Nadyšoŭ čas urazić haściej ci prosta dazvolić sabie šykoŭnuju viačeru. Hetaja raznastajnaja ŭ płanie inhredyjentaŭ, ale nie vielmi składanaja ŭ hatavańni mižziemnamorskaja strava — vydatny varyjant, kab pakaštavać štości niezvyčajnaje.
Faršyravanaja stronha sa śviežym ahurkom i miatnym johurtam. Fota: realfood.tesco.com
Kab pryhatavać faršyravanuju stronhu — hetuju rybu nazyvajuć jašče farel, vam spatrebicca:
- 75 h bułhuru, pramytaha,
- 4 cełyja stronhi (kožnaja prykładna pa 400 h), vytrybušanyja i vyčyščanyja,
- pierje 3 cybulin, drobna narezanaje,
- 20 h śviežaj miaty, liście drobna narezać,
- 15 h śviežaj piatruški, drobna narezanaj,
- 225 h sałodkich pamidoraŭ, narezanych,
- 2 zubčyki časnaku, drobna narezanyja,
- 4 stałovyja łyžki aliŭkavaha aleju,
- 200 h hreckaha johurtu,
- ¼ ahurka, drobna narezanaha,
- forma, folha i papiera dla vypiečki,
- sol, pierac, prypravy.
Jak hatavać:
- Advarycie bułhur pavodle instrukcyi na ŭpakoŭcy. Źlicie i pakińcie astyvać.
- Razahrejcie duchoŭku da 190°S. Pramyjcie farel i absušycie kuchonnaj papieraj, namažcie prypravami. Źmiašajcie dźvie traciny zialonaj cybuli, pałovu miaty i pałovu piatruški z bułhuram i načynicie hetaj sumieśsiu kožnuju rybinu, zatym pierakładzicie ŭ formu, zasłanuju papieraj dla vypiečki.
- Źmiašajcie pamidory i časnok i vykładzicie na rybu. Dadajcie 3 stałovyja łyžki aliŭkavaha aleju. Nakryjcie listom papiery dla vypiečki, potym listom folhi i zapiakajcie 40 chvilin. Potym źnimicie folhu i papieru i hatujcie jašče 10 chvilin da hatoŭnaści ryby.
- Źmiašajcie johurt, astatniuju miatu i ahurok u miscy. Dadajcie prypravy.
- Vykładzicie farel na ciopłuju sierviravalnuju talerku ź piatruškaj i zialonaj cybulaj, jakija zastalisia. Apyrskajcie alejem i padavajcie ź miatnym johurtam.
Čytajcie jašče:
Mintaj, chiek, skumbryja… Jakuju rybu lubiać biełarusy i adkul jaje pryvoziać?
Kamientary
da čaho b heta?