Pietruška Šustrava pamierła ŭ subotu, 6 maja, va ŭzroście 75 hadoŭ.
Jana naradziłasia 17 maja 1947 hoda ŭ Prazie. U maładości była trackistkaj, pracavała prybiralščycaj na pošcie i redahavała samvyd.
Atrymała dva hady za raspaŭsiud ulotak u 1969 hodzie paśla Pražskaj viasny, była adnym z troch aficyjnych pradstaŭnikoŭ «Chartyi-77», paśla Aksamitnaj revalucyi pabyvała navat namieśnikam ministra ŭnutranych spraŭ, raspracoŭvała zakon ab lustracyi, jaki ŭ Čechii byŭ vielmi strohi.
«U 1969 hodzie padčas aryštu ź mianie ździekavaŭsia adzin supracoŭnik. Ja tady kryknuła: «Heta vam darma nie projdzie, heta vam adhukniecca». I voś padčas lustracyi pierada mnoj siadzić toj samy čałaviek, i ja nahadvaju jamu: «Ja ž vam kazała, pan supracoŭnik». Jon nie toje što paznaŭ mianie, jon spałochaŭsia. Ale čaho jamu było bajacca? Maksimum, što my mahli zrabić, — zvolnić abvinavačanaha ŭ złačynstvach sa śpiecsłužbaŭ i pazbavić padvyšanaj słužbovaj piensii», — zhadvała jana paźniej.
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary