykankama», — adznačaje Łupanosaŭ i padkreślivaje, što ŭ momant vybaraŭ mienavita Kubrakoŭ byŭ načalnikam Minskaha HUUS. Jakraz pry im adbyvalisia padziei na Akreścina i IČU.

«Jon siabie vielmi dobra zarekamiendavaŭ dla Łukašenki. Kali prachodzili pratesty, ludziej dastaŭlali na Akreścina. Mała chto z supracoŭnikaŭ milicyi chacieŭ bić PRam («pałka riezinovaja», dubinkaju. — NN). Jon svaim asabistym prykładam uziaŭ PR u supracoŭnikaŭ i pakazaŭ, jak treba bić. Voś takim sposabam jon vyrašyŭ stać ministram»,

— adznačaje Łupanosaŭ.

Pra rolu ministra abarony Viktara Chrenina

Łupanosaŭ adznačaje, što ŭ suviazi z vajnoju va Ukrainie rola Ministerstva abarony značna ŭzrasła. Jaho padtrymlivaje Rasija. Na jaho dumku, davieryŭšy Chreninu 9 maja vystupić zamiest siabie, Łukašenka chacieŭ prademanstravać, što ministr abarony taksama pavinien pačynać siabie ŭsiudy pakazvać.

Što ŭ sistemie kažuć pra staršyniu KDB Ivana Cierciela

Pry acency hetaj asoby Stanisłaŭ Łupanosaŭ zychodzić z charaktarystyki, jakuju Ciercielu davali supracoŭniki, jakija ź im raniej pracavali.

«Ničoha vysokaha jany ŭ im nikoli nie bačyli. Tolki vyklučnuju vykanalnaść. Dobra ci drenna, ale hałoŭnaje vykanać, jak skazali vyšejšyja načalniki»,

— adznačaje Łupanosaŭ.

Były siłavik nie chavaje, što ŭ jaho i supracoŭnikaŭ «Bajpoł» jość kampramat na čynoŭnikaŭ. Jany jaho apracoŭvajuć, ale nie ŭsio stanovicca publičnym. Hałoŭnaja pryčyna — niebiaśpieka, što pahražaje krynicam infarmacyi ŭ Biełarusi.

Hladzicie całkam:

Kamientary4

  • daviedka
    06.06.2023
    OAC vypołniajet funkcii vysšiej inśpiekcii po kadram, niehłasno kontroliruja kadrovyj riejestr Łukašienko, vklučaja vysšij načsostav śpiecsłužb i siłovoho błoka, no daleko nie tolko ich, no i činovnikov urovniem nižie.
  • daviedka
    06.06.2023
    Kubrakov vźletieł s prostoho učastkovoho, kotoryje v opornikach poroj iźbivajut zadieržannych do potieri soznanija.
  • Niejeie, daražeńkija, tak lekka nia budzie
    06.06.2023
    T, nie, tam jašče masavyja katavańni + zachop ułady, heta śmiarotnaje pakarańnie 
    +kanfiskacyja usich kvaterak i dač, navat kali jany zapisany na žonak

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA5

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Usie naviny →
Usie naviny

Aŭstryjski palitołah sprahnazavaŭ, što pačatku vajny Rasii z NATA moža papiaredničać paŭstańnie palakaŭ u Biełarusi. A čamu nie bunt reptyłoidaŭ?10

«Maje aksesuary prynosiać pośpiech, upeŭnienaść u sabie i hrošy». Śpiavačka Halina Šyškova stała dyzajnierkaj5

«Akazvajecca, i na tym baku jość ludzi». Maci Ivana Padreza ŭsio ž nie vysialajuć6

Pa Mścisłaŭskim rajonie praniośsia mocny ŭrahan

U Biełarusi ŭžo +37,5°S. U siervisie dastaŭki praduktaŭ źnikła papularnaja minieralnaja vada1

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

bolš čytanych navin
bolš łajkanych navin

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA5

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Hałoŭnaje
Usie naviny →