Hramadstva2626

U tych, chto vyjazdžaje za miažu bieź vizy, pačali patrabavać pakazvać DNŽ. Što viadoma

Apošnim časam biełaruskija pamiežniki stali patrabavać dazvoł na žycharstva ci inšyja dakumienty ŭ tych biełarusaŭ, jakija padajuć pašpart bieź dziejnaj vizy pry vyjeździe ŭ ES. Pakul heta praktyka nie zakranaje ŭsich. Raźbirajemsia, ci heta zakonna i navošta heta biełaruskim pahraničnikam.

U niekatorych dazvoł na žycharstva fatahrafavali

Jašče ŭ krasaviku niekatoryja ŭładalniki DNŽ stali raspaviadać pra toje, što pry prachodžańni pamiežnaha kantrolu pahraničnik patrabavaŭ pakazać dakumient, jaki dazvolić pierasiekčy miažu.

«Šmat hadoŭ vyjazdžaju za miažu pa pašparcie, u jakim niama vizy, i da kanca krasavika nivodnaha razu biełaruskija pamiežniki nie pytalisia ŭ mianie, jak ja źbirajusia patrapić u Polšču. Ale kali apošni raz ja vyjazdžała ź Biełarusi, pahraničnik paviedamiŭ, što treba dakazać, ci sapraŭdy ja maju mahčymaść patrapić u susiedniuju krainu», — zhadvaje žančyna.

Jana pakazała dziejny polski DNŽ biełaruskamu pamiežniku.

«Moj DNŽ byŭ zaśviečany jašče z tych časoŭ, kali ŭ Biełarusi dziejničali kavidnyja abmiežavańni na vyjezd, tamu asablivaha sensu supraciŭlacca nie było, i ja pakazała dakumient, ale pierad hetym pacikaviłasia, na jakoj padstavie jany jaho patrabujuć.

Jon mnie ničoha nie pakazaŭ, a tolki vusna spasłaŭsia na niejkuju nieviadomuju pastanovu, numar i datu vychadu jakoj jon tak i nie ahučyŭ. Pry hetym pamiežnik dadaŭ, što kali ja admoŭlusia pakazać dakumient, to jon maje prava raźviarnuć mianie ŭ Biełaruś».

Pahraničnik paviedamiŭ žančynie, što robicca heta, kab nie stvarać dadatkovaj nahruzki na punkt propusku tym, što prachodzić miažu buduć ludzi, jakija nibyta nie mohuć patrapić u Polšču i ŭ vyniku buduć vymušanyja adrazu viartacca.

Inšyja čytačy taksama kazali pra toje, što hetaj viasnoj upieršyniu sutyknulisia z patrabavańniem pakazać DNŽ pry pierasiačeńni miažy pa pašparcie, u jakim niama dziejnaj vizy.

Pamiežniki nie tolki prahladali dazvoł na žycharstva, ale i fatahrafavali jaho z abodvuch bakoŭ.

Pakul vyhladaje, što takija zapyty na miažy nie majuć masavaha charaktaru. Ale ŭ admysłovych telehram-čatach, dzie ludzi abmieńvajucca infarmacyjaj pra situacyju ŭ pamiežnych punktach propusku, abmiarkoŭvajucca padobnyja vypadki. Niekatoryja śćviardžajuć, što takoje patrabujuć i na ŭjeździe ŭ Biełaruś.

Pa zakonie pašparta dla vyjezdu dastatkova. Navošta tady patrabujuć DNŽ?

Zhodna ź dziejnym zakanadaŭstvam, biełaruskija pahraničniki nie majuć prava patrabavać ad hramadzian Biełarusi pakazvać dakumienty, jakija paćviardžajuć prava hramadzianina na ŭjezd u sumiežnuju dziaržavu.

U Dziaržpahrankamitecie, kudy telefanavała naša čytačka, paćvierdzili: dla vyjezdu ź Biełarusi patrebny tolki dziejny nacyjanalny pašpart hramadzianina, ale dadali, što pahraničnik moža paprasić pakazać inšy dakumient, kab być upeŭnienym u tym, što vy majecie prava patrapić u inšuju krainu. Nibyta takim čynam jany chočuć praduchilić prablemy, što mohuć uźniknuć u sumiežnym punkcie propusku.

Niekatoryja karystalniki čataŭ vykazvajuć mierkavańnie, što takim čynam biełaruskija ŭłady chočuć vyznačyć nie tolki ŭładalnikaŭ DNŽ, ale i zamiežnych pašpartoŭ.

Pilna pryhladajucca da viz

Z zamiežnymi pašpartami situacyja ź jurydyčnaha punktu hledžańnia taksama vyhladaje jak minimum supiarečliva, bo za asobaj, jakaja zjaŭlajecca hramadzianinam Respubliki Biełaruś, nie pryznajecca prynaležnaść da hramadzianstva zamiežnaj dziaržavy, kali inšaje nie praduhledžana mižnarodnymi dahavorami. Inšymi słovami, zamiežny pašpart, jaki čałaviek moža mieć paralelna ź biełaruskim, naša kraina nie pryznaje.

Ale varta adznačyć, što, zhodna z pryniatymi ŭ pačatku hoda praŭkami ŭ Zakon «Ab hramadzianstvie Respubliki Biełaruś», biełarusy, jakija nabyli hramadzianstva zamiežnaj dziaržavy abo atrymali dazvoł na žycharstva ci inšy padobny dakumient zamiežnaj dziaržavy, na praciahu troch miesiacaŭ z dnia atrymańnia adpaviednych dakumientaŭ abaviazany prainfarmavać pra heta orhany ŭnutranych spraŭ abo orhany dypłamatyčnaj słužby.

Praŭki ŭ zakon nabuduć moc u nastupnym miesiacy.

Taksama vyhladaje, što apošnim časam biełaruskija pamiežniki pačali bolš pilna pryhladacca i da pašpartoŭ ź vizami.

Imavierna, vizy jany mohuć razhladać dziela taho, kab vyjaŭlać uładalnikaŭ karty palaka. Kab atrymać infarmacyju, što viza atrymana mienavita na padstavie hetaha dakumienta, biełaruskamu pamiežniku dastatkova pahladzieć u hrafu «meta vydačy». Kožnaja padstava dla vydačy vizy maje svoj numar.

Mahčyma, mienavita takim čynam źbirajucca źviestki, jakija potym spuskajuć pa dziaržaŭnych ustanovach, kab cisnuć na ludziej i prymušać ich admovicca ad karty palaka.

«Naša Niva» — bastyjon biełaruščyny

PADTRYMAĆ

Čytajcie taksama: 

Na miažy znoŭ pačali ŭzmocniena nadhladać ludziej. Pryčym nie tolki tych, u kaho 23.34

Na miažy z Rasijaj pierakopvajuć i zavalvajuć drevami prasiołkavyja darohi

Supracoŭnikaŭ dziaržustanoŭ prymušajuć admaŭlacca ad karty palaka. Pry admovie pahražajuć zvalnieńniem

Kamientary26

  • Ja tak miarkuju, što...
    11.05.2023
    Ludzi pačnuć atrymlivać hramadzianstva krainy pastajannaha pražyvańnia j admaŭlacca ad biełaruskaha hramadzianstva, - voś, čaho damohucca ŭłady takimi dziejańniami.
  • daviedka
    11.05.2023
    Pohraničniki takim obrazom nakaplivajut bazu potiencialnych kołłaborantov sriedi biełorusskij hraždan, kotorym s niedavnich por zakonodatielno zaprieŝieny vydvižienije v priezidienty i dieputaty, hosudarstviennaja i vojennaja słužba, dopusk k hośsiekrietam, a sobrannyje v riezultatie etoho śviedienija pohraničnikami budut pieriedavaťsia v zaintieriesovannyje śpiecsłužby dla pośledujuŝiej ich otrabotki v sootvietstvii s kompietiencijej.... MVD budiet štrafovať, KHB spuskať śpiski dla uvolnienija takich hraždan v prioritietnom poriadkie i inścienirovať v otnošienii nich tierakty, hosudarstviennuju iźmienu, ahienturnuju diejatielnosť v polzu inostrannoho hosudarstva i tak daleje.
  • rom
    11.05.2023
    nu dyk niefih šastať pa 10 razou za miesiac !! zajechał i siadi hod-dva. tym bolš ježieli jesť vnž

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Usie naviny →
Usie naviny

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

«Ź lohkim vietram» i «Narešcie, bro» — što pišuć Bajdenu ŭ tvitary

Stryžak raskazaŭ, ci ŭziaŭ by miljon dalaraŭ ad Čyža6

U Biełarusi źjavicca nacyjanalny videachostynh — vidieo.bieł 10

Džej Ło pierastała nasić zaručalny piarścionak. Kaniec historyi kachańnia

Adesit za $6 tysiač źbieh ad mabilizacyi ŭ Rasiju, dzie staŭ kantraktnikam. A kali trapiŭ na front, to zdaŭsia ŭkraincam9

Čamu Bajden vyrašyŭ vyjści z honki? Voś što pra heta pišuć suśvietnyja miedyja4

Sotni busłoŭ sabralisia na adnym poli la Hrodna FOTAFAKT2

Kolkaść lehkavikoŭ na biełaruska-polskaj miažy vyrasła da hihanckich 3501

bolš čytanych navin
bolš łajkanych navin

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Hałoŭnaje
Usie naviny →