Mierkavańni1212

Pradstaŭnica Kabinieta Volha Harbunova pra śmierć palitviaźnia: Kolki jašče treba achviar, kab vy nasycilisia ŭładaj?

Pradstaŭnica Abjadnanaha pierachodnaha kabinieta Volha Harbunova, jakaja zajmajecca pytańniami palitviaźniaŭ, vykazałasia pra śmierć palitźniavolenaha ź invalidnaściu Mikałaja Klimoviča i pra zabaronu na pryjom miedykamientaŭ dla viaźniaŭ u SIZA.

Fota: Ofis Cichanoŭskaj

«Siońnia stała viadoma pra śmierć palitviaźnia Mikałaja Klimoviča ŭ viciebskaj kałonii № 3. Jaho asudzili na hod pazbaŭleńnia voli za karykaturu na čałavieka, jaki zachapiŭ uładu ŭ Biełarusi. Mikałaja pazbavili voli, niahledziačy na toje, što ŭ jaho invalidnaść 2-j hrupy pa sercy. Jamu byŭ 61 hod. Našyja spačuvańni rodnym i blizkim Mikałaja.

Režym vykradaje i zabivaje ludziej. Pluje na nacyjanalnaje i mižnarodnaje zakanadaŭstva. Abmiažoŭvaje dostup da miedycynskaj dapamohi, vykarystoŭvaje prymusovuju pracu na škodnych vytvorčaściach, nie zabiaśpiečvaje narmalnym charčavańniem, praktykuje katavańni i hvałt, — kamientuje Volha Harbunova. —

Učora stała viadoma, što ŭ SIZA pierastali prymać miedykamienty (akramia vitaminaŭ i impartnaha insulinu); heta metanakiravanyja katavańni, žadańnie pryčynić maksimalnuju škodu ludziam, žyćcio i zdaroŭje jakich z pryčyny chraničnych zachvorvańniaŭ zaležać ad pryjomu roznych lekaŭ, jakich niama ŭ aptečkach pienitencyjarnaj sistemy.

Apošnija miesiacy rodnyja palitviaźniaŭ, advakaty i pravaabarončyja arhanizacyi paviedamlali pra toje, što vialikaja kolkaść palitviaźniaŭ akazałasia biez suviazi sa źniešnim śvietam. Heta forma katavańnia, pry jakoj blizkim źniavolenych nie dajecca nijakaj infarmacyi pra stan zdaroŭja i inšyja abstaviny, niama dostupu advakata, zabłakavana pierapiska. Mižnarodnaje prava źmiaščaje absalutnuju zabaronu na ŭtrymańnie asob, pazbaŭlenych voli, biez suviazi sa źniešnim śvietam.

Ale złačyncam u pahonach užo daŭno nie da zakonaŭ.

Kolki jašče treba achviar, kab vy nasycilisia ŭładaj?

I ŭsio ž viedajcie, što śmierć Mikałaja Klimoviča i kožny padobny vypadak buduć rasśledavanyja, i ŭsie, chto maje dačynieńnie da złačynstva, stanuć pierad sudom».

Čytajcie taksama:

U kałonii pamior palitviazień — pinski błohier Mikałaj Klimovič

Palitźniavolenuju ŭ zarečanskaj kałonii źbivaŭ i dušyŭ nahladčyk — pravaabaroncy

Viaźniam, jakija ŭtrymlivajucca pad vartaj u SIZA, pa novym ukazańni zabaroniena pieradavać i dasyłać miedykamienty

Kamientary12

  • mikola ramanau
    07.05.2023
    Ustanuc perad SUDOM!Tolki ja ustaiuc z 1999 i nijak ustac ni moguc !
  • Čarkaškvarka
    07.05.2023
    Niaužo nie jasna? Jany buduć zabivać datul pakul ich samich nie spynić.
  • Hrantasmok
    07.05.2023
    Jašče adna štości skazała. A što jana zrabiła?

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

Palitviazień Dzianis Ivašyn prysłaŭ baćkam parady, jak pieražyć śpioku: Nijakich vychadaŭ u ciaplicu

50 dzieciam admovili. U biełaruskamoŭnaj himnazii Vilni zamała miescaŭ, baćki prosiać nabirać bolš kłasaŭ11

Iłan Mask zajaviŭ, što zhubiŭ syna z-za błakataraŭ pałavoha vyśpiavańnia24

U Franciška Skaryny ŭ Prazie skrali piaro — heta zdaryłasia nie ŭpieršyniu3

Zamiežniki pišuć u sacsietkach, što źbirajucca ŭ Biełaruś pa biaźvizie. A ich uprošvajuć pieradumać11

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →