Zdaroŭje33

Štučny intelekt dapamoh navukoŭcam stvaryć novy antybijotyk suprać vielmi niebiaśpiečnaj supierbakteryi

«ŠI za paŭtary hadziny zrabiŭ toje, na što zvyčajna sychodziać miesiacy i navat hady».

Ilustracyjnaja vyjava. Fota: pixabay

Dziakujučy štučnamu intelektu (ŠI) navukoŭcy zmahli stvaryć antybijotyk suprać vielmi niebiaśpiečnaj supierbakteryi Acinetobacter baumannii, jakaja časta pryvodzić da śmierci. Pra heta daśledčyki napisali ŭ navukovaj pracy, 25 maja apublikavanaj u časopisie Nature.

Acinetobacter baumannii — heta asablivy štam supierbakteryj, jaki ŭstojlivy da mnostva antybijotykaŭ i moža praciahły čas zachoŭvacca na roznych pavierchniach, u tym liku na miedycynskim abstalavańni. Hetaja bakteryja vyklikaje infiekcyju kryvi, lohkich i močavydzialalnych šlachoŭ i pryvodzić da vielizarnaj kolkaści śmiarotnych zychodaŭ siarod ludziej.

Tamu kamanda navukoŭcaŭ z Masačusieckaha technałahičnaha ŭniviersiteta ZŠA i kanadskaha Mak-Masterskaha ŭniviersiteta vyrašyła stvaryć mocny antybijotyk suprać hetaj supierbakteryi, vykarystaŭšy štučny intelekt pry raspracoŭcy novaha preparatu.

ŠI sa svajoj zadačaj spraviŭsia cudoŭna.

«U ramkach daśledavańnia my padrychtavali dla analizu 6680 chimičnych złučeńniaŭ, siarod jakich treba było znajści tyja, što zmohuć spynić rost supierbakteryi Acinetobacter baumannii i pry hetym nie zakranuć karysnych bakteryj. Dla hetaj zadačy my vykarystali štučny intelekt, i jon za paŭtary hadziny zmoh skaracić prapanavany śpis da 240 złučeńniaŭ, ź jakich my potym vyłučyli dzieviać najlepšych kandydataŭ, a zatym uvohule vyznačyli adzin varyjant, jaki adpaviadaŭ usim patrabavańniam i atrymaŭ nazvu «Abaŭcyn». Hetaje rečyva i lahło ŭ asnovu novaha antybijotyka», — paviedamili daśledčyki ŭ svajoj pracy.

Pa słovach navukoŭcaŭ, zvyčajna na pošuk nieabchodnaha rečyva jany vydatkoŭvajuć ad niekalkich miesiacaŭ da niekalkich hadoŭ, tamu siońnia rola ŠI ŭ hetym pracesie vielmi značnaja i amal niezamiennaja.

«Abaŭcyn», u svaju čarhu, staŭ vydatnym instrumientam suprać Acinetobacter baumannii, jaki pry hetym nie budzie škodzić karysnym bakteryjam u arhaniźmie čałavieka.

Navukoŭcy płanujuć vyprabavać hetaje rečyva na pacyjentach i zatym vypuścić na rynak novy antybijotyk. Akramia taho, daśledčyki chočuć praciahnuć vykarystoŭvać štučny intelekt dla znachodžańnia lekaŭ suprać inšych ustojlivych i niebiaśpiečnych supierbakteryj.

Kamientary3

  • Kazik
    28.05.2023
    Ujaŭlaju, kab 80-90ch taksama na kožny čych pisali, što "raspracavać novy ruchavik dapamoh kamputar". "namalavać mulcik dapamoh kamputar". A ŭ 30ch "uspachać pole dapamoh traktar"
  • Ennot
    28.05.2023
    Kazik, tolki ja nie sumniavajusia,što samy prasunuty Štučny Intelekt budzie pracavać na vajennyja mety i vynachodstva novych šlachoŭ źniščeńnia čałavieka
  • Kazik
    29.05.2023
    Ennot, štučny intelekt heta instrumient. I, viadoma, jon budzie vykarystoŭvacca ŭ raspracoŭcy zbroi, bo ludzi ŭsio sprabujuć prystasavać da raspracoŭki zbroi.

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ12

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ

Usie naviny →
Usie naviny

«Rasija łže nakont ekanamičnaha rostu. Sankcyi pracujuć, ich treba ŭzmacnić» — ministry finansaŭ ES19

Hałoŭnaja zorka zbornaj Ukrainy pierachodzić u ispanski top-kłub

Šef-kuchar. Što viadoma pra rasijanina, aryštavanaha ŭ Francyi za padrychtoŭku čahości žachlivaha padčas Alimpijady4

Rasijskija aktyvisty paskardzilisia patryjarchu Kiryłu na Vienijamina — jon nie molicca za pieramohu6

Hałoŭnakamandujučy USU raskazaŭ pra pieravahu Rasii ŭ technicy i akreśliŭ, što rabić ukraincam3

Łukašenka paprasiŭ nie nazyvać jaho haspadzinam16

Hałoŭnakamandučy USU: Va Ukrainy jość płan viartańnia Kryma, i heta realistyčna4

Surjozna? Alimpijcy buduć płavać u Sienie? Nasamreč, afihienny prajekt adradžeńnia raki8

Paniadziełak staŭ samym haračym dniom u historyi nazirańniaŭ

bolš čytanych navin
bolš łajkanych navin

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ12

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ

Hałoŭnaje
Usie naviny →