Rasija źbirajecca vysłać bolš za 100 niamieckich dziaržsłužačych — Reuters
Krynica ahienctva ŭ MZS Hiermanii paviedamiła, što Rasija zapatrabavała «surjoznaha skaračeńnia ŭ siabie niamieckaj prysutnaści».
Hiermanija budzie vymušana zvolnić i evakujavać zvyš sotni svaich dziaržsłužačych z Rasii z-za ŭstanoŭlenaha joju limitu na dypłamatyčnuju prysutnaść u krainie. Pra heta 27 maja paviedamiła ahienctva Reuters sa spasyłkaj na krynicu ŭ MZS Hiermanii.
Siarod tych, chto trapiŭ u śpis na skaračeńnie, jość dypłamaty, nastaŭniki, supracoŭniki kulturnych ustanoŭ (naprykład, ź Instytuta Hiote) i inšyja.
Sam limit na dypłamatyčnuju prysutnaść u Rasii dakładna nieviadomy, adnak jon praduhledžvaje vysyłku niamieckich pradstaŭnikoŭ užo ŭ pačatku červienia.
«Hety limit, ustalavany Rasijaj na pačatak červienia, patrabuje surjoznaha skaračeńnia ŭsich napramkaŭ našaj prysutnaści ŭ Rasii. Kolkaść tych, chto trapiŭ pad heta skaračeńnie, składaje zvyš 100 čałaviek», — zajaŭlaje krynica ŭ MZS Hiermanii ahienctvu Reuters.
Pavodle infarmacyi krynicy, u samim niamieckim MZS paličyli padobny limit «adnabakovym, nieapraŭdanym i niezrazumiełym».
Nahadajem, što jašče ŭ minułym miesiacy Hiermanija vysłała 30 rasijskich dypłamataŭ. Padobnyja dypłamatyčnyja vysyłki pamiž Jeŭropaj i Rasijaj abvastrylisia z-za pačatku vajny va Ukrainie, u jakoj Hiermanija akazvaje surjoznuju palityčnuju, ekanamičnuju i vajskovuju dapamohu Kijevu ŭ baraćbie suprać rasijskaj ekspansii.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary