Hramadstva1414

BYPOL raskryŭ miechanizm pravakacyi suprać Daškieviča i Łobava ŭ 2010 hodzie

Jak śćviardžajecca ŭ apublikavanym učora materyjale BYPOL, ułady, viedajučy važnaść «Maładoha frontu» ŭ vybarčaj kampanii, vyrašyli vyvieści z palityčnaj baraćby dvuch jaho lidaraŭ — Eduarda Łobava i Źmitra Daškieviča mietadam padstrojenaj pravakacyi.

Źmicier Daškievič i Eduard Łobaŭ Dmitrij Daškievič i Eduard Łobov Zmitser Dashkevich and Eduard Lobau
Źmicier Daškievič i Eduard Łobaŭ

18 śniežnia 2010 hoda, roŭna za sutki da asnoŭnaha dnia hałasavańnia na prezidenckich vybarach, dvuch maładych ludziej zatrymali ŭ Minsku za byccam by ździejśnienaje asabliva złosnaje chulihanstva.

Zhodna z pazicyjaj śledstva, «Daškievič i Łobaŭ 18 śniežnia 2010 hoda ŭ 16:10, dziejničajučy hrupaj asobaŭ i znachodziačysia ŭ hramadskim miescy kala doma 24 pa vulicy Janki Bryla naŭmysna, biez pryčyny i z chulihanskich pamknieńniaŭ, hruba parušajučy hramadzianski paradak i vykazvajučy vidavočnuju niepavahu da hramadstva, učynili hvałt adnosna paciarpiełych Małyšava i Savickaha, jakija tolki paprasili ŭ ich zakuryć».

Što adbyłosia

Aŭtary rasśledavańnia adznačajuć, što sačeńnie za saboj chłopcy zaŭvažyli adrazu, jak vyjechali z vulicy Panamarenki. Sprabujučy ad jaho adarvacca, Źmicier Daškievič, Eduard Łobaŭ i Łazar Dzianis Paŭłavič, jaki byŭ razam ź imi, vyjšli z hramadskaha transpartu. Da ich adrazu padyšli nieviadomyja i pačali źbivać. Załamali ruki, pakłali na ziamlu.

Užo praź niekalki chvilin na miesca złačynstva prybyŭ patrul milicyi, jaki «vypadkova» prajazdžaŭ pobač. A ŭ dadatak prybieh piešy patrul patrulna-pastavoj słužby milicyi. Akramia hetaha, na miescy padziei akazaŭsia i mikraaŭtobus sa śpiecnazam.

Heta ŭsio navodzić na dumku, što apieracyja była staranna spłanavanaja i detalova padrychtavanaja.

Što nie tak

Cikava, što adrazu byli zatrymanyja try čałavieki. Ale da suda ź ich dajšli tolki dvoje. Sprava adnosna Dzianisa Łazara była spynienaja z-za adsutnaści va ŭčynku składu złačynstva. Heta taksama navodzić na peŭnyja dumki, bo ni da taho, ni paśla hetaha incydentu Dzianis Łazar nie byŭ zaŭvažany ŭ palityčnaj aktyŭnaści.

Aŭtary rasśledavańnia vykazvajuć zdahadku, što Dzianis Łazar, chutčej za ŭsio, vystupiŭ u roli navodčyka. A paśla taho, jak jaje adyhraŭ, byŭ vyviedzieny z hulni.

Nastupnaja akaličnaść, na jakuju źviartajuć uvahu aŭtary rasśledavańnia, heta toje, što ŭsie pakazańni supracoŭnikaŭ milicyi byli zapisanyja jak pad kapirku. Navat z zachavańniem arfahrafičnych pamyłak.

Śviedki — supracoŭniki milicyi hramadskaj biaśpieki i śpiecyjalnaj milicyi — błytalisia ŭ svaich pakazańniach. Tak, u adnaho z «paciarpiełych» byŭ siniak to na hałavie, to na łbie. Druhi śviedka to bačyŭ kroŭ, to nie bačyŭ.

I ŭsio heta z ulikam taho, što, pa słovach paciarpiełaha Savickaha, jamu Łobaŭ nanios udar mietaličnym łomikam pa hałavie. Druhi śviedka apisvaŭ hetuju ž situacyju ŭ inšym rakursie i ź inšymi pieramiennymi.

Da taho ž, jak adznačana ŭ materyjałach spravy, łomik byŭ kanfiskavany ŭ śviedki pratakołam vymańnia z 19.50 da 19.55. U toj čas jak u pratakole dopytu toj samy śledčy paznačyŭ, što dopyt praciahvaŭsia z 19.15 da 20.00 bieź pierapynku. Heta vyklučaje mahčymaść praviadzieńnia im inšych śledčych dziejańniaŭ. Hety fakt źjaŭlajecca śviedčańniem falsifikacyi pratakoła vymańnia.

Jak adznačajecca ŭ materyjale rasśledavańnia, kab nie parušyć kvołuju kanstrukcyju dziaržaŭnaha abvinavaŭcy, było pryniataje rašeńnie nie pravodzić ni sudova-hienatypaskapičnaj ekśpiertyzy ŭzoraŭ kryvi, ni sudova-miedycynskaj ekśpiertyzy pa fakcie atrymańnia paciarpiełymi cialesnych paškodžańniaŭ.

I heta prytym, što ŭ aficyjnaj prapahandzie raspaŭsiudžvałasia infarmacyja ab tym, što adzin z paciarpiełych mocna paciarpieŭ i sa šmatlikimi cialesnymi paškodžańniami byŭ dastaŭleny ŭ 9-ju haradskuju kliničnuju balnicu.

Dziŭnyja paciarpiełyja

Kryminalnaja sprava adnosna Daškieviča i Łobava razhladałasia na adkrytym sudovym pasiadžeńni sudom Maskoŭskaha rajona Minska. Da pačatku sudovaha pasiadžeńnia pastupiła zajava ad paciarpiełych ab pryniaćci mieraŭ biaśpieki adnosna ich.

U suviazi z hetym sud pryniaŭ rašeńnie dapytvać ich pa-za zonaj bačnaści. Heta vielmi dziŭna. Jany davali pakazańni praz napałovu pračynienyja dźviery z susiedniaha pamiaškańnia.

Aŭtary rasśledavańnia vyśvietlili, što dakumienty na paciarpiełych Małyšava i Savickaha byli sfalsifikavanyja. Takich hramadzian nie isnavała.

Jeść pašparty na imia Małyšava Aleha Siarhiejeviča, 15 lutaha 1981 hoda naradžeńnia, uradženca pasiołka Ždanovičy, i Savickaha Kanstancina Alaksandraviča, 25 lipienia 1979 hoda naradžeńnia, uradženca Samary.

Adnak fatahrafij u hetych pašpartach niama. Zamiest ich — prosta pustoje miesca. Usie astatnija źviestki taksama nieinfarmatyŭnyja i majuć całkam fiktyŭny charaktar.

Siarod ich — baćki, jakich nikoli nie isnavała ŭ Biełarusi, adrasy prapisak, damoŭ, jakich nikoli nie isnavała ci jany byli, ale ni Małyšaŭ, ni Savicki ŭ ich nikoli nie žyli.

Aŭtary rasśledavańnia ŭpeŭnienyja, što heta, vidavočna, milicejskija dakumienty prykryćcia. I prykryvajuć jany ŭ hetym vypadku całkam realnych ludziej. Ale dziŭnym taksama zjaŭlajecca toj fakt, što pašparty vydadzienyja za čatyry hady da padziej śniežnia 2010 hoda — adpaviedna, 5 žniŭnia 2006 hoda i 17 studzienia 2006 hoda.

Dziŭnaj zjaŭlajecca i nastupnaja akaličnaść. Kali niaisnyja Małyšaŭ i Savicki byli zasakrečanyja tolki ŭ zale suda, to jak možna rastłumačyć pieršapačatkovyja pratakoły ich dopytu adrazu paśla incydentu, dzie jany abaviazanyja byli paznačyć svaje sapraŭdnyja źviestki.

Jak jany mahli pradstaŭlacca lehiendavanymi proźviščami, kali jany pra ich u toj momant navat i nie viedali?

Kali jany pad hetymi prydumanymi imionami byli z samaha pačatku, značyć, hetyja dakumienty prykryćcia im byli vydadzienyja ŭ ramkach apieratyŭnaj raspracoŭki Daškieviča i Łobava. Heta značyć, u ramkach ahienturna-apieratyŭnaj spravy. Atrymlivajecca, što jany śviadoma išli na ździajśnieńnie pravakacyi za dzień da vybaraŭ. I chutkaje prybyćcio milicyi na miesca złačynstva tolki paćviardžaje hetyja słovy.

Aŭtary śćviardžajuć, što ŭ milicyi nie zastavałasia nijakaj inšaj mahčymaści niejtralizavać aktyvistaŭ napiaredadni vybaraŭ, akramia tolki jak ździejśnić suprać ich pravakacyju. Usio było spłanavana i arhanizavana nasupierak adsutnaści ŭ dziejańniach Daškieviča i Łobava chacia b niejkaha ŭčynku, jaki kryminalna karajecca.

Pa vynikach suda Źmicier Daškievič byŭ asudžany da dvuch hadoŭ pazbaŭleńnia voli va ŭmovach ahulnaha režymu, a Eduard Łobaŭ — da čatyroch hadoŭ pazbaŭleńnia voli va ŭmovach uzmocnienaha režymu. Terminy pakarańnia jany adbyli całkam. Daškieviču ŭ kałonii dadali jašče adzin hod.

Turma nie złamała ni Daškieviča, ni Łobava, jany praciahnuli svaju dziejnaść na karyść Biełarusi. I abodvum heta adhuknułasia ciažkimi vyprabavańniami. 

14 lipienia 2022 hoda sud Maskoŭskaha rajona horada Minska asudziŭ Źmitra Daškieviča da 1,5 hoda pazbaŭleńnia voli. A jaho žonku Nastu Daškievič da troch hadoŭ chatniaj «chimii».

Eduard Łobaŭ 23 studzienia 2023 hoda zahinuŭ u bajach pad Vuhladaram, abaraniajučy niezaležnaść Ukrainy i Biełarusi.

Čytajcie jašče:

«Prykryvaŭ adychod paranienaha kamandzira». Jak zahinuŭ biełaruski dobraachvotnik Eduard Łobaŭ

«U dzień sapraŭdnaha suda vy ničoha nie daścio za svaju dušu». Mahutnaje apošniaje słova Źmitra Daškieviča na sudzie

Z prośbami i biez prośbaŭ: jak palitviaźniaŭ vyzvalali ŭ 2011-m

Kamientary14

  • Złobnyj vožyk
    16.05.2023
    I radi čieho eti žiertvy? Otsidieł Daškievič tri hoda žiźni v pustuju i siejčas sidit. I k čiemu privieli jeho otsidki? Ničieho nie pomieniał ni v stranie, ni v umach ludiej, o niem dažie nikto nie znajet za uzkimi kruhami nacionalnoj publiki. Očievidno žie, čto eto naprasnyje žiertvy radi tiech, kto nie skažiet spasibo.
  • Čarkaškvarka
    16.05.2023
    Nu łomiki treba rychtavać adnaznačna, pryhadziacca i moža užo skora.
  • Čarkaškvarkaaboniebyłobvajny
    16.05.2023
    [Red. vydalena]

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?7

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Usie naviny →
Usie naviny

Siońnia ŭkrainskija zienitčyki źbili čarhovy rasijski Su-253

Załužny: Adzinym vychadam u vajnie moža stać pavieličeńnie kolkaści čałaviečych resursaŭ2

Dva hady ŭ łahiery ŭciekačoŭ. Volha Nikałajčyk narešcie atrymała prytułak u Bielhii15

«Lusterka» prakamientavała situacyju ź videa rodnych kaleh partała2

Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET24

Zabaronu ruchavikoŭ unutranaha zharańnia ŭ ES nazvali niezakonnaj2

Z čaćviarha na stadyjonie «Dynama» znoŭ pačnuć pakazvać kino pad adkrytym niebam

Siłaviki cisnuć na baćkoŭ viadoŭcaŭ tyktok-kanała «Lusterka»21

U Biełarusi pradajuć Mercedes-Benz W124 za 12 000 dalaraŭ. Čamu 32-hadovaje aŭto takoje darahoje?3

bolš čytanych navin
bolš łajkanych navin

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?7

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Hałoŭnaje
Usie naviny →