Usiaho patrochu44

Minskamu hulniavomu błohieru płaciać navat za toje, što jon śpić

Strymier ź Minska Andrej Somaŭ (EviL GrannY) znoŭ zapuściŭ «biaskoncy strym», jaki spynicca tolki tady, kali jamu pierastanuć płacić. Minuły raz jamu za heta zadanacili amal 42 tysiačy dalaraŭ, piša «Hancavicki čas».

EviL GrannY strymić papularnuju hulniu «Mir tankov» (tak stała nazyvacca ź minułaha hoda ŭ Rasii i Biełarusi World Of Tanks). Tolki ŭ jutubie ŭ jaho bolš za 700 tysiač padpisčykaŭ. «Hledačy vyrašajuć, kolki idzie strym. — Sutki? Tydzień? Miesiac?», — nazvaŭ svoj strym GrannY.

U čym sutnaść?

Kožny danat praciahvaje čas tranślacyi. Čym bolš hrošaj achviarujuć, tym daŭžej budzie iści tranślacyja. Praciahnuć strym na hadzinu pa ciapierašnich rascenkach «kaštuje» 6 tysiač rasijskich rubloŭ (prykładna 76 dalaraŭ). Paśla strymier pakidaje za saboj prava pavialičyć «taryf» u dva razy.

Pa stanie na apoŭdni 5 maja 2023 hoda Somaŭ strymić užo amal 3 dni i zarabiŭ 422600 rasijskich rubloŭ (5 tysiač 360 dalaraŭ).

Što pakazvaje?

U asnoŭnym jon tranśluje svaju hulniu ŭ tanki, hladzić videa z navinami pra hulniu ad raspracoŭščykaŭ i abmiarkoŭvaje sa svajoj aŭdytoryjaj. Abiacaje pahulać i ŭ inšyja hulni.

Akramia taho, padčas strymu jon jeść, adpačyvaje, pakurvajučy kaljan. A napiaredadni viečaram raspakoŭvaŭ novy telefon (navinku Xiaomi 13 Ultra canoj u rajonie tysiačy dalaraŭ, jakaja niadaŭna tolki vyjšła na rynak).

Taksama strymier abiacaje, što budzie pakazany praces padrychtoŭki ježy. I budzie špacyr pa Minsku ŭ žyvym efiry.

Mała taho, u žyvym efiry strymier i śpić, nakiravaŭšy vebku na łožak, a na astatniaj častcy ekrana tranśluje raniej źniatyja videa. Za čas, kali jon śpić, jamu taksama płaciać!

Čym jon cikavy, što jamu tak płaciać?

GrannY — adzin ź viadomych błohieraŭ-hulcoŭ u «tankavym asiarodździ». Kali niekatoryja strymiery vydzialajuć siabie niejkim epatažam, z matam-pieramatam kožnuju chvilinu, to ŭ GrannY hetaha niama. Jon viadzie strym vielmi spakojna i razvažliva, mat byvaje vielmi redka.

Pry hetym GrannY dobra raźbirajecca ŭ hulni i moža piśmienna acanić jakija-niebudź novaŭviadzieńni. Jak i inšyja błohiery, robić ahlady na novyja tanki, pakazvaje ich dobryja i drennyja baki. Byŭ kibierspartoŭcam, udzielničaŭ u turnirach. Pravodzić rozyhryšy z roznymi ŭnutryhulniavymi padarunkami.

Taksama strymier časta znachodzić niečakanyja farmaty dla strymaŭ. Adnojčy jon arandavaŭ u Minsku kinateatr, tudy pryjšli jahonyja fanaty. Jon hulaŭ dla ich i razam ź imi na vialikim ekranie. Hulaje i ŭ pokier: u 2020 hodzie pieramoh na bujnym turniry i vyjhraŭ 18 tysiač dalaraŭ.

Uvohule, u jaho niedaremna 700 tysiač padpisčykaŭ tolki ŭ jutubie. «Tankavaja» aŭdytoryja davoli darosłaja i vielmi płaciežazdolnaja, strymiery majuć svaich fanataŭ, jakija hatovyja ich padtrymlivać finansava.

Nie pieršy dośvied

Hod tamu GrannY ŭžo pravodziŭ taki strym. Jon praciahvaŭsia 12 dzion, a strymier zarabiŭ amal 42 tysiačy dalaraŭ. U kancy efiru jon až raspłakaŭsia, kali atrymaŭ vinšavańnie z zaviaršeńniem padziei ad raspracoŭščykaŭ World Of Tanks. 

Kamientary4

  • dočka Maksima Dizajniera
    05.05.2023
    vot mołodiec. čiełoviek živiet v svoje udovolstvije. a nie to, čto tut (
  • Maksim Dizajnier
    05.05.2023
    A vy dalšie choditie na zavod, nazyvajetsia. No hłavnyj priz dostajetsia nie strimieram. A kraudfaundinhovoj płatformie Kikstartier. Na kotoroj idioty so vsieho mira sobirajut po 700 tys dołłarov na "startap" płastikovoj korobki-transformiera dla ssobojek. Da čto už tam, dažie na riemonty novych barov nievierojatnych v ES.
  • Hałoŭnaje nie padymać hałavu i płacić padaki režymu
    06.05.2023
    Vład A4, pryvitańnie, da ciabie taksama buduć pytańni paśla ;-)

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?7

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Usie naviny →
Usie naviny

Załužny: Adzinym vychadam u vajnie moža stać pavieličeńnie kolkaści čałaviečych resursaŭ2

Dva hady ŭ łahiery ŭciekačoŭ. Volha Nikałajčyk narešcie atrymała prytułak u Bielhii15

«Lusterka» prakamientavała situacyju ź videa rodnych kaleh partała2

Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET24

Zabaronu ruchavikoŭ unutranaha zharańnia ŭ ES nazvali niezakonnaj2

Z čaćviarha na stadyjonie «Dynama» znoŭ pačnuć pakazvać kino pad adkrytym niebam

Siłaviki cisnuć na baćkoŭ viadoŭcaŭ tyktok-kanała «Lusterka»21

U Biełarusi pradajuć Mercedes-Benz W124 za 12 000 dalaraŭ. Čamu 32-hadovaje aŭto takoje darahoje?3

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

bolš čytanych navin
bolš łajkanych navin

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?7

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Hałoŭnaje
Usie naviny →