Ekanomika

Biełaruś prosić pavysić taryfy na transparciroŭku nafty amal udvaja, bo biełaruski apieratar niasie straty

Apieratar biełaruskaha ŭčastka naftapravoda «Družba» «Homieltransnafta Družba» 26 maja źviarnuŭsia ŭ «Transnaftu» z prapanovaj pavysić taryfy na transparciroŭku nafty z 1 lipienia na 84% da siońniašniaha ŭzroŭniu. Pra heta stała viadoma «Kommiersantu».

U liście havorycca, što pavyšeńnie dazvolić zabiaśpiečyć biasstratnuju pracu kampanii ŭ 2023 hodzie i zachavać dla jaje mahčymaść dalejšaha raźvićcia. Ale ŭ takoha padvyšeńnia jość advarotny bok — pastaŭki padaražejuć dla zachodnich krain, jakija mohuć pačać šukać inšyja krynicy syraviny. 

Naftapravod «Družba» idzie pa terytoryi Rasii da biełaruskaha Mazyra, a ŭ Biełarusi razhalinoŭvajecca na dźvie nitki: paŭnočnaja idzie ŭ napramku Polščy i Hiermanii, a paŭdniovaja — praz Ukrainu ŭ Čechiju, Słavakiju, Vienhryju i Charvatyju. Jak tłumačać krynicy «Kommiersanta», pavyšeńnie taryfu miarkujecca na abodvuch napramkach. 

Tak Biełaruś sprabuje kampiensavać stratu abjomaŭ na paŭnočnym napramku paśla taho, jak u pačatku hoda Hiermanija i Polšča spynili impart rasijskaj nafty i pačali kuplać naftu ŭ Kazachstana ŭ značna mienšych abjomach. U cełym pa vynikach hoda pastaŭki z Kazachstana naŭrad ci pieravysiać 1 młn ton, što prykładna ŭ 20 razoŭ mienš, čym raniej pastaŭlałasia z Rasii.

U «Homieltransnafta Družba» adznačyli, što sioleta z-za sankcyj z boku Jeŭropy pastaŭki rasijskaj nafty pa terytoryi Biełarusi značna skaracilisia. U pryvatnaści, hruzaabarot za pieršyja try miesiacy hoda pa tranzitnych napramkach akazaŭsia na 38,6% nižejšy za ŭzrovień, zajaŭleny «Transnaftaj» pry płanavym pierahladzie taryfaŭ, a ŭ napramku Polščy i Hiermanii — na 55,2%.

U cełym u studzieni — sakaviku prapampoŭka pa sistemie «Družba» ŭpała ŭ 4,7 razu, u tym liku ŭ napramku Polščy i Hiermanii — u 12,1 razu da ŭzroŭniu minułaha hoda. U studzieni — červieni admoŭnaja dynamika zachavajecca. Pa vynikach hoda Minsk prahnazuje padzieńnie ŭzroŭniu tranzitu nafty na 45,9% adnosna zajaŭlenych pry pierahladzie stavak pakazčykaŭ, a ŭ napramku Polščy i Hiermanii — na 71,2%. 

U liście «Homieltransnafta Družba» havorycca, što źnižeńnie hruzaabarotu pryvodzić da stratnaści kampanii: pa vynikach pieršaha kvartała strata skłała 329 młn rubloŭ, a pa vynikach pieršaha paŭhodździa moža vyraści da 1,26 młrd rubloŭ.

Pry hetym kampanija sprabuje pavysić efiektyŭnaść, paŭtorna pavialičyŭšy taryfy na ŭnutranuju transparciroŭku nafty na biełaruskija NPZ i aptymizavaŭšy kolkaść supracoŭnikaŭ. 

Z anałahičnaj prośbaj ab pavyšeńni taryfu ŭžo vystupała «Ukrtransnafta» — apieratar ukrainskaha ŭčastka «Družby». Kampanija padavała zajaŭku na dvuchetapnaje padaražańnie transparciroŭki ź biahučych €13,6 da €21 za tonu z 1 žniŭnia, ale ŭ vyniku Kijevu ŭdałosia ŭzhadnić pavyšeńnie tolki na 25% z 1 červienia da € 17. Heta ŭžo druhoje pavyšeńnie staŭki z pačatku hoda: z 1 studzienia taryf u napramku Słavakii i Vienhryi vyras na 18,3% da €13,6 za tonu.

Kali prapanova biełaruskaha boku budzie ŭzhodniena, pastaŭki padaražejuć nie tolki dla Hiermanii i Polščy, kudy zaraz idzie vyklučna kazachstanskaja nafta, ale taksama dla Čechii, Słavakii i Vienhryi. U vyniku, miarkujuć ekśpierty, usie hetyja krainy mohuć pačać šukać alternatyŭnyja krynicy syraviny.

Kamientary

Masavyja čystki na biełaruskich abarončych pradpryjemstvach

Masavyja čystki na biełaruskich abarončych pradpryjemstvach

Usie naviny →
Usie naviny

U Dobrušskim rajonie aśviacili chleŭ z karovami FOTAFAKT7

Biełarus nakarmiŭ vuža rybaj i źniaŭ praces na VIDEA1

U Lachavickim rajonie mužčyna chacieŭ spalić susiedski chleŭ, dy pamyliŭsia budynkam1

U Italii zatrymali biełarusa, abjaŭlenaha ŭ vyšuk na radzimie3

U Biełarusi buduć budavać mienš novych daroh1

Šolc admoviŭsia kamientavać mahčymaść abmienu Ryka Kryhiera na Vadzima Krasikava7

U Turcyi zatrymali rasijanina, padazravanaha ŭ padryvie aŭtamabila aficera HRU ŭ Maskvie

Pamiatajecie biełarusa, jaki padčas ekstradycyi pierakryŭ most na miažy? Jaho ŭsio ž pasadzili na sutki7

U Pinsku prajšła mocnaja zaleva, zatapiła vulicy VIDEA

bolš čytanych navin
bolš łajkanych navin

Masavyja čystki na biełaruskich abarončych pradpryjemstvach

Masavyja čystki na biełaruskich abarončych pradpryjemstvach

Hałoŭnaje
Usie naviny →