Nieruchomaść11

U centry Minska pradajuć chatu, jakoj bolš za 100 hadoŭ

U samym centry Minska — u rajonie Załatoj Horki — vystavili na prodaž pryvatny dom. Vyjaŭlajecca, za prestyžnymi stalinkami i cahlanymi piacipaviarchoŭkami doŭhija hady chavaŭsia apošni askalopak davajennaj epochi — draŭlany dom ź vialikim učastkam. Realt.by ahledzieŭ hetuju pabudovu i daviedaŭsia, čym jana cikavaja.

Rajon Załatoj Horki poŭny kantrastaŭ. Prosta za dźvie chviliny adsiul prachodzić praśpiekt Niezaležnaści, vakoł ža — poŭny spakoj. U dvarach kvitnieje bez, usio patanaje ŭ zielaninie, a cišyniu parušajuć tolki miascovyja katy.

Kaliści tut była haradskaja ŭskraina, a ciapier mirna susiedničajuć stalinski ampir, paślavajennyja trochpaviarchoŭki i sučasnyja ofisy.

Jakraz tut u dvarach chavajecca samy sapraŭdny rarytet — žyły dom 1911 hoda pabudovy pa techpašparcie. Kali hladziš na draŭlany budynak ź vialikim učastkam, ciažka ŭjavić, jak jamu ŭdałosia zachavacca ŭ centralnaj častcy Minska.

Za svaju doŭhuju historyju dom pieražyŭ niekalki vojnaŭ, vytrymaŭ nie adnu rekanstrukcyju i cudam paźbieh znosu.

Kapitalnaja zabudova Załatoj Horki pačałasia jašče pierad vajnoj. Tady ŭłady BSSR zakłapacilisia raźvićciom byłoha pradmieścia, jakoje składałasia pieravažna z draŭlanych damoŭ. U 1930-ja ŭzdoŭž vulicy Savieckaj (sučasnaha praśpiekta Niezaležnaści) stali raści novyja budynki.

Paśla vajny budaŭnictva ŭ hetaj častcy horada praciahnułasia jašče bolš aktyŭnymi tempami.

A niekalki hadoŭ tamu hetyja miescy staŭ asvojvać zabudoŭščyk «Makrainžynirynh».

Što tyčycca apošniaha pryvatnaha doma na Załatoj Horcy, to jaho žycharoŭ daŭno adsialili, adnak dla samoj pabudovy i jaje terytoryi prymianieńnia nie znajšłosia. Ciapier hety dom šukaje novych haspadaroŭ.

Błakavany dom na dźvie kvatery maje płošču ŭ 83 kvadratnyja mietry. U dadatak da jaho idzie ziamielny ŭčastak u 8,69 sotki. Siudy padviedzienyja ŭsie centralnyja kamunikacyi — vada, haz, elektryčnaść i kanalizacyja.

Draŭlanaja pabudova, jakaja staić nie na ŭzhorku, miažuje ź dziciačym sadam № 15, taksama pobač znachodziacca žyłyja trochpaviarchoŭki i administracyjnyja budynki.

Metavaje pryznačeńnie ŭčastka — absłuhoŭvańnie błakiravanaha žyłoha doma. Novy ŭładalnik zmoža pravieści ramont abo rekanstrukcyju doma na svajo mierkavańnie, moža žyć tut ź siamjoj abo vykarystoŭvać pabudovu dla biznesu, pieravioŭšy jaje ŭ niežyły fond. Košt doma — dahavorny.

Raźmiaščeńnie doma — šykoŭnaje. Ad Załatoj Horki možna pieššu dajści da Kamaroŭskaha rynku, płoščy Pieramohi, parku Horkaha, fiłarmonii abo CUMa. Na praśpiekcie Niezaležnaści ŭ radyusie 500 mietraŭ ad pryvatnaha doma raźmiaścilisia dziasiatki raznastajnych ustanoŭ: ad demakratyčnych kaviarniaŭ da viadomych restaranaŭ. Taksama ŭ piešaj dastupnaści znachodzicca Pałac mastactvaŭ, dzie prachodziać roznyja mastackija vystavy.

Kamientary1

  • dočka Maksima Dizajniera
    26.05.2023
    jakaja pryhažeść)
    Dyzajnier, kuplaj
    nie prahadaješ)
    heta ž krepaść)

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii

Usie naviny →
Usie naviny

Paśla 2 hadoŭ źniavoleńnia vyjšaŭ na volu staršynia AHP Mikałaj Kazłoŭ9

Borys Džonsan raskazaŭ, u čym źmiest mirnaha płana Donalda Trampa pa Ukrainie7

Łukašenka: My «kinuli jakar» u Rasii i Kitai, ale treba znachodzić šlachi supracoŭnictva i ź ES4

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu12

Namieśnik kiraŭnika MZS Polščy nazvaŭ try ŭmovy narmalizacyi adnosin ź Minskam9

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

«Ź lohkim vietram» i «Narešcie, bro» — što pišuć Bajdenu ŭ tvitary

Stryžak raskazaŭ, ci ŭziaŭ by miljon dalaraŭ ad Čyža6

U Biełarusi źjavicca nacyjanalny videachostynh — vidieo.bieł 10

bolš čytanych navin
bolš łajkanych navin

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii

Hałoŭnaje
Usie naviny →