Sport55

U salihorskaha «Šachciora» zabrali čempijonstva 2022 hoda, a taksama 30 ačkoŭ u hetym siezonie

Dziasiatki hulcoŭ dyskvalifikavanyja. 

Asacyjacyja Biełaruskaja fiederacyja futboła pryniała surovaje rašeńnie pa damoŭnych matčach u biełaruskim futbole.

Jak paviedamlaje ABFF, kamitetam kantrolna-dyscyplinarnym i pa etyčnych pytańniach ABFF byli razhledžanyja źviestki, jakija pastupili sa Śledčaha kamiteta, ab tym, što padčas čempijanatu krainy kiraŭnictvam «Šachciora» byli arhanizavanyja damoŭnyja matčy, a taksama ažyćciaŭlałasia niepravamiernaje finansavaje stymulavańnie kamand vyšejšaj lihi, paśla čaho była raspačataja dyscyplinarnaja vytvorčaść, u ramkach jakoj było apytana bolš za 20 čałaviek.

Voś jakoje pakarańnie vyniesienaje «Šachcioru»:

  • štraf u pamiery 10 000 bazavych vieličyń (370 000 rubloŭ),
  • pazbaŭleńnie 30 bałaŭ u čempijanacie-2023,
  • pazbaŭleńnie 20 bałaŭ u čempijanacie ŭ nastupnym hodzie siarod kamand vyšejšaj (abo pieršaj) lihi,
  • pazbaŭleńnie atrymanych załatych uznaharod u čempijanacie-2022,
  • anulavany vynik matča «Šachcior» — «Biełšyna» (12.11.2022), prysudžanaje «techničnaje paražeńnie» «Šachcioru» i «Biełšynie».

Štrafnyja sankcyi ŭ dačynieńni da FK «RCAR BDU» («Enierhietyk»):

  • štraf u pamiery 2000 bazavych vieličyń (74 000 rubloŭ),
  • pazbaŭleńnie 20 bałaŭ u čempijanacie 2023 hoda, pazbaŭleńnie 10 bałaŭ u čempijanacie 2024 hoda siarod kamand vyšejšaj (pieršaj) lihi,
  • pazbaŭleńnie atrymanych srebranych uznaharod u čempijanacie 2022 hoda.

FK «Biełšyna»:

  • štraf u pamiery 2000 bazavych vieličyń (74 000 rubloŭ), pazbaŭleńnie 10 bałaŭ u čempijanacie 2023 hoda,
  • pazbaŭleńnie 5 bałaŭ u čempijanacie 2024 hoda siarod kamand vyšejšaj (pieršaj) lihi;
  • anulavany vynik matča «Šachcior» — «Biełšyna» (12.11.2022), prysudžanaje «techničnaje paražeńnie» «Šachcioru» i «Biełšynie».

Spartovy dyrektar «Šachciora» Uładzimir Niderhaus i były hulec «Biełšyny» Dźmitryj Homza abvieščanyja piersonami non hrata (niepažadanymi asobami) u biełaruskim futbole, jany atrymali štrafy ŭ pamiery 1000 bazavych vieličyń (37 000 rubloŭ) kožnamu.

Taksama dziasiatki hulcoŭ dyskvalifikavanyja.

Ažno na piać hadoŭ dyskvalifikavali treniera Anatola Jureviča — viadomaha biełaruskaha śpiecyjalista, niadaŭna pryznačanaha dziaržaŭnym trenieram pa futbole, to-bok hałoŭnym kurataram biełaruskaha futboła. Taksama koŭču pryznačyli štraf u pamiery 1000 bazavych vieličyń (37 tysiač rubloŭ). Dyrektar «Šachciora» Alaksandr Marčanka dyskvalifikavany na 4 hady, jon musić zapłacić štraf u 500 bazavych (18500 rubloŭ).

Što da hulcoŭ, dyskvalifikacyju na 3 hady i štraf u 400 bazavych (14800 rubloŭ) atrymaŭ administratar «RCAR-BDU» Aram Abdul Kader Al-Madžyd. 500 i 300 bazavych vieličyń zapłaciać adpaviedna paŭabaroncy Michaił Hardziajčuk («Šachcior») i Mikita Korzun («Dynama»), hulcy dyskvalifikavanyja na 12 miesiacaŭ. Pałova składu «Biełšyny», u tym liku i hałoŭny trenier, dyskvalifikavanyja na paŭhoda.

Nie jasna, što z čempijonstvam krainy za 2022 hod. U BATE i minskaha «Dynama» była adnolkavaja kolkaść bałaŭ, u takim vypadku pavinien być «załaty matč». Ź inšaha boku, jak paviedamlaje resurs football.by, čempijanat-2022 moža tak i zastacca biez załatoha i srebranaha pryzioraŭ, bo «Šachcior» i «RCAR-BDU» pazbaŭlenyja hetych tytułaŭ. 

Chto pradstavić Biełaruś u jeŭrakubkach-2023? Jak pradkazvaje football.by, u kvalifikacyi Lihi Čempijonaŭ vystupić barysaŭski BATE, u anałahičnych raŭndach Lihi Kanfierencyj — minskaje «Dynama» i «Isłač».

Razam z tym vyniki Supierkubka Biełarusi-2023 pierahledžany nie buduć, «Šachcior» zachavaje trafiej.

Kamientary5

  • Źmicier
    11.05.2023
    Žvir, pračytaú by da kanca navinu..
  • Ppk
    11.05.2023
    Hrošy hrošy. Im patrebnyja tolki . Słušna padumali. HROŠY!
  • Žvir
    11.05.2023
    Źmicier, a ja i pračytaŭ da kanca. Što vas zasmuciła ? Vinšavańnie ŭ dvukośsie nia ŭziaŭ ? Lanota było. Nie lublu "Enerhietyk", štučnaja kamanda, ni škoły, ni bazy, ni stadyjona, ni tyłu. Tolki-tolki ŭ asnoŭny turnir vybilisia, i ŭžo za machlarstva ŭzialisia. Niama čym daražyć, svajho honaru nie zavajavali, a minułaha j nie było nikoli. Nasrali ŭ dušy zaŭziataram, dy asłavili biełaruski futboł na ŭvieś śviet. Spartovych vynikaŭ biełaruski futboł nia mieŭ, dyk ciapier jašče takaja hańba ! Kim nas ludzi ličyć buduć ? Tak apuścić !.. Heta ž ciapier na hady, pasprabuj viarnuć ciapier sabie tvar...

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ3

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Usie naviny →
Usie naviny

Kantraktnik u Biełharadskaj vobłaści Rasii zastreliŭ troch tavaryšaŭ i ŭciok sa zbrojaj

U Kalinkavičach u 40 hadoŭ pamior praparščyk patrulna-pastavoj słužby 

Eduardu Babaryku dadali paŭtara hoda źniavoleńnia2

Bajden nazvaŭ vice-prezidenta Charys Trampam. Toj rezka adreahavaŭ1

Milinkievič raskazaŭ, što biełarusy mohuć dać Jeŭropie9

Razhramili kvateru byłoha viadučaha ANT Ivana Padreza11

Siamiejnuju paru rasijan zatrymali ŭ Aŭstralii pa padazreńni ŭ špijanažy

Šmatdzietnaj maci dali 6 hadoŭ kałonii pa 6 artykułach. Syn-padletak ź invalidnaściu čakaje jaje na voli8

Pamior biełaruski saksafanist Vital Jamuciejeŭ

bolš čytanych navin
bolš łajkanych navin

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ3

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Hałoŭnaje
Usie naviny →