Hramadstva88

Palitźniavolenuju ŭ zarečanskaj kałonii źbivaŭ i dušyŭ nahladčyk — pravaabaroncy

Palitźniavolenaja Viktoryja Kulša za paŭhoda ŭ zarečanskaj kałonii adbyła minimum 92 dni ŭ ŠIZA i paŭhoda ŭ PKT. Ciapier pravaabaroncam stała viadoma, što supracoŭniki kałonii źbivali žančynu, a praź niekalki haładovak u jaje dvojčy zdaraŭsia sardečny prystup. 

Pa infarmacyi pravaabaroncaŭ, supracoŭniki žanočaj kałonii № 24 u Zareččy ŭžyvali suprać Viktoryi psichałahičny i fizičny cisk. Paviedamlajecca, što adzin z nahladčykaŭ dušyŭ Viktoryju łokciem, stojačy zzadu, a taksama ciahaŭ jaje pa kamiery. Aproč taho, jaje časta abražali i prynižali pierad inšymi nahladčykami.

Žančyna niekalki razoŭ u kałonii trymała haładoŭki na znak pratestu suprać žudasnych umoŭ. Praz heta ŭ jaje dvojčy zdaraŭsia sardečny prystup.

U kałonii palitźniavolenuju praź niekatory čas paśla etapu źmiaścili ŭ inšy atrad i pieraviali na inšuju pracu ź nievynosnymi ŭmovami. Ale načalnik kałonii Dźmitryj Kurłovič admoviŭ žančynie ŭ pieravodzie adtul. Taksama Kurłovič nie reahavaŭ i na skarhi na nahladčyka, jaki ździekavaŭsia ź jaje.

Stan zdaroŭja Viktoryi mocna pahoršyŭsia: jana schudnieła da 57 kiłahramaŭ, maje panižany hiemahłabin i tachikardyju. Lečać jaje «folijevaj kisłatoj». Taksama žančynu pieraviali na dva tydni na śpiecyjalnuju «dyjetu», pry jakoj dajuć bolš ježy, ale paśla hetaha kroŭ nie praviarajuć.

Ciapier Viktoryja čakaje razhladu apielacyjnaj skarhi ŭ homielskim SIZA-3, ale paśla apielacyi jaje znoŭ pieraviaduć u Zarečča. Tamu Viktoryja chvalujecca za svajo zdaroŭje i žyćcio.

Inžynierku pa achovie pracy Viktoryju Kulšu zatrymali 4 listapada 2020 hoda za toje, što jana administravała telehram-kanał i čat «Kiroŭcy 97%». Jaje abvinavacili pavodle č. 1 i č. 2 art. 342 Kryminalnaha kodeksa (arhanizacyja i padrychtoŭka dziejańniaŭ, jakija hruba parušajuć hramadski paradak). U lutym 2021 hoda Viktoryju asudzili da 2,5 hoda kałonii i nakiravali adbyvać termin u Homiel.

U červieni žančynu asudzili pavodle art. 411 KK (złosnaje niepadparadkavańnie zakonnym patrabavańniam administracyi kałonii) i dadali jašče adzin hod u źniavoleńni. U novaj papraŭčaj kałonii suprać jaje znoŭ zaviali kryminalnuju spravu pavodle hetaha artykuła. 

31 studzienia suprać Kulšy znoŭ zaviali kryminalnuju spravu pavodle č. 1 art. 411 KK.

U listach Viktoryja piša, što nie atrymlivaje listoŭ navat ad svajakoŭ ad 3 sakavika minułaha hoda — «ich źniščajuć pa akcie, bo jany nibyta napisany tajnapisam».

U PK-24 akramia Viktoryi taksama ŭtrymlivajucca Alena Maŭšuk i Palina Šarenda-Panasiuk, na jakich taksama akazvajecca cisk. Palina ciapier čakaje razhladu čarhovaj kryminalnaj spravy pavodle art. 411 KK.

Adras dla listoŭ i pieravodaŭ:

SIZA-3, 246003, Homiel, Knižnaja, 1A, Viktoryja Alaksandraŭna Kulša.

Kamientary8

  • Noŭnejm
    07.05.2023
    Voś ža svołačy. Nu, ničoha, pryjdzie i ich čarha..
  • Siarhiej Vosipavič
    07.05.2023
    Dyk nadrukujcie miesca žycharstva taho nahladčyka kałonii i miesca žycharstva inšych dziejnych asob, i imia žonki, miesca pracy, imia dziaciej, miesca vučoby, žycharstva! Kab ludzi jch viedali i kab čakali jany svoj niasčasny vypadak kštałtu z.prylepina. Chiba niama u nas zdolnych zrabić i jm pakarańnie? Kolki ŭžo možna katam zdiekvacca z achviar pry našym maŭklivym i biaździejnym isnavańni???
  • AlexxelA
    07.05.2023
    skaty! Och ža zaplašuć jany, kali pryjdzie kaniec režymu!

U Minsku na ludziej, jakija viartalisia ź plažu, upała dreva, zahinuła dziaŭčyna

U Minsku na ludziej, jakija viartalisia ź plažu, upała dreva, zahinuła dziaŭčyna

Usie naviny →
Usie naviny

«Zamoŭ vielmi šmat». Polski restaran arhanizavaŭ dastaŭku picy prosta ŭ čarhu na miažy ź Biełaruśsiu1

Połk Kalinoŭskaha abvierh paviedamleńnie Minabarony Biełarusi ab hibieli Jana Rudzika3

U Ispanii dakazali hipotezu 54-hadovaj daŭniny viadomaha matematyka rodam z Kobryna

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ4

Čamu ŭ haračyja dni časta balić hałava i jak ad taho ŭbierahčysia

U miastečku Haradok na Biełastoččynie siońnia pačaŭsia fiestyval Tutaka

Milicyja stralała ŭ dvary minskaha šmatpaviarchovika. Što zdaryłasia?

U Biełarusi znoŭ pastrožyli palityčny filtr dla ekskursavodaŭ. Što źmianiłasia ŭ praviłach atestacyi?2

«Znachodzicca ŭ źniasilenym stanie». Vierniki daviedalisia padrabiaznaści pra źniavolenaha ksiandza Andžeja Juchnieviča

bolš čytanych navin
bolš łajkanych navin

U Minsku na ludziej, jakija viartalisia ź plažu, upała dreva, zahinuła dziaŭčyna

U Minsku na ludziej, jakija viartalisia ź plažu, upała dreva, zahinuła dziaŭčyna

Hałoŭnaje
Usie naviny →