Usiaho patrochu44

10 hadoŭ tamu na jaje ŭpaŭ samazabojca, i žyćcio dziaŭčyny źmianiłasia nazaŭždy. Ale jana zmahajecca za toje, kab być ščaślivaj

10 hadoŭ tamu ŭ Polščy mužčyna, jaki vyrašyŭ skončyć žyćcio samahubstvam, skočyŭ ź siomaha paviercha i ŭpaŭ na 28-hadovuju fizijaterapieŭtku Bieatu Jałocha, jakaja išła pa vulicy. Jon pamior na miescy. U vyniku sutyknieńnia maładaja žančyna akazałasia prykavanaj da invalidnaha vazka. Ale ŭvieś hety čas jana nie zdajecca, imkniecca ažyćciaŭlać svaje mary i žyć jak maha bolš poŭnym žyćciom. Siońnia jana prosić pamalicca za niabožčyka, piša Onet.pl.

Beata Jałocha
Bieata Jałocha ŭ 2017 hodzie. Fota: Bartosz Krupa / East News

Usich pacyjentaŭ Bieata pieraniesła na ranicu, kab potym prabavić čas sa svaim žanichom Tomekam i schadzić ź im u basiejn. Tak musiła vyhladać ničym nie prykmietnaja subota 18 maja 2013 hoda. Adnak, kali dziaŭčyna išła da čarhovaha pacyjenta, zdaryłasia niaščaście, jakoje nazaŭždy źmianiła žyćcio maładoj fizijaterapieŭtki.

Bieata išła pa vulicy Hrujeckaj u Varšavie, pierad joj prajšła žančyna ź dziciem, ale što było jašče praź niekalki krokaŭ — hetaha dziaŭčyna ŭžo nie pamiataje. Na Bieatu ŭpaŭ mužčyna, jaki vyrašyŭ skončyć žyćcio samahubstvam.

«Pieršy tydzień paśla zdareńnia byŭ kašmaram. Heta byli pastajannyja leki, vielmi mocnyja leki. Mnie davali marfin u tym liku. Ciapier mnie lepš. U mianie bolš niama bolu ŭ hrudziach. Ja mahu dychać svabodna, raniej heta była baraćba za kožny ŭdych. Ciapier sapraŭdy našmat lepš», — skazała Jałocha ŭ prahramie «Tomaš Lis u žyvym efiry» nieŭzabavie paśla avaryi.

Reabilitacyja, paśladoŭnaja baraćba sa słabaściu i viera ŭ svaje siły dazvolili Bieacie nanoŭ budavać žyćcio. Niekatory čas jana pracavała ŭ haradskoj meryi, a paźniej pastupiła ŭ aśpiranturu pa kiravańni reabilitacyjaj.

«Ja starajusia zrabić svaje dni jak maha bolš napoŭnienymi, ale ŭ mianie byvajuć i momanty, kali mnie niaprosta», — skazała Bieata praz šeść hadoŭ paśla avaryi ŭ polskaj teleprahramie «Dzień dobry TVN».

Zmahańnie praz bol

U 2017 hodzie Bieata Jałocha ŭdzielničała ŭ konkursie «Mis śvietu na invalidnych vazkach». Na asnovie historyi, jakaja zdaryłasia ź dziaŭčynaj, muzyčny teatr u Varšavie stvaryŭ u 2021 hodzie miuzikł pad nazvaj «Nieba». U 2020 hodzie jana dałučyłasia da akciorskaha składu šmatsiezonnaha polskaha sieryjała «Pieršaje kachańnie», jaki z 2004 hoda vychodzić na telekanale Polsat. 

U žyćci Bieaty jość miesca i dla sportu, u pryvatnaści, dla palotaŭ na płaniery, jakija dazvalajuć žančynie na niejki čas adklučyć svaje dumki i adpačyć ad paŭsiadzionnaha žyćcia.

«Siońnia ja adčuvaju siabie bolš žanockaj, čym da avaryi, baču kakietlivyja pozirki», — pryznałasia Bieata ŭ intervju Wysokieobcasy.pl.

Adnak jaje štodzionnaje žyćcio vyhladaje nie tak, jak da avaryi, bo choć Bieata i całkam samastojnaja, jana chutka hublaje siły.

«Ranicaj, da 11 hadzin, kali arhanizm adnoŭleny paśla načnoha adpačynku, ja pačuvajusia vielmi dobra. Ale ciaham dnia ja maju patrebu ŭ tym, kab lehčy i adpačyć. I potym znoŭ mahu niešta rabić. Ja ŭžo zrazumieła, što pavinna reahavać na patreby svajho arhanizma», — pryznałasia žančyna ŭ vyšejzhadanym intervju.

Na pytańnie, što dla jaje siońnia samaje ciažkaje, Bieata Jałocha adkazvaje:

«Bol. I što ŭ mianie tak mała siły dziejničać. Ja nie mahu z hetym źmirycca. Ja tolki što paśla apieracyi pa impłantacyi abiazbolvalnaha stymulatara ŭ pazvanočnik. Jość šaniec, što heta krychu pamienšyć bol, moža palepšyć jakaść majho žyćcia. Na žal, heta nie likviduje bol całkam».

Adnak usie hetyja niahody pierastajuć być adčuvalnymi, kali žančyna bačyć lubimuju dačku, — niekalki hadoŭ tamu Bieata Jałocha stała mamaj.

Praz 10 hadoŭ paśla taho, što zdaryłasia, žančyna apublikavała ŭ fejsbuku kranalny dopis.

«Siońniašniaja śviataja imša ŭ 10-ju hadavinu samahubstva Marka i padziaka za vyratavańnie mianie. Kali łaska, pamaliciesia».

Čytajcie jašče:

Pytańnie žyćcia i śmierci: trochhadovaj dziaŭčyncy z SMA patrebny darahi ŭkoł

Fielčarka, što razmaŭlaje ź blizkimi ludziej, jakija pamirajuć: Słovy «Usio budzie dobra» im nie dapamohuć

Marharyta Laŭčuk, u jakoj byli prablemy z hałasavymi źviazkami, raskazała pra svajo zdaroŭje

Kamientary4

  • Istorik
    21.05.2023
    rom, sohłasien s Vami: po-chamski etot Mark sovieršił samoubijstvo, po-žłobski, - točno tak diejstvujet i łukašienka: nažrałsia i vłasti, i dienieh, a tiepieŕ chočiet samoubiťsia, prichvativ s soboj i Biełaruś, NO NIE prichvatit - MY, BIEŁARUSY, NIE pozvolim vsiakim Otmorozkam iz "vłasti" uničtožiť Biełaruś.
  • mikola
    21.05.2023
    Spaczuvaiu dzjauczyne. Vytrymki ioi i zdarou*ja ! Usio Atrymaeca !
  • Uładzimir
    21.05.2023
    Pamalicca za Marka? Jab jašče paškadavaŭ, što jon zdoch na miescy i nie daviałosia adčuć usie pakuty na jakija jon vymusiŭ inšych.

Maładoj ajcišnicy pahražaje da dziesiaci hadoŭ kałonii za achviaravańni Ukrainie1

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Usie naviny →
Usie naviny

Jak vyhladaje čarha pa vadu ŭ Mazyry6

Jašče adna achviara ŭrahanu: u Śvietłahorsku dreva zabiła 90-hadovaha mužčynu

Ukraincaŭ spytali, ci pryjšoŭ čas pačynać pieramovy z Rasijaj — vyniki sacapytańnia1

«Paśpieli raźvitacca z žyćciom». Vidavočcy raskazali pra śmiarotny ŭrahan na Vilejskim vadaschoviščy5

TEST: Ci dobra vy viedajecie historyju biełaruskich habrejaŭ?

U Homielskaj vobłaści abjaŭlena nadzvyčajnaja situacyja1

Tramp raskazaŭ, što cudam jaho vyratavała ad kuli3

Łatvija z 16 lipienia zabaraniaje ŭjezd mašyn ź biełaruskimi numarami 3

Lidzija Jarmošyna pra svaje strachi ŭ 2020: Z parłamienta prabirałasia čornymi chadami11

bolš čytanych navin
bolš łajkanych navin

Maładoj ajcišnicy pahražaje da dziesiaci hadoŭ kałonii za achviaravańni Ukrainie1

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Hałoŭnaje
Usie naviny →