Hramadstva2121

«Cichi čałaviek ź miakkim hołasam». Chto tyja sudździa i prakuror, jakija adpravili ŭ kałoniju błohiera Klimoviča — palitviaźnia, jaki pamior za kratami

Učora stała viadoma, što ŭ viciebskaj kałonii pamior palitviazień — pinski błohier Mikałaj «Vierasień» Klimovič. Raspaviadajem pra asoby tych, chto prysudziŭ jamu hod kałonii, niahledziačy na prablemy z sercam.

Andrej Byčyła (źleva) i Illa Huzarevič. Fota: zubr.cc i spring96.org

Sudziŭ Mikałaja Klimoviča Andrej Byčyła, sudździa ź Pinska. Jamu 45 hadoŭ. Jon upieršyniu «zaśviaciŭsia» ŭ palityčnych spravach u 2017 hodzie, kali sudziŭ udzielnikaŭ akcyj suprać zakona ab darmajedstvie. A z 2020-ha jon aktyvizavaŭsia.

Tolki ź viadomych ličbaŭ — z 2021 hoda Byčyła prysudziŭ bolš za 200 sutak aryštu i bolš za 8 tysiač rubloŭ štrafaŭ pa administracyjnych spravach. Razhladaŭ nie mienš za dziesiać palityčnych kryminalnych spravaŭ, pa jakich prysudziŭ nie mienš za dziesiać hadoŭ «chimii» abo «chatniaj chimii» i try hady kałonii.

Da prykładu, jon prysudziŭ dva hady palitviaźniu Alehu Korzunu za kamientaryi pa «spravie Zielcera», a niadaŭna sudziŭ niepaŭnaletniaha za «abrazu Łukašenki» (chłopcu dali dva hady «chatniaj chimii»). Pry hetym čatyry ź dziesiaci prysudaŭ nieviadomyja.

U lutym jon prysudziŭ Mikałaju Klimoviču hod turmy. Prysud staŭ śmiarotnym.

Andrej Byčyła

«U Byčyły adnosna niadaŭna zdaryłasia trahiedyja — pamierła žonka, na im zastalisia dzieci», — dzielicca znajomy mužčyny.

«Byŭ u horadzie taki vypadak: jon adnoj ściežkaj vadziŭ dziaciej u sadok, — praciahvaje surazmoŭca. — Na hetaj ściežcy napisali: «Sud — heta cyrk, Byčyła — kłoŭn». I zładzili ŭžo sapraŭdny cyrk: pryjazdžali roznyja śpiecyjalisty, brali proby farby, ciahali ludziej na dopyty, ale, kaniešnie, nikoha nie znajšli.

Nadpis zamalavali biełaj farbaj. Ale prajšoŭ niejki čas, jon znoŭ prajaviŭsia i bačny dahetul».

Andrej Byčyła raspaviadaje pra škodu narkotykaŭ u aktavaj zale škoły №11 horada Pinska. Fota: pinsk.edu.by

«Byli ŭ Pinsku takija sudździ, jak Śvicin (Dźmitryj Śvicin, były sudździa ź Pinska. — NN), — raspaviadaje inšy surazmoŭca. — Jany ščyra ličyli, što my, «zmahary», sapraŭdy drennyja i nie dajom im žyć. Ale jon nie taki. Byčyła, na maju dumku, prystasavaniec i choča žyć pry ŭsich uładach.

Jon miakki, daje vykazacca, nikoli nie pierabivaje i nikoli nie chamić. Ale daje takija prysudy. Vialikaje zło, kali čałaviek byccam sam pa sabie nie zły, ale taki pakorny, što hatovy vykonvać luby zahad i, kab prakarmić svaich dziaciej, hatovy pieramałoć usich.

Cichi čałaviek ź miakkim hołasam, jaki padpisvaje prysud, a paśla pamiraje čałaviek. Heta žudasna».

Staršy pamočnik mižrajonnaha prakurora Pinska Illa Huzarevič. Fota: jaho staronka va ŭkantakcie

Čałaviek, jaki byŭ z boku abvinavačańnia suprać pamierłaha Mikałaja Klimoviča, — 25-hadovy Illa Huzarevič. Jon rodam ź Pinska, paśla škoły, kali vieryć jaho sacsietkam, pastupiŭ u PTU №161 (ciapier — Pinski ahrarny kaledž). Paśla hetaha jaho zabrali ŭ armiju.

Illa Huzarevič u armii. Fota: staronka ŭkantakcie

Paśla armii Huzarevič pastupiŭ na płatnaje navučańnie na jurydyčny fakultet Hrodzienskaha dziaržaŭnaha ŭniviersiteta. I ŭžo z treciaha kursa pačaŭ stažyravacca ŭ Pinskaj mižrajonnaj prakuratury, a ŭ 2019 hodzie raźmierkavaŭsia tudy. Ciapier zajmaje pasadu staršaha pamočnika mižrajonnaha prakurora.

«Skažu koratka — vielmi inicyjatyŭny čałaviek, karjeryst. Na sudach vielmi aktyŭna vystupaje taksama», — kaža znajomy Huzareviča.

Chłopiec chiba najbolš aktyŭna z usioj pinskaj prakuratury vystupaje na roznych imprezach dla navučencaŭ, pryčym pa roznych temach.

Da prykładu, 25 sakavika 2021 hoda Huzarevič raspaviadaŭ školnikam pra Sajuznuju dziaržavu, hod tamu zaklikaŭ školnikaŭ iści na pracu ŭ prakuraturu, a niekalki dzion tamu raskazvaŭ im pra Chatynskuju trahiedyju. Takich sustreč jon pravodzić štohod davoli šmat.

Illa Huzarevič raspaviadaje školnikam pra toje, čamu dobra pracavać u prakuratury. Fota: molsh.roo-pinsk.gov.by

Huzarevič taksama aktyŭna ŭziaŭsia za palityčnyja spravy. Jon byŭ prakuroram pa spravie ab sarvanym z budynka lashasa ŭvosień 2020-ha čyrvona-zialonym ściahu, pa niekalkich spravach ab abrazach słužbovych asobaŭ. I pa spravie suprać błohiera Mikałaja «Vieraśnia» Klimoviča, dla jakoha zapatrabavaŭ hod turmy.

Ahulny lik spravaŭ, u jakich z boku abvinavačańnia vystupaŭ Huzarevič, nieviadomy, ale tolki ŭ adkrytych krynicach ich ź dziasiatak.

Illa Huzarevič kamientuje prysud, dzie jon byŭ abvinavaŭcam. Kadr ź videa TRK Varah

«Adčuvańnie takoje: Huzarevič ličyć, što ŭsieŭsia na chlebnaje miesca, i kali budzie vysłužvacca, to jaho zrobiać «carom», — daje charaktarystyku maładomu prakuroru inšy surazmoŭca.

«Naša Niva» — bastyjon biełaruščyny

PADTRYMAĆ

Kamientary21

  • Biełarus
    08.05.2023
    U adu hareć abodvum.
  • Mamientam
    08.05.2023
    Pomni pra mora.
  • Pomsta
    08.05.2023
    Samoje strašnoje eto smotrieť na svoje ditia, śmiertielno bolnoje.

Stryžak pra Pratasieviča: Sa mnoj takoha adbycca nie mahło8

Stryžak pra Pratasieviča: Sa mnoj takoha adbycca nie mahło

Usie naviny →
Usie naviny

Biełaruś paćvierdziła rasstrelny prysud Kryhieru: «Hiermanii prapanavanyja kankretnyja rašeńni»7

Alaksiej Tałaj prapanavaŭ dać Łukašenku zvańnie Hieroja Biełarusi23

Zabojca polskaha sałdata na miažy ŭstanoŭleny. Jon usio jašče ŭ Biełarusi2

Što viadoma pra sudździu i prakurorku, jakija vynieśli śmiarotny prysud hramadzianinu Hiermanii2

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia5

U Minsku raspačaŭsia «forum patryjotaŭ», pryśviečany 30-hodździu kiravańnia Łukašenki15

U centry Kijeva źnieśli siadzibu Zialenskich4

U rasijskim Krasnadary ludzi pierakryli vulicu z-za adklučeńniaŭ śviatła1

Žančynu-mera na Filipinach abvinavačvajuć u špijanažy na Kitaj. Vyśvietliłasia, što jana nie taja, za kaho siabie vydavała1

bolš čytanych navin
bolš łajkanych navin

Stryžak pra Pratasieviča: Sa mnoj takoha adbycca nie mahło8

Stryžak pra Pratasieviča: Sa mnoj takoha adbycca nie mahło

Hałoŭnaje
Usie naviny →