Erdahan papiarednie nie zmoh nabrać 50% hałasoŭ. U Turcyi, imavierna, budzie druhi tur vybaraŭ
14 maja ŭ Turcyi prajšli prezidenckija vybary. Udzielničali čatyry kandydaty, ale sapraŭdnaje supraćstajańnie było pamiž dvuma — prezidentam Redžepam Taipam Erdahanam i kandydatam ad abjadnanaj apazicyi Kiemalem Kyłyčdarohłu.
Pa papiarednich padlikach, Erdahan atrymaŭ 49,94% hałasoŭ, Kyłyčdarohłu — 44,3%. Ale jašče nie apracavana 10% biuleteniaŭ.
Dla pieramohi ŭ pieršym tury adnamu z kandydataŭ treba nabrać bolš za 50% hałasoŭ. Heta značyć, moža być druhi tur vybaraŭ.
Inšyja dva kandydaty na post prezidenta Turcyi nabrali zusim niaznačnuju kolkaść hałasoŭ.
Redžep Taip Erdahan kiruje krainaj faktyčna z 2003 hoda, kali staŭ premjer-ministram. Kiemal Kyłyčdarohłu ŭznačalvaje Respublikanskuju narodnuju partyju, jakuju zasnavaŭ baćka Tureckaj dziaržavy Kiemal Ataciurk, a zaraz abjadnany Nacyjanalny aljans. Pavodle papiarednich apytańniaŭ, Erdahan sastupaŭ Kyłyčdarohłu. Z apošnim źviazvajuć nadziei na bolš demakratyčnuju budučyniu.
Vybary prachodziać praz try miesiacy paśla razburalnaha ziemlatrusu, u Turcyi padčas jaho zahinuła 50 tysiač čałaviek.
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia1
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1414
Kamientary