Usiaho patrochu100100

15-siekundnaje videa ź minskaha mietro šakavała amierykancaŭ. Tvit ź im sabraŭ 5 miljonaŭ prahladaŭ

Videa z sałona ciahnika minskaha mietro, jaki ruchaŭsia ŭ bok stancyi «Płošča Lenina», apublikavaŭ u svaim akaŭncie amierykanski palityčny aktyvist Džek Posabiec.

Mnohija kamientatary byli šakavanyja tym, što ŭ mietro ludzi spakojna jeduć, na ich nichto nie napadaje, nie sprabuje abrabavać, niama narkamanaŭ pad krekam, nieadekvataŭ i bamžoŭ.

«Jakaja žeść. Jak jany žyvuć biez bojek i šturchańnia na rejki?»

«Ujavicie, što vy nie chvalujeciesia za svajo žyćcio i zdaroŭje ŭ ciahniku mietro. Amierykancy nikoli nie daviedajucca pra hetaje pačućcio».

Niechta pažartavaŭ, što levyja pabačać videa i «padumajuć, što tut treba bolš (rasavaj) raznastajnaści». I takija kamientary sapraŭdy možna pabačyć.

Urešcie ŭsio skaciłasia da nieprychavanaha rasizmu suprać ciemnaskurych, uschvaleńnia biełych i navat da apraŭdańnia praz paradak dyktatury ŭ Biełarusi.

«2000 palityčnych źniavolenych mirna padviarhajucca katavańniam u turmach u 500 mietrach ad miesca, dzie heta było źniata», — sarkastyčna padmieciŭ biełaruski kamientatar.

Amierykancaŭ padtrymali niekatoryja tureckija karystalniki, jakija vykazali iraničnaje ździŭleńnie: «jak heta biez chłopca-chipi ci siryjskaha dziciaci, jakoje źbiraje miłaścinu?»

Heta zusim nie vypadkovyja reakcyi, uličvajučy, što Posabiec — ultrapravy amierykanski palityčny aktyvist i viadoŭca, a siarod jaho padpisčykaŭ šmat kansiervataraŭ, prychilnikaŭ antymihranckich zakonaŭ, a taksama nieprychavanych marhinałaŭ i rasistaŭ. 

Tvit ź videa byŭ apublikavany 26 maja. Jon sabraŭ užo 5,2 miljona prahladaŭ.

Ale karystalniki ź Jeŭrapiejskaha sajuza i Rasii zbolšaha nie padzialajuć ździŭleńnia amierykancaŭ, adznačyŭšy, što ŭ ichnich haradach mietro vyhladaje prykładna hetak ža, tolki vahony bolš sučasnyja. Inšyja paździekavalisia z amierykanskaj rečaisnaści.

«POV: ty jedzieš u mietro luboj krainy, akramia ZŠA, i ŭ im znachodzicca čałaviek z ZŠA».

«Amierykanskaje hramadstva nastolki abłažałasia, što znachodzicca ŭ šoku, pabačyŭšy, jak inšyja ludzi prystojna pavodziać siabie ŭ hramadskim miescy». 

Najbujniejšaja sistema mietrapalitena ŭ Złučanych Štatach Amieryki znachodzicca ŭ Ńju-Jorku. Niahledziačy na ahulnaje źnižeńnie ŭzroŭniu złačynstvaŭ u krainie, ńju-jorkskaja padziemka zastajecca niebiaśpiečnym miescam. Akramia častych hrabiažoŭ, pabojaŭ, nie redkimi źjaŭlajucca zhvałtavańni i zabojstvy. A ŭ 1980-ja hady brudnyja i słabaaśvietlenyja stancyi mietro byli sapraŭdnym piekłam. Štodzionna tam učyniałasia zvyš 1,5 tysiačy ciažkich złačynstvaŭ i 6—7 zabojstvaŭ. U mietro było ryzykoŭna jeździć navat dniom.

Značna vypravić situacyju dazvoliła pryviadzieńnie stancyj u paradak: byli admytyja ad hrafici vahony, sa stancyj vykinuta 170 tysiač bieźbiletnikaŭ, na ŭvachodach na stancyi pastaŭleny pieraapranutyja palicejskija. Pjanych, bujnych i vandałaŭ aryštoŭvali. Tady horadu ŭdałosia viarnuć mietro haradžanam, ale całkam vypravić prablemy dahetul nie atrymałasia. 

«Naša Niva» — bastyjon biełaruščyny

PADTRYMAĆ

Kamientary100

  • Josik
    28.05.2023
    Bzdura niejkaja. Raskažycie, što niama ni ŭ kaho zbroi, akramia palaŭničych, što płan nielha ŭ aptekach nabyć, čyścieńka, biednieńka, abaviazkova ab subotnikach, ale nasielnictva nie maje anijakich pravoŭ. Tolki fonam možna hołas Adolfa H. i Alaksandra Ł. puścić.
  • Za Svabodu!
    28.05.2023
    Redneki i jabaćki braty nazaŭždy. Biez pravadyra i "paradka" žyć nie mohuć.
  • Kak-to raz poet Basio Vzdumał vyjti na krylsio, A voźle dvieriej ochrana: Hdie na vychod propuśsio?(S)
    28.05.2023
    Josik, dyk sprava ž mienavita ŭ tym, što biednieńka) nastolki, što navat mihranty z bolš biednych zdavałasia b krain tut asabliva nie zatrymlivajucca
    tamu... žyviem biednieńka, ale bieleńka)

    nu a jašče klimat nie pad kalarovych... cipa taho

Zamach na Donalda Trampa: u jaho stralali ŭ čas vystupu ŭ Piensilvanii25

Zamach na Donalda Trampa: u jaho stralali ŭ čas vystupu ŭ Piensilvanii

Usie naviny →
Usie naviny

Papularny polski treveł-błohier raskazaŭ pra svaju pajezdku ŭ Biełaruś i daŭ parady18

U minskaj kramie znajšli pradukt, jaki kaštuje 12 tysiač rubloŭ za kiłahram. Jon zapakavany ŭ boks suprać kradziažu

Bujnyja donary-demakraty źbirajucca zamarozić 90 miljonaŭ dalaraŭ unioskaŭ na kampaniju Bajdena1

«Pačuj mianie. Ty — mudak». Prapahandyst Kazakoŭ u žyvym efiry daŭ majstar-kłas zavočnaj palemiki16

U Salihorskim rajonie znajšli vusienia vielmi redkaha matylka. Čamu my tak redka jaho bačym?3

Što adbyvajecca na miažy z Polščaj pierad vychodnymi

«Zamoŭ vielmi šmat». Polski restaran arhanizavaŭ dastaŭku picy prosta ŭ čarhu na miažy ź Biełaruśsiu1

Połk Kalinoŭskaha abvierh paviedamleńnie Minabarony Biełarusi ab hibieli Jana Rudzika3

U Ispanii dakazali hipotezu 54-hadovaj daŭniny viadomaha matematyka rodam z Kobryna

bolš čytanych navin
bolš łajkanych navin

Zamach na Donalda Trampa: u jaho stralali ŭ čas vystupu ŭ Piensilvanii25

Zamach na Donalda Trampa: u jaho stralali ŭ čas vystupu ŭ Piensilvanii

Hałoŭnaje
Usie naviny →