Ryanair zakazvaje 300 samalotaŭ Boeing 737 Max 10s

Jak piša Le Monde, irłandskaja avijakampanija 9 maja zaklučyła kantrakt na zakupku 150 siaredniemahistralnych samalotaŭ Boeing 737 Max i vystaviła apcyjon, jaki daje joj prava na nabyćcio 150 dadatkovych samalotaŭ u budučyni pa zahadzia abumoŭlenaj canie i terminach u vypadku, kali Ryanair zachoča hetym pravam skarystacca.

Zakaz aceńvajecca na 40 miljardaŭ dołaraŭ u ciapierašnich cenach, ale Ryanair, pa słovach hienieralnaha dyrektara Majkła OʼLiry (Michael O'Leary) atrymała «kankurentnuju źnižku».

Jak adznačaje vydańnie sa spasyłkaj na pres-reliz Ryanair, heta najbolšy zakaz, jaki kali-niebudź u historyi rabiła na amierykanskija pramysłovyja irłandskaja kampanija.

Pastaŭka novych samalotaŭ zapłanavanaja na pieryjad z 2027 pa 2033 hady.

Pavodle acenak Ryanair, novyja samaloty dazvolać stvaryć bolš za 10 tysiač pracoŭnych miescaŭ. Pry hetym kampanija płanuje, što ŭ sakaviku 2034-ha hadavaja kolkaść pasažyraŭ vyraście da 300 miljonaŭ (u sakaviku 2023 hoda jana składała 168 miljonaŭ).

Pa słovach OʼLiry novyja samaloty majuć na 21% bolš pasadačnych miescaŭ, spažyvajuć na 20% mienš paliva i na 50% cišejšyja, čym staryja madeli B737-NG. Hienieralny dyrektar spadziajecca, što ekanomija, atrymanaja ad hetaha, adabjecca na cenach dla pasažyraŭ.

Vydańnie adznačaje, što Ryanair pajšoŭ na zaklučeńnie kantrakta, niahledziačy na toje, što da hetaha krytykavaŭ Boeing za niesvoječasovyja pastaŭki i zadziortyja ceny. Na pres-kanfierencyi 9 maja OʼLiry zajaviŭ, što amierykanski vytvorca «zrabiŭ fienamienalnuju pracu pa tym, kab nahnać» terminy pastavak, niahledziačy na ​​prablemy.

Avijakampanija i vytvorca majuć ciesnyja dziełavyja adnosiny. Padčas pandemii ŭ śniežni 2020 hoda Ryanair pahadziłasia skarystacca apcyjonam na 75 samalotaŭ. Heta adbyłosia ŭ toj momant, kali Boeing znoŭ atrymaŭ dazvoł na ekspłuatacyju madeli 737 Max paśla dvaccaci miesiacaŭ zabarony. Jana była ŭviedzienaja paśla dvuch krušeńniaŭ samalotaŭ hetaj madeli sa śmiarotnym zychodam.

Amierykanski vytvorca, jak paviedamlaje Le Mondie, u pieršym kvartale hetaha hoda mieŭ čystych strataŭ bolš, čym płanavaŭ. Ale ŭ jaho płanach pavieličeńnie abjomu vytvorčaści 737 Max da 38 na miesiac u hetym hodzie i da 50 na miesiac da 2026 hoda.

Paviedamleńni ab zaklučanym kantrakcie pryviali da rostu koštu akcyj abiedźviuch kampanij, adznačaje Le Monde.

Čytajcie jašče:

Ryanair skaračaje rejsy ź Vilni

Prezident Boeing pryznaŭ, što dźvie avijakatastrofy adbylisia z-za pamyłki prahramy

«Paloty ŭ Jeŭropu — heta była takaja asałoda». Byłaja ściuardesa «Biełavija» raskazała pra ŭnutranuju kuchniu avijakampanii-manapalista

• 5
• 0
• 0
• 0
• 1
• 0
• 2
• 0