Navuka i technałohii1414

Zatrymlivajuć ludziej, u jakich adšukali fota z pratestaŭ u Google Photos. Jak abaranić siabie — pakrokavy hajd

Adzin z našych čytačoŭ paśla naviny pra zatrymańnie ŭ aeraporcie vyrašyŭ terminova pravieryć telefony svajoj siamji. Mužčyna adšukaŭ u Google Photos svajoj starejšaj svajački vielmi šmat starych fota z pratestaŭ. Jon mocna ździviŭsia: žančyna daŭno pamianiała telefon paśla 2020-ha i zusim nie viedała, što tam moh zastacca niejki «kampramat». Tłumačym, što adbyłosia i jak abaranić siabie i svaich blizkich.

Jak fota traplajuć u Google Photos?

Smartfony na bazie Android prapanujuć sinchranizavać vašy fota z vobłačnym schoviščam. Kali vy adnojčy ŭklučyli hetuju funkcyju, to ŭsie vašy fota aŭtamatyčna buduć zahružacca ŭ Google Photos, i kali vy vydalicie ich sa smartfona, to tam jany mohuć zastacca.

Taksama kali vy mianiali smartfon i nie čyścili Google Photos, to, imavierna, tam zastałasia vialikaja častka vyjaŭ sa staroha aparata. Toje ž moža zdarycca i z fajłami na vašym huhł-dysku.

Heta zroblena dla zručnaści: vy ich nie zhubicie navat tady, kali złamajecca abo zhubicca smartfon, a dostup da ich možna atrymać ź luboj pryłady. Ale vidavočna biez ahladki na realii sučasnaj Biełarusi.

Jak pačyścić Google Photos i Google Drive

Pra heta my pisali ŭ našym vialikim hajdzie pra ačystku Google-akaŭnta. Ale my pierastvarajem hetuju častku admysłova dla Android-telefonaŭ.

Huhł moža vydać historyju vašych pieramiaščeńniaŭ. Jak abaranić vaš Google-akaŭnt — padrabiazny hajd

  • Spačatku znajdzicie na vašym telefonie prahramu, jakaja nazyvajecca «Fota» (Photos, «Foto»). Jana maje taki značok.
Ikonka prahramy Google Photos. Fota: creazilla.com
  • Adkryjcie prahramu. Tam vy ŭbačycie śpis vašych fota — prahladzicie ich, asabliva źviartajučy ŭvahu na fota z 2020-ha hoda.
Tak buduć vyhladać padborki fota na kožnuju z dat
  • Da prykładu, vy znajšli tam fota, jakoje chočacie vydalić. Doŭha naciśnicie na jaho, i jano vydzielicca, a ŭ levym vierchnim kucie fota źjavicca siniaja ptušačka. Tam ža možna vydzielić adrazu ŭsie fota — nasuprać daty źjaŭlajecca «ptušačka».
Tak vyhladaje adno vydzielenaje fota ŭ Google Photos
  • Zaŭvažcie — fota, jakija jość na dysku, paznačanyja ŭ pravym nižnim kucie ikonkaj «vobłačka». Dalej naciśnicie «Vydalić» (Delete) u mieniu, jakoje adkryjecca źnizu. Paśla hetaha źjavicca akienca paćviardžeńnia.
«Źmiaścić u śmietnicu» 
  • Naciśnicie «Źmiaścić u śmietnicu» (Move to bin). Dalej prajdziciesia dalej pa inšych datach i vybierycie ŭsie fota, jakija vy chacieli b vydalić.
  • Ale fota nasamreč nie zusim vydalilisia, a tolki pieramiaścilisia ŭ «Śmietnicu». Varta vydalić ich adtul (inačaj u hetym niama nijakaha sensu). Dla hetaha pierajdzicie ŭ «Biblijateku» (Library), nacisnuŭšy adpaviedny punkt unizie staronki.
Punkt «Biblijateka» (Library) u nižnim mieniu Google Photos
  • Vam stanuć bačnyja ŭsie vašy papki, a źvierchu źjaviacca čatyry, siarod jakich «Śmietnica» (Bin).
Papki, jaki vy pabačycie paśla pierachodu ŭ «Biblijateku»
  • Naciśnicie na papku «Śmietnica» (Bin). Adkryjecca mieniu, u jakim buduć fajły, jakija vy vydalili tolki što.
«Śmietnica» z fota, jakoje my tolki što vydalili
  • Naciśnicie na mieniu z troch kropach u pravym vierchnim kucie staronki. Adkryjecca punkt «Ačyścić śmietnicu» (Empty bin).
Punkt mieniu «Ačyścić śmietnicu»
  • Naciśnicie na jaho. Źjavicca akno paćviardžeńnia biezzvarotnaha vydaleńnia fajłaŭ.
Mieniu paćviardžeńnia ačystki śmietnicy ŭ Google Drive
  • Naciśnicie «Vydalić nazaŭsiody» (Delete permanently). Paśla hetaha fota vydalacca z vašaha akaŭnta Google Photos nazaŭždy.

Dalej varta pravieryć vaš huhł-dysk — ci nie zastałosia tam niečaha «kramolnaha».

Jak pačyścić huhł-dysk (Google Drive)

  • Dla taho, kab adkryć huhł-dysk, treba znajści prahramu «Dysk» (Drive). Jana pa zmoŭčańni ŭstalavanaja na ŭsie smartfony z Android ci, prynamsi, amal na ŭsie. Voś tak vyhladaje jaje ikonka ŭ śpisie prahram.
Ikonka Google Drive na smartfonie. Fota: Ivan Radic/flickr.com/CC BY 2.0
Ikonka Google Drive na smartfonie. Fota: Ivan Radic/flickr.com/CC BY 2.0
  • Adkryjcie prahramu. Pierajdzicie ŭ mieniu «Fajły» (Files) u mieniu ŭnizie staronki.
Pierachod u mieniu «Fajły» huhł-dyska
Pierachod u mieniu «Fajły» huhł-dyska
  • Tut vy pabačycie ŭsie fajły z vašaha huhł-dyska. Pierahledźcie ich uvažliva i paadkryvajcie papki, pra jakija vy nie pamiatajecie, što ŭ ich znachodzicca. Kali vy znajšli fajł, jaki chočacie vydalić, — vydzielicie jaho doŭhim naciskańniem.
Vyłučany fajł u huhł-dysku
Vydzieleny fajł u huhł-dysku
  • Naciśnicie na ikonku «Śmietnica» ŭ mieniu ŭ pravym vierchnim kucie. Źjavicca paviedamleńnie paćviardžeńnia vydaleńnia.
Akno paćvierdžańnia pieramiaščeńnia ŭ śmietnicu
Akno paćviardžeńnia pieramiaščeńnia ŭ śmietnicu
  • Naciśnicie «Pieramiaścić u śmietnicu» (Move to bin). Paśla hetaha praciahnicie pošuk fajłaŭ.
  • Jak i ŭ vypadku z Google Photos, fajły nie vydalajucca paśla pieramiaščeńnia ŭ śmietnicu. Zajdzicie ŭ mieniu, nacisnuŭšy na try ryski, jakija znachodziacca ŭ levym vierchnim kucie.
Tut varta nacisnuć na try ryski, kab adkryć mieniu
  • Adkryjecca mieniu. Abiarycie punkt «Śmietnica» (Bin).
Tut naciśnicie «Śmietnica»
  • Vy pabačycie ŭsie fajły, jakija niadaŭna vydalili.
Fajł, jaki my pieramiaścili ŭ śmietnicu. Kab ačyścić jaje, naciśnicie na try kropki ŭ pravym vierchnim kucie
  • Naciśnicie na mieniu z tryma kropkami ŭ pravym vierchnim kucie ekrana. Źnizu źjavicca punkt «Ačyścić śmietnicu» (Empty bin).
Punkt mieniu «Ačysić śmietnicu», jaki źjavicca paśla naciskańnia
  • Naciśnicie na jaho. Źjavicca dyjałohavaje akno paćviardžeńnia ačystki śmietnicy, to-bok biezzvarotnaha vydaleńnia fajłaŭ ź jaje.
Paćviardžeńnie kančatkovaha vydaleńnia fajłaŭ
  • Naciśnicie «Vydalić nazaŭsiody» (Delete forever). Paśla hetaha vy ŭbačycie, što ŭsie fajły vydalilisia, a śmietnica pustaja.
Vyčyščanaja śmietnica

Paśla taho, jak vy heta zrobicie, usie fota całkam vydaleny z vašaha huhł-akaŭnta. Paśla hetaha možacie adklučyć, kali ličycie patrebnym, sinchranizacyju z akaŭntam u huhł-fota. Jak heta zrabić, jość u našym hajdzie pa vydaleńni fota.

«Naša Niva» — bastyjon biełaruščyny

PADTRYMAĆ

Kamientary14

  • Cim
    21.05.2023
    Novamu smartfonu - novy akvŭnt.
  • Chiech
    21.05.2023
    Kohda amierikanskije tiechnołohii dla śležienija za lud́mi vystupili protiv niedalokich protiestujuŝich ;) intieriesno k čiemu priviedut našu stranu ludi, nie umiejuŝije prosčityvať pośledstvija svoich diejstvij chotia by na šah vpieried
  • Tavaryš Če
    21.05.2023
    Jašče varyjant: nie stvarać huhł akaŭnt i nie karystacca servisami huhła. Zrešty, soft na smartfon možna ŭstaloŭvać nie tolki praz google play. Biez rehistracyi i sms, jak kažuć.

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Usie naviny →
Usie naviny

Pa Mścisłaŭskim rajonie praniośsia mocny ŭrahan

U Biełarusi ŭžo +37,5°S. U siervisie dastaŭki praduktaŭ źnikła papularnaja minieralnaja vada1

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

Pryncesa Kiejt Midłtan naviedaje finał Uimbłdona ŭ niadzielu1

Ministarka sportu Francyi za dva tydni da Alimpijady vykupałasia ŭ Sienie, ledź nie paśliznuŭšysia na prystupkach VIDEA1

Paźniak pierakanany, što ŭ druhim tury vybaraŭ-1994 pieramoh by Łukašenku127

bolš čytanych navin
bolš łajkanych navin

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Hałoŭnaje
Usie naviny →