Ekanomika1111

Jakija biełaruskija bary i kaviarni jość u Vilni 

Kudy schadzić u Vilni pajeści i vypić? Zrabili padborku kafe i baraŭ ź biełaruskim kapitałam.

«Karčma 1863»

Na pačatku hoda były akcior RTBD Ilja Jasinski razam z paplečnikami adkryŭ u centry Vilni Karčma 1863.

Va ŭstanovie biełaruski nie tolki ŭłaśnik, ale i piersanał. Budynak, dzie mieścicca karčma, maje važnuju dla biełarusaŭ historyju. Mienavita tut źbiralisia paŭstancy napiaredadni padziej 1863 hoda. U hetym budynku ŭ XIX stahodździ byŭ adzin ź pieršych hatelaŭ u Litvie.

Ustanova znachodzicca pa adrasie vuł. Bokšta, 2 (Bokšto, 2). Karčma pracuje z 11 da 23 hadzin.

Tut padajuć draniki na rozny hust, bulbianyja šaryki z syram, tvarožnyja pałački, ciopłuju sałatu.

Lagom Vilnius

Hodam raniej svaju kaviarniu ŭ Vilni adkryŭ biełarus Siarhiej, jaki raniej pracavaŭ va ŭstanovie, dzie časta śniedali Maksim Znak i Maryja Kaleśnikava.

Bistro znachodzicca pa adrasie Usich Śviatych, 7 (lit. Visų Šventųjų g. 7). Na letni pieryjad u kafe jość svaja letniaja terasa ŭ nievialičkim skvieryku pobač z samoj ustanovaj.

U bistro prapanujuć roznyja śniadanki, sandvičy, supy.

Kitchencoffee

Jašče adna ŭstanova, jakuju trymajuć biełarusy, zaviecca Kitchencoffee. Hetaja kaviarnia znachodzicca za 4—5 chvilin chady ad «Karčmy 1863». Dakładny adras: vuł. Śviatoha Michaiła, 4 (lit. Šv. Mykolo g. 4).

Kaviarnia pracuje štodnia z 09:00 da 20:00. Kuchnia — da 17 hadzin. U Kitchencoffee taksama jość stoliki, jakija stajać na vuzkim piešachodnym zavułku staroj Vilni.

Justapasta

U krasaviku biahučaha hoda ŭ Vilni źjaviłasia jašče adna ŭstanova, da adkryćcia jakoj spryčynilisia biełarusy. Kafe z sučasnaj italjanskaj kuchniaj znachodzicca na vulicy Niamieckaj, 20 (lit. Vokiečių g. 20).

Pakaštavać damašniuju pastu i vypić vina ŭ im možna ź sierady pa niadzielu.

Pahonia

U kancy 2021 hoda ŭ Vilni adkryŭsia bar «Pahonia». Znachodzicca jon pa adrasie praśpiekt Hiedymina, 27 (lit. Gedimino pr. 27).

Adna z admietnaściej bara — u im pravodziać kancerty i imprezy. I padajuć bečebe-šoty.

Bar pačynaje pracu z 17 hadzin viečara. U piatnicu i subotu pracuje da 3-j nočy, a ŭ astatnija dni bar adčynieny da poŭnačy.

Cat Cafe

Kaviarnia z kocikami, u adroźnieńnie ad nazvanych vyšej, źjaviłasia nie paśla 2020 hoda, kali biełarusy pačali masava źjazdžać z krainy, a značna raniej. Hetaja ŭstanova ź biełaruskim kapitałam adkryłasia ŭ 2014 hodzie. 

Znachodzicca jana pa adrasie praśpiekt Hiedymina, 5 (lit. Gedimino pr. 5). 

Aproč tradycyjnych supracoŭnikaŭ, piersanał kafe naličvaje 15 katoŭ. Hadziny pracy — z paniadziełka pa subotu z 11:00 da 22:00. U niadzielu — z 11:00 da 20:00.

U mieniu možna znajści i małočnyja kaktejli, i sałaty, i inšyja stravy i desierty.

Čytajcie taksama: 

Biełarusy adkryli ŭ Vilni karčmu ŭ domie, dzie Kalinoŭski źbiraŭsia z paŭstancami

«U Minsku ŭ nas časta śniedali Znak i Kaleśnikava». Jak biełarus adkryŭ kafe ŭ Vilni

Kamientary11

  • Žmudzin
    20.05.2023
    Žamojt, dy nie važna, chto tam hrošy ŭkłaŭ. Dobra, što jość takija barčeły ź biełaruskim anturažam.
  • Žamojt
    20.05.2023
    Žmudzin, ty byŭ u toj barčelle? Što tam ź biełaruskaha anturaža, akrom nazvy i pryciahnutych za vušy šotaŭ z Bahinskaj dla macańnia i fotačak?
    Ci mo ŭ Ket Kafe biełaruski anturaž jaki, ha?
  • Kazik
    20.05.2023
    U 1863 mianie pryjemna ŭraziła, što aficyjanty pryvitali pa-biełarusku jašče da taho, jak ja adkryŭ rot. Tam klova i ježa smačnaja

Hod Syrskaha. Jak vajuje ŭkrainskaja armija z hetym hałoŭnakamandujučym2

Hod Syrskaha. Jak vajuje ŭkrainskaja armija z hetym hałoŭnakamandujučym

Usie naviny →
Usie naviny

Što rabić, kali vaš telefon upaŭ u šachtu lifta?5

Biełaruskija astravy, pra jakija vy mahli nie viedać2

Zialenski raskazaŭ, jak bačyć «ździełku» z Trampam pa karysnych vykapniach9

U Pieciarburhu muzyka vykinuŭsia z 10-ha paviercha, kali da jaho pryjšli ź pieratrusam za «finansavańnie USU»7

Žurnalista Ihara Iljaša abvinavačvajuć pa dvuch kryminalnych artykułach1

U Biełarusi ŭsio ž taki zabaroniać Chahi Vahi. Ministr adukacyi ličyć, što hetaja cacka pravakuje hvałt11

Tramp płanuje sustrecca ź Zialenskim na nastupnym tydni12

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie32

Čamu vysoki cisk nie dazvalaje rasijskim Supierdžetam latać? Choć dla Boinha heta nie prablema23

bolš čytanych navin
bolš łajkanych navin

Hod Syrskaha. Jak vajuje ŭkrainskaja armija z hetym hałoŭnakamandujučym2

Hod Syrskaha. Jak vajuje ŭkrainskaja armija z hetym hałoŭnakamandujučym

Hałoŭnaje
Usie naviny →

Zaŭvaha:

 

 

 

 

Zakryć Paviedamić