Śviet55

«Jon nam nikoli nie admaŭlaŭ». Kiraŭnik ukrainskaj raźviedki pryznaŭsia, što Ukraina pracavała z Łukašenkam praz deputata Šaŭčenku

Kiraŭnik Hałoŭnaha ŭpraŭleńnia raźviedki Ukrainy Kirył Budanaŭ u svaim intervju prahramie «Roznyja ludzi» zakranuŭ pytańnie adnosin padčas vajny z režymam Łukašenki i kanałaŭ kamunikacyi ź im. 

Jaŭhien Šaŭčenka ŭ Viarchoŭnaj Radzie Ukrainy

Žurnalist u chodzie intervju źviarnuŭ uvahu na toje, što ź Biełarusi ŭžo dastatkova daŭno ničoha nie lacić na terytoryju Ukrainy i pacikaviŭsia dumkaj Budanava, vynikam čaho heta stała, dypłamatyčnych damoŭlenaściaŭ z Łukašenkam ci jaho strachu pierad adkazam z boku Ukrainy.

Budanaŭ skazaŭ, što heta vynik i taho, i druhoha ŭ kompleksie, a

Łukašenka nie idyjot: jon, maŭlaŭ, zrabiŭ vysnovy z papiaredniaha dośviedu i tamu paŭtareńnia taho, što adbyłosia 24 lutaha 2022 hoda, čakać nie varta.

Adnosna kanałaŭ kamunikacyi z Łukašenkam — to, pavodle słoŭ Budanava, zadziejničali ŭsie mahčymyja kanały, u tym liku i pasrednictva adnaho blizkaha da Łukašenki ŭkrainskaha deputata. Spačatku jon nie nazyvaŭ imia deputata, ale paśla pramoha pytańnia žurnalista skazaŭ, što heta Jaŭhien Šaŭčenka:

«My karystajemsia mahčymaściami jaho kamunikacyi, jaho suviaziami. U pryncypie, my nikoli hetaha mocna nie chavali. I jon efiektyŭny ŭ hetym pracesie. Šaŭčenka dastatkova daŭno dapamahaje nam, davajcie tak heta nazaviom. I nivodnaha razu nie admaŭlaŭ, kali my źviartalisia z peŭnymi prośbami da jaho».

Adnosna taho, ci namahajecca Pucin jašče ŭciahnuć Łukašenku ŭ vajnu, Budanaŭ ličyć, što jon užo straciŭ nadzieju heta zrabić. Patrebnyja bojeprypasy, maŭlaŭ, ź Biełarusi ŭžo praktyčna vyviezienyja, palihony vykarystoŭvajucca — ale na hetym usio. 

Nazvanaha Budanavym deputata Jaŭhiena Šaŭčenku biełarusy dobra viedajuć jašče z časoŭ, jakija papiaredničali rasijskamu napadu na Ukrainu z terytoryi Biełarusi. I viedajuć nie z dobraha boku. Hety palityk nabyŭ viadomaść jak aktyŭny prychilnik Łukašenki i jaho palityčny łabist va Ukrainie.

Z samaha pačatku biełaruskich paślavybarčych pratestaŭ Šaŭčenka šmat vykazvaŭsia na biełaruskija temy, na ŭsie łady raschvalvajučy režym i jaho dziejańni, apanientaŭ ža režymu jon usialak plažyŭ.

Sam deputacki status Šaŭčenki biełaruskaja prapahanda ŭsialak vykarystoŭvała dla imitacyi lehitymnaści ciapierašniaj biełaruskaj ułady ŭ vačach palityčnaj elity susiedniaj krainy. Jon naviedvaŭ mnohija prapahandysckija mierapryjemstvy režymu, u tym liku t. zv. Usiebiełaruski narodny schod 2021 hoda, a na «Słavianskim bazary» ŭ tym ža hodzie vystupiŭ navat u roli nie tolki prałukašenkaŭskaha prapahandysta, ale i śpievaka.

Jašče pierad pačatkam šyrokamaštabnaj vajny źjaŭlalisia paviedamleńni pra toje, što suprać Šaŭčenki nibyta zaviedzienaja kryminalnaja sprava, što paśla nie paćvierdziłasia. Paśla pačatku vajny taksama paviedamlałasia pra aryšt Šaŭčenki, a paśla jon prychodziŭ u Viarchoŭnuju Radu ŭ vajskovaj formie, za što padviarhaŭsia asudžeńniu z boku kaleh. Tady jon publična zajaviŭ, što źjaŭlajecca supracoŭnikam Hałoŭnaha ŭpraŭleńnia raźviedki, i pakazaŭ adpaviednaje paśviedčańnie.

Kamientary5

  • 4yt4rtg
    16.05.2023
    achula že...   nu nie imiejet "biełaruski" narod subjektnosti, nie imiejet.... 
  • Vital
    17.05.2023
    Jany jamu jašče j miedalku vypišuć - bo ž "u vajnu nie ŭstupiŭ"...
  • Maksim Dizajnier
    17.05.2023
    Nie udivluś, jeśli i s HRU po zumu každyj dień

U Biełarusi pačałasia pieradvybarčaja ahitacyja za Łukašenku FOTAFAKT

U Biełarusi pačałasia pieradvybarčaja ahitacyja za Łukašenku FOTAFAKT

Usie naviny →
Usie naviny

Minski chirurh vydaŭ zbornik esteckaj prozy. Tak pa-biełarusku raniej nie pisali

U Drazdach źbirajucca zavieści płyvučyja altanki3

U akupavanym Łuhansku źnieśli pomniki achviaram stalinskich represij i Haładamoru — «pa prośbach vieteranaŭ»6

U Bychavie dla patryjatyčnych akcyj prydumali pieranosny «Viečny ahoń» FOTAFAKT9

U padziemnym parkinhu ŭ Minsku patanuli 14 aŭtamabilaŭ VIDEA9

Eks-palitźniavolenaja Asia Bułybienka apublikavała fota z knihaj Remarka — za hetym chavajecca kranalnaja historyja

Zaleva ŭ Minsku, vierahodna, była najmacniejšaj za ŭsiu historyju nazirańniaŭ4

Rasijski sałdat prystreliŭ paranienaha kalehu. Prapahanda sprabavała śpichnuć heta na ŭkraincaŭ20

Tolki za apošni miesiac nad Biełaruśsiu pralatali 6 pasažyrskich samalotaŭ, jakija nie pavinny byli hetaha rabić

bolš čytanych navin
bolš łajkanych navin

U Biełarusi pačałasia pieradvybarčaja ahitacyja za Łukašenku FOTAFAKT

U Biełarusi pačałasia pieradvybarčaja ahitacyja za Łukašenku FOTAFAKT

Hałoŭnaje
Usie naviny →