Byłoha školnika buduć sudzić za «kiraŭnictva ekstremisckim farmavańniem»
Čatyroch maładych ludziej zatrymali i buduć sudzić za kiraŭnictva tak zvanym «ekstremisckim farmavańniem» u telehramie. Pra jaki telehram-kanał idzie razmova, nie paviedamlajecca.
Pa infarmacyi SK, u červieni minułaha hoda z 17-hadovym padletkam z Kaściukovičaŭ Mahiloŭskaj vobłaści źviazaŭsia nieviadomy, jaki prapanavaŭ ustupić u zakrytuju hrupu ŭ telehramie. Chłopiec nibyta staŭ aktyŭnym udzielnikam i administrataram hrupy. Da jaho, pa infarmacyi SK, dałučylisia jašče troje adnadumcaŭ (19 i 27 hadoŭ).
Pavodle SK, jany «raspaŭsiudžvali łžyvyja ekstremisckija materyjały ab uciahvańni Respubliki Biełaruś u śpiecyjalnuju vajennuju apieracyju», «zaklikali napadać na supracoŭnikaŭ milicyi i zabirać u ich zbroju, spyniać vajskovuju techniku», raźmiaščali paviedamleńni «pra viadzieńnie dziejnaści terarystyčnaj nakiravanaści, u tym liku pa razbureńnie i paškodžańnie čyhunačnych puciej», «prymianieńnie zbroi» i «kaktejlaŭ Mołatava» i h. d.
Dziejańni maładych ludziej SK kvalifikavaŭ pa niekalkich artykułach Kryminalnaha kodeksa Respubliki Biełaruś:
- kiraŭnictva ekstremisckim farmiravańniem, uvachodžańnie asoby ŭ skład ekstremisckaha farmiravańnia ŭ metach učynieńnia złačynstva ekstremisckaj nakiravanaści (udzieł u ekstremisckim farmiravańni);
- sadziejničańnie ekstremisckaj dziejnaści, u tym liku ździejśnienaje paŭtorna;
- naŭmysnyja dziejańni, nakiravanyja na ŭzbudžeńnie nacyjanalnaj varožaści i varažniečy pa prykmiecie nacyjanalnaj prynaležnaści.
Imiony zatrymanych nie nazyvajucca.
Pratasieviču admianili hihancki štraf, i jon palacieŭ na adpačynak u Dubaj31
Pratasieviču admianili hihancki štraf, i jon palacieŭ na adpačynak u Dubaj
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2525
Kamientary