Z-za hibieli ludziej, jakija nie zmahli trapić u začynienaje bambaschovišča, u Kijevie zatrymali čatyroch čałaviek
U chodzie rasśledavańnia hibieli ludziej z-za niadopusku hramadzian u schovišča ŭ Kijevie pravaachoŭniki zatrymali čatyroch čałaviek: pieršaha namieśnika Dziaśnianskaj RHA, dyrektara miedustanovy i jaho namieśnika, a taksama achoŭnika. Pra heta paviedamiŭ ofis hienprakurora ŭ fejsbuku.
Zaraz traim zatrymanym słužbovym asobam pahražaje abvinavačańnie ŭ padazreńni ŭ słužbovaj chałatnaści, jakoje paciahnuła ciažkija nastupstvy, achoŭniku — u pakidańni ŭ niebiaśpiecy, što paciahnuła śmierć.
U noč na 1 červienia ŭ vyniku rasijskaha abstrełu Kijeva zahinuli try čałavieki, siarod ich dzicia. Muž adnoj z zahinułych zajaviŭ, što jaho žonka była zabitaja, kali sprabavała trapić u schovišča, jakoje akazałasia začynienym.
Z-za zdareńnia prajšli pieratrusy ŭ Kijeŭskaj haradskoj administracyi i paliklinicy, dzie znachodzicca schovišča.
Prezident Uładzimir Zialenski namiaknuŭ na niepryjemnyja nastupstvy dla mera Kijeva Vitala Kličko, kali paćvierdzicca, što ŭ stalicy z-za začynienaha bambaschovišča zahinuli ludzi.
«Skazaŭ by tak: moža być nakaŭt», — skazaŭ Zialenski, adkazvajučy na pytańnie žurnalistaŭ, chto budzie adkazvać, kali paćvierdzicca infarmacyja ab hibieli troch kijeŭcaŭ z-za začynienaha schovišča.
Bambaschoviščy ŭ Kijevie z hetaha času buduć pastajanna adčynienyja, zajaviŭ kiraŭnik departamienta municypalnaj biaśpieki administracyi horada Raman Tkačuk.
«Da hetaha byli razmovy, što my nie možam trymać schoviščy pastajanna adčynienymi, tamu što tam zroblenyja ramontnyja raboty i biazdomnyja buduć arhanizoŭvać tam načležki. Ale ŭ nas niama inšaha vyjścia, akramia jak trymać ich pastajanna adčynienymi», — skazaŭ jon.
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki25
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1515
Kamientary