Śviet11

Vybary ŭ Turcyi: adzin z kandydataŭ źniaŭ kandydaturu. Heta na ruku supierniku Erdahana

Za try dni da prezidenckich vybaraŭ u Turcyi adzin z čatyroch kandydataŭ Mucharem Indže vybyŭ z honki. Indže padviarhaŭsia cisku za raskoł u apazicyi, jakaja nie biez padstaŭ miarkuje, što ŭ jaje narešcie źjaviŭsia realny šaniec adchilić Redžepa Taipa Erdahana ad ułady. «Ja zdymaju svaju kandydaturu», — skazaŭ palityk žurnalistam.

Mucharem Indže skazaŭ, što nie choča, kab na jaho ŭskładali vinu za parazu apazicyi. Fota: Memleket Party

U jakaści adnoj z pryčyn źniaćcia svajoj kandydatury jon nazvaŭ padroblenyja fatahrafii seksualnaha charaktaru i paskardziŭsia, što na jaho paklopničali i padviarhali hanieńniu na praciahu paŭtara miesiaca, a tureckija ŭłady nie zmahli abaranić jaho reputacyju, piša Bi-bi-si.

«Padroblenyja rachunki, padroblenyja videa, fatahrafii… jany ŭziali videa ź izrailskaha pornasajta i dadali tudy moj tvar, — skazaŭ jon. — Na žal, niekatoryja ŭ Turcyi padzialilisia imi dziela taho, kab być u tak zvanaj apazicyi».

Indže taksama zajaviŭ, što nie žadaje akazacca krajnim u vypadku projhryšu i ciarpieć abvinavačańni aljansu apazicyjnych partyj, kali Erdahanu ŭdasca ŭtrymacca va ŭładzie.

Rašeńnie Indže admovicca ad udziełu ŭ vybarach — vydatnaja navina dla hałoŭnaha supiernika prezidenta Erdahana Kiemala Kyłyčdarohłu. Kyłyčdarohłu ŭznačalvaje aljans šaści apazicyjnych partyj, i pa apošnich apytańniach jon moža nabrać na vybarach 49% hałasoŭ.

Kiemal Kyłyčdarohłu. Fota: AP

Turecki fondavy rynak taksama adreahavaŭ rezkim rostam.

Prezident Erdahan kiruje krainaj bolš za 20 hadoŭ. U apošnija hady jaho kiravańnia Turcyja sutyknułasia z surjoznymi ekanamičnymi prablemami, u pryvatnaści, ź inflacyjaj 44%. Mnohija analityki abvinavačvajuć u hetym asabista prezidenta, jaki ŭmiešvaŭsia ŭ palityku Centralnaha banka Turcyi.

Centrabank faktyčna nie maje aŭtanomii i prymaje tyja rašeńni, jakija čakaje ad jaho prezident. A prezident prytrymlivajecca svojeasablivych pohladaŭ na kredytna-hrašovuju palityku.

Erdahana taksama krytykujuć za zapoźnienuju i niedastatkova aktyŭnuju reakcyju na razburalny ziemlatrus u lutym, jaki zabraŭ žyćci bolš za 50 tysiač čałaviek u 11 pravincyjach.

Niahledziačy na aŭtarytaryzm Erdahana, u Turcyi vybary adyhryvajuć važnuju rolu — za apošnija dziesiacihodździ ludzi pryvykli da taho, što ŭ ich jość mahčymaść upłyvać na palityku, i rasstacca z hetaj mahčymaściu nichto nie hatovy.

Choć pa apytańniach dola hałasoŭ Indže nievialikaja, prychilniki apazicyi spadziajucca, što jaho sychodu z vybaraŭ budzie dastatkova, kab Kyłyčdarohłu zmoh nabrać 50%, nieabchodnyja dla pieramohi ŭ pieršym tury ŭ niadzielu.

Kali nivodny z kandydataŭ nie nabiare 50%, to praz dva tydni adbudziecca druhi tur vybaraŭ.

Piać hadoŭ tamu Indže nabraŭ 30% hałasoŭ, kali vyłučaŭsia ad hałoŭnaj apazicyjnaj Respublikanskaj narodnaj partyi, ale ŭ nastupnym hodzie pakinuŭ jaje.

Tureckaja apazicyja

Tureckaja apazicyja, viadomaja jak «narodnaja kaalicyja», składajecca z šaści partyj: kiemalisckaj Respublikanskaj narodnaj partyi, stvoranaj jašče Ataciurkam, isłamisckaj Partyi ščaścia, pravaj nacyjanalistyčnaj «Dobraj partyi», centrysckaj Demakratyčnaj partyi, Partyi budučyni i Partyi demakratyi i prahresu. Hatoŭnaść takich roznych sił abjadnacca ŭ palityčnaj baraćbie — indykatar taho, jak mocna ich vybarščyki čakajuć pieramien u krainie.

Za abjadnańnie apazicyi adkazvaŭ Kiemal Kyłyčdarohłu — lidar Respublikanskaj narodnaj partyi. I mienavita jaho bolšaść kaleh hatovaja bačyć prezidentam Turcyi.

Kiemalu Kyłyčdarohłu 74 hady. Apošnija 13 ź ich jon uznačalvaje najstarejšuju ŭ krainie Respublikanskuju narodnuju partyju.

Na hetyja vybary kandydat idzie z mnostvam abiacańniaŭ.

Klučavyja ź ich — heta abiacańnie zmahacca za pravy i svabody, pazbavicca ad karupcyi i kumaŭstva, pieraaryjentavać zamiežnuju palityku na Zachad, kab raźviazać isnyja roznahałośsi z sajuźnikami ŭ NATO, admovicca ad erdahanaŭskaj nieartadaksalnaj ekanamičnaj i finansavaj palityki, jakaja zahnała krainu ŭ kryzis, zabiaśpiečyć svabodu słova.

Ale hałoŭnaje — źmianić Kanstytucyju, kab Turcyja mahła viarnucca da parłamienckaj sistemy, i pazbavicca ad papravak 2017 hoda, jakija dali Erdahanu maksimalnyja paŭnamoctvy.

Kamientary1

  • Prachožy
    12.05.2023
    Vidać zamiest "nieartadaksalnaj" treba "nieaartadaksalnaj", chacia možna i praściej.

Stała viadoma, jak dobra ŭładkavaŭsia ŭ žyćci muž starejšaj unučki Łukašenki9

Stała viadoma, jak dobra ŭładkavaŭsia ŭ žyćci muž starejšaj unučki Łukašenki

Usie naviny →
Usie naviny

Łaŭroŭ: «Interbačańnie» ŭ Maskvie projdzie biez vyčvarenstvaŭ3

Barsuk, jaki lubujecca svajoj vyjavaj u styli Benksi, staŭ pieramožcam na konkursie fatahrafij dzikaj pryrody1

Tramp zabaraniŭ transhiendarnym spartsmienkam udzielničać u žanočych spabornictvach3

«U hateli staić achova tolki praz toje, što ty biełaj rasy». Jak biełarus pracavaŭ u Vjetnamie, Zimbabve i Filipinach14

U Samary zabili byłoha mera horada i jahonuju žonku. Ich unučku padazrajuć u zabojstvie i rasčlanieńni

«Biełaruski siłavik» iznoŭ zbrachaŭ. Hetym razam — na miljony11

Vyjšaŭ na svabodu student chimfaka BDU Arciom Bajarski9

Žychary Smalavičaŭ skardziacca na prablemy z dajezdam u Minsk2

«Ja z toj žmieńki ludziej, u jakich alerhija na ŭłasny arhazm»5

bolš čytanych navin
bolš łajkanych navin

Stała viadoma, jak dobra ŭładkavaŭsia ŭ žyćci muž starejšaj unučki Łukašenki9

Stała viadoma, jak dobra ŭładkavaŭsia ŭ žyćci muž starejšaj unučki Łukašenki

Hałoŭnaje
Usie naviny →

Zaŭvaha:

 

 

 

 

Zakryć Paviedamić