Erdahan vyjhraje prezidenckija vybary ŭ Tureččynie — papiarednija danyja
U Turcyi siońnia prajšoŭ druhi tur prezidenckich vybaraŭ. Paśla apracoŭki bolš za 98% biuleteniaŭ Erdahan atrymlivaje 52% hałasoŭ, Kyłyčdarohłu — 48%, pavodle ahienctvaŭ navin.
Aficyjnych ža vynikaŭ pakul nie było. Pavodle apošnich aficyjnych źviestak vybarčaj kamisii, jakaja padličyła 75% hałasoŭ, Erdahan maje 53,41%, Kyłyčdarohłu — 46,59%.
Ahienctvy, jakija dajuć ličby, aryjentujucca na danyja pra padličanyja adčynienyja skryni. Jany ŭsie nazyvajuć Erdahana pieramožcam.
Vystupajučy pierad svaimi prychilnikami, Erdahan sam abviaściŭ siabie pieramožcam vybaraŭ.
Lidary roznych krain pačali vinšavać Erdahana ź pieramohaj na vybarach. Siarod tych, chto paśpiašaŭsia heta zrabić, — premjer-ministr Vienhryi Viktar Orban, prezident Uźbiekistana Šaŭkat Mirzijojeŭ i emir Katara.
Redžep Taip Erdahan kiruje krainaj 20 hadoŭ. U pieršym tury dva tydni tamu jamu nie chapiła mienš za paŭpracenta dla pieramohi.
Jon atrymaŭ 49,5% hałasoŭ, a kandydat abjadnanaj apazicyi Kiemal Kyłyčdarohłu — 45%. Treci kandydat, pradstaŭnik pravaha nacyjanalistyčnaha kryła tureckaj palityki, Sinan Ahan atrymaŭ 5,7% i zaklikaŭ svaich prychilnikaŭ hałasavać u druhim tury za Erdahana.
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku19
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary
Naprykład kazać vatie što nie budzie hieapalityčnaha pavarotu,što by vata udzielničała u pratestach,a paśla pravieści vybary pa našych praviłach .