Padpolny miasakambinat likvidavała milicyja ŭ Mahiloŭskim rajonie. Jak paviedamlajuć u MUS, 38-hadovy pradprymalnik pieraabstalavaŭ u cech pa pierapracoŭcy miasa svoj pryvatny dom.
Žyviołu mužčyna kuplaŭ za najaŭnyja hrošy ŭ tych, chto zajmajecca jaje skupkaj u sielhasarhanizacyjach Mahiloŭskaj i Viciebskaj abłaściej, a taksama ŭ fizičnych asob. U siabie ŭ padpolnym cechu jon raźbiraŭ, zamarožvaŭ i zachoŭvaŭ tušy. Pradukcyju biznesmien zbyvaŭ u Biełarusi i Rasii.
Hety budynak nie adpaviadaŭ nijakim sanitarna-epidemijałahičnym normam, śćviardžajuć u MUS. U im znajšli fasavanuju ŭ błoki pa 12-20 kiłahramaŭ jałavičynu ahulnaj vahoj zvyš 16,5 tony i bolš za tysiaču banak tušonki. Vieterynarnych dakumientaŭ na ŭsiu hetuju pradukcyju nie było.
Pa faktach parušeńnia vieterynarnych normaŭ i padatkovaha zakanadaŭstva pravodzicca pravierka.
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii5
Kamientary