Pamiežniki Ukrainy paćvierdzili, što darohu na styku miežaŭ Ukrainy, Rasii i Biełarusi ŭzarvali rasijanie
Śpikier DPSU Andrej Dziemčanka ŭ kamientary «UP» paćvierdziŭ, što mienavita rasijanie ŭzarvali častku darohi ŭ Čarnihaŭskaj vobłaści na styku miažy Ukrainy z Rasijaj i Biełaruśsiu. Adbyłosia heta dniom 30 maja.
«Učora na Čarnihaŭščynie pahraničnyja narady Dziaržpahransłužby ŭ abiedzienny čas zafiksavali vybuch, jaki prahrymieŭ na styku troch krain. U dalejšym było ŭstanoŭlena, što rasijskija akupanty ŭčynili padryŭ darohi ŭ kirunku Čarnihaŭ — Bransk.
Jak bačym, ad «Kijeŭ za try dni» jany pačali ŭzryvać darohi, vierahodna, bajučysia, što Ukraina pojdzie ŭ nastup na abłasny centr. Ale Ukraina — nie ahresar. Jak ja ŭžo adznačaŭ, naša dziaržava tolki abaraniajecca, i Bransk nam nie patrebny. Adnak nam treba padzieńnie centra pryniaćcia rašeńniaŭ, dzie było vyrašana raźviazać vajnu suprać Ukrainy, tamu niachaj lepš uzarvuć jaho», — skazaŭ Dziemčanka.
Učora rasijskija pabliki apublikavali videa z mahutnym vybucham kala manumienta «Try siastry» na styku miežaŭ Ukrainy, Biełarusi i Rasii. Jany pisali, što rasijanie padarvali «šlach voraha, jaki jon moh by kaliści pasprabavać vykarystać dla napadu».
Kamientary