Hramadstva1515

Chto taja viadoŭca BT, što biare intervju ŭ palitviaźniaŭ i prosić ich vybačacca ŭ efiry 

Niadaŭna jana vypuściła dva takich intervju — z byłym aktyvistam «Jeŭrapiejskaj Biełarusi» i «Moładzi BNF» Arsieniem Dziadkom, jaki siadzić na «chimii», i Ramanam Pratasievičam paśla jahonaha pamiłavańnia. Raskazvajem, što heta za žančyna i chto jaje nie prosty muž.

Alesia Vysockaja viadzie intervju z Ramanam Pratasievičam. Skrynšot z kanała BT

Hetaj radykalna afarbavanaj błandzincy 45 hadoŭ. Rodam Alesia Vysockaja z Dokšycaŭ. 

Paśla škoły pierajechała ŭ Minsk i pastupiła na žurfak BDU. Pačynała nievialikimi padpracoŭkami ŭ hazietach i na radyjo, ale adrazu paśla ŭniviersiteta ŭ 2000-m — heta byŭ hod paśla źniknieńnia Juryja Zacharanki i Viktara Hančara — pajšła viadoŭcaj na dziaržaŭnaje telebačańnie.

Padčas vučoby va ŭniviersitecie jana vyjšła zamuž za Alaksandra Vysockaha (nižej my raskažam, chto jon taki) i ŭziała jahonaje proźvišča. 

Alesia Vysockaja na fonie ŭłasnych rehalij. Fota: jaje sacsietki

Uznaharod Vysockaja za 23 hady pracy sabrała dastatkova. Da prykładu, u 2014-m jaje adznačyli na konkursie «Televiaršynia». Jana rabiła film «Sacyjalnyja kleci», jaki pakazvali na fiestyvali «Jeŭrazija.Dok» u 2018-m. Taksama žančyna viała repartaž z praŭładnaha žanočaha kancerta ŭ 2020-m. A ŭ konkursie da Hoda narodnaha adzinstva ŭ 2021-m atrymała pryz u naminacyi «Pieśni našaha kraju».

Jana, siarod inšaha, staršynia Sajuza žančyn u Biełteleradyjokampanii, psieŭdahramadskaj arhanizacyi, anałaha BRSM dla moładzi, tolki pa pałavoj prykmiecie.

Ciapier Vysockaja robić intervju z palitviaźniami, jakich prymusili vybačacca i kajacca. U intervju pakazanyja «ščaślivy» pamiłavany Pratasievič i «zadavoleny» Arsień Dziadok, jakomu za patrabavańnie svabodnych vybaraŭ i sumlennaha padliku hałasoŭ prysudzili try hady «chimii».

U Arsienia jana źjedliva pytajecca, «ci inšy smak čaju ŭ miescy niesvabody» i «ci mohuć być patryjotami tyja, chto źjechaŭ ź Biełarusi».

Zapis takich videa ŭ miescach pazbaŭleńnia ci abmiežavańnia voli kuryrujuć śpiecsłužby, pahražajučy spahnańniami i ŭzmacnieńniem pakarańnia abo, naadvarot, spakušajučy palapšeńniem umoŭ.

Z Pratasievičam intervju adbyłosia na nastupny dzień paśla jahonaha pamiłavańnia Łukašenkam. Vysockaja ŭ kadry viadzie inšuju hulniu. Jana vysłuchoŭvaje surazmoŭca niby sa spahadaj, ale miakka padvodzić da patrebnych vysnoŭ.

Alesia Vysockaja viadzie intervju z Ramanam Pratasievičam. Skrynšot z kanała BT

«Vy zhodny z prezidentam, što heta čas mahčymaściaŭ?» — pytajecca jana ŭ Pratasieviča pra ciapierašniuju situacyju ŭ Biełarusi.

Čytajcie taksama: Kaho i čamu zdaŭ Raman Pratasievič. Heta historyja pra toje, jak adno fota moža źmianić usio žyćcio. Mnoha žyćciaŭ

U kancy hetaha siužeta na fonie kadraŭ z horada hučyć spakojnaja muzyka, niby padkreślivajučy, jak «spakojna» žyć pry łukašenkaŭskaj uładzie.

Alaksandr Vysocki. Fota: hazieta «Savietskaja Biełaruśsija»

Muž u Vysockaj nie prosty. Ën pałkoŭnik milicyi. Maje miedali «Za biezdakornuju słužbu» III i II stupieniaŭ, a taksama orden «Za słužbu Radzimie» III stupieni.

Apošniuju jamu ŭračysta ŭručyŭ sam Alaksandr Łukašenka. Tady pałkoŭnik Vysocki byŭ načalnikam adździeła Hałoŭnaha ŭpraŭleńnia pa narkakantroli i supraćdziejańni handlu ludźmi MUS.

Pad jaho kiraŭnictvam była kanfiskavanaja najbolšaja ŭ historyi Biełarusi partyja hierainu ŭ 550 kiłahramaŭ, jakaja musiła pajści z Afhanistana ŭ Biełaruś. «Hetaja apieracyja vyratavała dziasiatki tysiač žyćciaŭ nie tolki ŭ Biełarusi, ale i ŭ krainach Jeŭropy i Azii», — skazaŭ tady Alaksandr Łukašenka.

Paśla hetaha Vysockaha čakała pavyšeńnie. Ën staŭ namieśnikam načalnika Hałoŭnaha ŭpraŭleńnia pa narkakantroli i supraćdziejańni handlu ludźmi MUS.

Masavyja palityčnyja represii ŭ Biełarusi praciahvajucca z 2020 hoda, kali vybary supravadžalisia nierehistracyjaj i aryštami praciŭnikaŭ Łukašenki i naziralnikaŭ na vybarčych učastkach. Niahledziačy na heta, Alaksandr Łukašenka, miarkujučy pa źviestkach z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhravaŭ Śviatłanie Cichanoŭskaj, ale nie addaŭ ułady. 

Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.

Za hety čas u krainie adbyłosia nie mienš za 50 tysiač palityčna matyvavanych zatrymańniaŭ, zaviedziena nie mienš za 12 tysiač palityčna-kryminalnych spraŭ i adkinutyja bazavyja normy zakonnaści i marali. Sistemny charaktar nabyli katavańni palitźniavolenych.

Ni pra što heta ŭ svaich prahramach Alesia Vysockaja nie havoryć. Jana abmiažoŭvajecca razmovami z tymi niešmatlikimi palitviaźniami, kaho sistemie ŭdałosia złamać.

«Naša Niva» — bastyjon biełaruščyny

PADTRYMAĆ

Kamientary15

  • Maja reakcyja
    01.06.2023
    🤮
  • Ista
    01.06.2023
    Miečyk,
    Nia toj Dziadok kab škadavać.
  • iž płanieta
    01.06.2023
    Miečyk, Heta nie toj Dziadok.

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta17

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →