Ekanomika

Na miescy kolišniaha «Jeŭrapiejskaha» ŭ Minsku adkryjecca novaja krama

Na miescy lehiendarnaj kruhłasutačnaj kramy «Jeŭrapiejski» niedaloka ad stancyi mietro «Maskoŭskaja» adkryvajecca novaja handlovaja kropka. Vydańnie Blizko.by daviedałasia, što tam źjavicca i ci budzie novaja krama pracavać pa načach.

Univiersam «Jeŭrapiejski» adkryŭsia na praśpiekcie Francyska Skaryny, 117 (ciapier — praśpiekt Niezaležnaści) u dalokim 1996 hodzie i staŭ tady adnym ź pieršych udzielnikaŭ płaciežnaj sistemy «Biełkart». U kramie pastavili italjanskaje abstalavańnie, a pieršyja tavary zavozili taksama z Čechii i Vienhryi — ułasna, tak i zjaviłasia nazva kramy.

Krama zapomniłasia minčukam jak adzin z redkich u stalicy «načnikoŭ». Z maja 2013 jana stała pracavać pad šyldaj «Rubloŭski», a jašče praź siem hadoŭ, u kancy maja 2020 hoda, uvohule začyniłasia.

Ličyłasia, što na miescy byłoha «Jeŭrapiejskaha» moža adkrycca «Santa»: adnajmiennaja sietka stała ŭładalnikam «Rubloŭskich». Ale kančatkova vyrašać los kramy pavinna było hałoŭnaje haspadarčaje ŭpraŭleńnie Kiraŭnictva spravami Łukašenki.

U sakaviku 2021 hoda na kramie źjaviłasia raściažka «Chutka adkryćcio! Jeŭrakeš». «Jeŭrakeš» — heta sietka kram farmatu Cash&Carry: aptovy i drobnaaptovy dyskaŭnter z panižanymi cenami navat na roźnicu. Adnak šylda pravisieła kala hoda i potym źnikła, a abiacanaja krama tak i nie adkryłasia. Miarkujučy pa handlovym rejestry, kramu vyklučyli ź jaho jašče ŭ vieraśni 2021-ha.

Ciapier pa tym ža adrasie źbirajecca adkrycca krama sietki «Hrošyk» — heta sietka «žorstkich dyskaŭntaraŭ» ad uładalnikaŭ «Jeŭraopta». Infarmacyja pra heta źjaviłasia na sajtach pošuku pracy i ŭ abjavach u liftach žyłych damoŭ niepadalok ad kramy.

U słužbie padboru supracoŭnikaŭ žurnalistam Blizko.by raskazali, što adkryćcio kramy zapłanavanaje na 26 červienia hetaha hoda. Tradycyja kolišniaj načnoj pracy novym uładalnikam praciahvacca nie budzie.

Kamientary

Padaje kurs dalara — čamu tak?6

Padaje kurs dalara — čamu tak?

Usie naviny →
Usie naviny

U Biełarusi źmianili praviły abmienu valut. Try hałoŭnyja novaŭviadzieńni

Suprać mamy anarchista Franckieviča, asudžanaha na 16 hadoŭ kałonii, zaviali kryminalnuju spravu1

Stała viadoma, dzie buduć vučycca studenty zakrytych pryvatnych VNU1

Stryžak raskazaŭ, ci maje prezidenckija ambicyi6

«Dačka Mara płakała ad hora». U Maładziečnie družalubny łabrador niečakana dla ŭsich źjeŭ nutryju Kapibaru — usieahulnuju lubimicu9

Zołatavalutnyja reziervy Polščy pieravysili rekordnyja $200 miljardaŭ7

Chto taki Vadzim Krasikaŭ, u jakim tak zacikaŭlenaja Rasija?1

U Kałužskaj vobłaści paciarpieŭ krušeńnie viertalot Mi-28, ekipaž zahinuŭ2

Samaje poźniaje rašeńnie VAR u historyi. Hoł Arhienciny na Alimpijadzie admianili tolki praź dźvie hadziny2

bolš čytanych navin
bolš łajkanych navin

Padaje kurs dalara — čamu tak?6

Padaje kurs dalara — čamu tak?

Hałoŭnaje
Usie naviny →