Ekanomika22

Pandemija skončyłasia, ale «kavidny» zbor na miažy zastajecca. Voś kolki dziaržava zarablaje na im kožny miesiac

Kiraŭnik SAAZ 5 maja abviaściŭ ab zakančeńni pandemii COVID-19. Ministr achovy zdaroŭja Dźmitryj Pinievič kazaŭ, što pandemija karanavirusa ŭ Biełarusi padyšła da kanca, jašče 11 studzienia.

Reakcyja na pandemiju COVID-19 z boku ŭład, miakka kažučy, była nie zusim takaja, jak u bolšaści inšych krain śvietu. Ułady časam rabili vyhlad, što ničoha nadzvyčajnaha nie adbyvajecca, a tam, dzie im było vyhadna, stavilisia da pandemii na poŭnym surjozie.

Adzin ź jaskravych prykładaŭ — «kavidny» zbor pry pierasiačeńni miažy na transpartnych srodkach, maksimalnaja dapuščalnaja vaha jakich nie pieravyšaje 5 ton. Jaho pačali spahaniać z 1 maja 2021 hoda. Pieršapačatkova jaho płanavali źbirać da 1 studzienia 2023 hoda. Aficyjna dekłaravałasia, što sabranyja srodki pojduć «na papiaredžvańnie i baraćbu z karanavirusnaj infiekcyjaj». Pamier zboru — 1 bazavaja vieličynia.

Pačynajučy z 1 studzienia biahučaha hoda vyjezd ź Biełarusi znoŭ staŭ biaspłatnym, ale nienadoŭha. Užo 12 studzienia stała viadoma, što ź lutaha zbor viartajecca. Cikava, što rašeńnie adnavić «kavidny» zbor za pierasiačeńnie miažy było ahučana na nastupny dzień paśla taho, jak ministr achovy zdaroŭja abviaściŭ, što pandemija karanavirusa ŭ Biełarusi padyšła da kanca. Adnak zajavy ministra nijak nie paŭpłyvali na situacyju. Zhodna z pryniatym rašeńniem, płacić 1 bazavuju (37 rubloŭ) daviadziecca ažno da 1 studzienia 2025 hoda. 

My pasprabavali padličyć, kolki dziaržava zarablaje na pandemii, jakaja skončyłasia nie tolki pavodle zajaŭ Pinieviča, ale i Suśvietnaj arhanizacyi achovy zdaroŭja.

Dziakujučy tamu, što Dziaržpahrankamitet u svaim telehram-kanale rehularna publikuje danyja ab tym, kolki lehkavych aŭto prajechała za sutki praz punkty propusku z krainami ES, možna davoli dakładna padličyć, kolki hrošaj atrymlivaje biudžet dziakujučy hetamu zboru.

Na padstavie 10 apošnich publikacyj ab kolkaści lehkavych aŭto, jakija prajechali praź dziaržaŭnuju miažu, možna pryjści da vysnovy, što ŭ siarednim za sutki praź miažu prajazdžaje 2 271 lehkavy transpartny srodak, minimum — 2039 (26.04.2023), a maksimum — 2477 (04.05.2023). 

Atrymlivajecca, što ŭ siarednim za sutki ad «kavidnaha» zboru ŭ biudžet pastupaje kala 84 027 biełaruskich rubloŭ, što ŭ pieravodzie na dalary pa biahučym kursie składaje kala 29 705 «viečnazialonych». U miesiac atrymlivajecca bolš za 2,5 miljona rubloŭ, abo kala 891 tysiačy dalaraŭ.

Ale chutčej za ŭsio realnyja ličby krychu bolšyja, bo choć niekatoryja katehoryi hramadzian i majuć prava vyjazdžać biez apłaty zboru, my nie možam vyličyć, kolki hruzavikoŭ ahulnaj vahoj da 5 ton pierasiakaje miažu, bo asobnaj statystyki pa takich transpartnych srodkach niama. Ale vidavočna, što lik idzie na dziasiatki takich transpartnych srodkaŭ.

«Naša Niva» — bastyjon biełaruščyny

PADTRYMAĆ

Čytajcie taksama: 

«Ad Bresta da Varšavy dabralisia za 5 hadzin». Kolki času ciapier zajmaje pierasiačeńnie miažy na aŭtobusie?

Minsk choča pierastrachavacca: Biełaruś uviała pahraničny kantrol na ŭjeździe z Rasii

Kamientary2

  • Nrh
    07.05.2023
    Hańba.
  • Džańni Rodari
    07.05.2023
    [Red. vydalena]

Ispanija čaćvierty raz u historyi vyjhrała Jeŭra — i heta rekord VIDEA1

Ispanija čaćvierty raz u historyi vyjhrała Jeŭra — i heta rekord VIDEA

Usie naviny →
Usie naviny

«Hienierał-špic Umka pad kodavym imieniem Bieleńki». Najlepšyja tvity tydnia9

U Minsku na dziaŭčynu, jakaja viartałasia ź plažu, upała dreva. Jana zahinuła3

Češka Barbara Krejčykava pieramahła na Uimbłdonie-2024

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»28

Urahan źmioŭ kiempinh na Vilii, paviedamlajuć pra zahinułaha3

U Minsku štorm vyryvaŭ drevy i rujnavaŭ rekłamnyja ščyty FOTY i VIDEA15

Pa Biełarusi kocicca niepahadź, mocnyja viatry i zalevy FOTY i VIDEA2

U minčuka skrali rečy, pakul jon kupaŭsia ŭ Cnianskim vadaschoviščy

«Kachańnie ŭsiaho majho žyćcia». Aryna Sabalenka paćvierdziła svaje adnosiny z brazilskim biznesmienam16

bolš čytanych navin
bolš łajkanych navin

Ispanija čaćvierty raz u historyi vyjhrała Jeŭra — i heta rekord VIDEA1

Ispanija čaćvierty raz u historyi vyjhrała Jeŭra — i heta rekord VIDEA

Hałoŭnaje
Usie naviny →