Hramadstva66

«U pramzonu chodzić z kijkom». Alaksandra Fiadutu nie vyzvalili ad łahiernaj pracy, niahledziačy na stan zdaroŭja

Žurnalist, palitołah, litaraturaznaŭca Alaksandr Fiaduta ŭžo bolš za dva hady za kratami — paśla dasudovaha «marynavańnia» ŭ izalatarach KDB i UUS Minharvykankama jon ciapier adbyvaje 10-hadovy vyrak u kałonii № 15 Mahilova. Biełaruskaja asacyjacyja žurnalistaŭ daznałasia pra niuansy adsiedki adnaho z najbolš viadomych biełaruskich intelektuałaŭ.

Alaksandr Fiaduta padčas suda. Fota: BiełTA

Byłyja kalehi Alaksandra Fiaduty pa źniavoleńni na ŭmovach ananimnaści raskazali, što ŭ vyniku šmatlikich chraničnych i nabytych zachvorvańniaŭ jon byŭ etapavany ŭ kałoniju ŭžo z kijkom, tak pierasoŭvajecca i ciapier.

Zrešty, fizičny stan nie staŭ nahodaj dla administracyi papraŭčaj ustanovy, kab pakinuć viaźnia ŭ reziervie — jon musić razam ź inšymi chadzić na pracu ŭ tak zvanuju pramysłovuju zonu.

Ciažkija nahruzki i chvaravityja simptomy nie mahli nie pakinuć svajho śledu: 58-hadovy Alaksandr Fiaduta vyhladaje źniamohłym, jon mocna schudnieŭ i asunuŭsia, kažuć śviedki.

«Palityčny» status aŭtamatyčna ciahnie šerah nastupstvaŭ abmiežavalnaha charaktaru. Naprykład, na niapeŭny čas spadar Alaksandr pazbaŭleny pieradač i spatkańniaŭ z rodnymi, vyklučeńnie zroblena tolki dla nieabchodnych lekaŭ. Usia inšaja suviaź sa źniešnim śvietam padtrymlivajecca praź listy i płanavyja telefanavańni.

Byłyja siadzielcy taksama narakajuć, što na palitviaźniaŭ mocna cisnuć za lubyja zhadki pra ich u ŚMI — u takim vypadku pahražajuć karać uvieś atrad, što vyklikaje peŭnuju niervoznaść.

Niahledziačy na presinh, Alaksandr Fiaduta praciahvaje daśledčuju dziejnaść. Tak, u volny čas zajmajecca litaraturaznaŭčym analizam pjesy Michaiła Bułhakava «Batum», dzie pakazany pačatak kryvavaha šlachu maładoha Iosifa Stalina. Nie vyklučana źjaŭleńnie scenaryja.

Darečy, dahetul nie akreśleny los jahonych rukapisaŭ-kamientaroŭ da ramana Uładzimira Karatkieviča «Kałasy pad siarpom tvaim», nad jakimi litaraturaznaŭca pačaŭ pracavać jašče ŭ śledčych izalatarach. Teksty navat zabirali na «ekśpiertyzu», ale ŭrešcie viarnuli, nie znajšoŭšy kramoły. Ciapier materyjał na redaktury, ci ŭdasca vydać knihu ŭ ahladnaj pierśpiektyvie — nieviadoma.

Jak by tam ni było, palitviazień namahajecca padtrymlivać badzioraść duchu i vieryć u lepšyja časy dla siabie i ŭsioj Biełarusi. 

Nahadajem, Alaksandra Fiadutu zatrymali ŭ Maskvie 11 krasavika 2021 hoda ŭ vyniku sumiesnaj «śpiecapieracyi» FSB Rasii i KDB Biełarusi ŭ miežach spravy ab sprobie dziaržaŭnaha pieravarotu. Paralelna schapili palityka Ryhora Kastusiova i jurysta Jurasia Ziankoviča. Usim vystavili abvinavačańnie pavodle č. 1 art. 357 Kryminalnaha kodeksa — «Zmova z metaj zachopu ŭłady niekanstytucyjnym šlacham».

Razhlad abjadnanaj spravy pačaŭsia 29 lipienia 2022 hoda ŭ Minskim rajonnym sudzie. Alaksandr Fiaduta pryznaŭ vinu častkova i nie pahadziŭsia z ahučanymi bokam abvinavačańnia matyvami. Praź miesiac pasiadžeńniaŭ prakuror Michaił Kavaloŭ zapatrabavaŭ dla palitviaźnia 12 hadoŭ źniavoleńnia.

5 vieraśnia sudździa Uładzimir Areška krychu «źmiakčyŭ» zapytany termin i pakaraŭ žurnalista 10 hadami źniavoleńnia ŭ kałonii ŭzmocnienaha režymu.

29 listapada Viarchoŭny sud Biełarusi pakinuŭ prysud u sile.

Kamientary6

  • Byvałyj
    10.05.2023
    Obyčno dochodiah dnievalnymi ostavlali. Pomału so ŝiotočkoj i švabroj otriad vylizyvať poka mužiki v promzonie. Zarabotka nol, no ot každoho po sposobnosti.
  • Pavił
    10.05.2023
    Fieduta ? Kto eto ? Avtor Bolšoj rosijskoj entikłopiedii ? Jeśli on, to o niom ja słyšał, ni za čto sidit, NN pisała. Jeho podstavił Zienkovič, v riestaranie. Dasłovno nie pomniu, no tam pisali, čto na sudie Fieduta priamo zajavił, čto Zienkovič vovlok jeho v płochuju kampaniju. Skryvať-to jemu niet čieho, on čiełoviek intielihietnyj, obmanyvať nie budiet. A o Zienkovičie iźviestno jeŝio mieńšie, čiem o Fiedutie, nihdie ničieho o niom nie pisali, ni do, ni pośle, ni tiepieŕ. Passport jevonyj amierikanskij, eto užie podozritielno, ot takovo dobra ni ždi. Stranno, kak litierator Fieduta moh popasť pod jevo vlejanije ?
  • šura
    10.05.2023
    Ja vsiech źniavolennych škaduju. No Fieduta sam zasłužił svoj rok. Nie nado było s "mołodymi vołkami" krutiť idiei nasčiet ispolzovanija Łukašienko v svoich cielach. Za ošibki nado płatiť.

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju2

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Usie naviny →
Usie naviny

Viačorka: Łukašenka abvieścić datu svaich vybaraŭ, tolki kali skončacca amierykanskija5

Pamior mastak Valeryj Čajka. Jon afarmlaŭ minskaje mietro

Zialenski pra zajavu Budanava pra nastup Rasii z poŭnačy: Jaho nie tak zrazumieli1

Ralf Šumachier ździejśniŭ kaminh-aŭt16

Jakimi buduć vybary 2025 hoda? Razvažajuć Viačorka, Łatuška i Šrajbman52

Jak vyhladaje čarha pa vadu ŭ Mazyry6

Jašče adna achviara ŭrahanu: u Śvietłahorsku dreva zabiła 90-hadovaha mužčynu

Ukraincaŭ spytali, ci pryjšoŭ čas pačynać pieramovy z Rasijaj — vyniki sacapytańnia1

«Paśpieli raźvitacca z žyćciom». Vidavočcy raskazali pra śmiarotny ŭrahan na Vilejskim vadaschoviščy5

bolš čytanych navin
bolš łajkanych navin

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju2

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Hałoŭnaje
Usie naviny →