Dyscyplinu, jakaja raskazvaje pra niuansy armiejskaj słužby i Uzbrojenyja siły, uviaduć z novaha navučalnaha hoda, sumiesny ź Minadukacyi dakumient užo padpisany.
Pačatkovaja vajskovaja padrychtoŭka budzie vykładacca ŭsim studentam krainy, paviedamiŭ u sieradu ŭ parłamiencie ministr abarony Biełarusi Viktar Chrenin, piša Sputnik.
Pavodle jaho słoŭ, užo pryniaty sumiesny dakumient ź Ministerstvam adukacyi, vydzieleny hadziny na vyvučeńnie śpieckursa. Pradstaŭlajučy deputatam da razhladu ŭ pieršym čytańni zakonaprajekt ab narodnym apałčeńni, kiraŭnik Minabarony adznačyŭ, što dalej praduhledžvajecca padrychtoŭka hramadzian, jakija žadajuć abaraniać krainu «dobraachvotna, ale pa jakich-niebudź pryčynach nie traplajuć pa mabilizacyi».
Takich biełarusaŭ buduć vučyć vałodańniu zbrojaj. Pry hetym, jak adznačyŭ ministr, uzrostavych i hiendarnych abmiežavańniaŭ niama.
Dapryzyŭnuju padrychtoŭku, abo PVP (tak raniej nazyvaŭsia pradmiet), vyvučajuć vučni starejšych kłasaŭ škoł, ale tolki junaki, bo dziaŭčaty prachodziać kurs miedycynskaj padrychtoŭki. Da 1 vieraśnia 2021 hoda ŭ škoły Biełarusi viarnuli pasadu kiraŭnika pa vajskova-patryjatyčnym vychavańni.
Akramia vykładańnia dapryzyŭnaj padrychtoŭki, dla chłopcaŭ pravodziać vajskovyja zbory, turźloty, arhanizoŭvajuć pachody ŭ vajskovyja čaści i voziać u vajenkamaty, vučać stralać (kali ŭ škole jość cir). Pa stanie na sakavik 2023-ha biełaruskija škoły ŭkamplektavanyja vajenrukami na 93%.
Łukašenka pra punkty propusku na miažy z Polščaj: Dy chaj choć apošni zakryjuć35
Kamientary
Vojennaja i fizičieskaja podhotovka nie pomiešajet nikomu .
A to mnohije studienty v dvieŕ nie prołaziat.
Nie sdał HTO —otčiślenije iz VUZa i v armiejku na mocion.
Dievušiek tak žie.