Lijanel Miesi paprasiŭ prabačeńnia za pajezdku ŭ Saudaŭskuju Araviju
Lijanel Miesi paprasiŭ prabačeńnia pierad svaim kłubam «Pary Sien-Žermien» za pajezdku ŭ Saudaŭskuju Araviju. Raniej stała viadoma, što paryžski kłub adchiliŭ arhiencinskaha futbalista na dva tydni za pajezdku na Blizki Uschod biez dazvołu.
U sacyjalnaj sietcy Miesi apublikavaŭ zvarot u suviazi z hetaj situacyjaj.
«Ja dumaŭ, što nam daduć vychadny paśla hulni, jak heta zaŭsiody i było. Ja arhanizavaŭ pajezdku i nie moh jaje admianić, tamu što raniej mnie ŭžo davodziłasia jaje admianiać. Ja prynošu prabačeńni maim partnioram pa kamandzie i čakaju rašeńnia kłuba», — skazaŭ futbalist.
Z-za adchileńnia słavuty futbalist musić prapuścić matčy svajoj kamandy suprać kłubaŭ «Trua» i «Ajača».
Raniej źjaŭlałasia infarmacyja, što trenier «PSŽ» Krystof Halćje choča, kab Miesi hulaŭ za kłub paśla adchileńnia.
Skandał razhareŭsia z-za taho, što Lijanel Miesi nakiravaŭsia ŭ Saudaŭskuju Araviju paśla prajhranaj hulni čempijanatu Francyi, a mieŭ jon prava tak rabić tolki ŭ vypadku pieramohi ci ničyjoj.
Łatuška pra 30 miljonaŭ jeŭra ad ES: Raniej za raźmierkavańnie adkazvaŭ Jahoraŭ. 33% išło na padtrymku rełakavanaha biznesu11
Kamientary
Din-don...Don!