Nieruchomaść1515

Łožak u piarednim pakoi, a ŭ prybiralni — šklanaja pieraharodka. U «Minsk-Śviecie» dla siamji prahramistaŭ zrabili takuju kvateru

Vydańnie CityDog.io apisała prajekt admietnaj kvatery, realizavany ŭ ŽK «Minsk-Śviet». Usie raboty skončyli ŭ 2023 hodzie, i kvatera adrazu pradajecca: zakazčyki źjechali ŭ inšuju krainu, tak i nie paśpieŭšy pažyć u novaj prastory.

Zakazčyki: maładaja para ajcišnikaŭ, jakija pryjšli jašče na stadyi vybaru kvatery

Jak raspaviadajuć dyzajniery Kaciaryna i Alaksiej, da ich źviarnułasia maładaja para, jakaja pracuje ŭ śfiery IT i hrafičnaha dyzajnu. Pryčym pryjšli jany jašče na stadyi vybaru žylla, kab, zychodziačy ź biudžetu i asnoŭnych patrabavańniaŭ, śpiecyjalisty dapamahli im vybrać adpaviednaje pamiaškańnie.

«U ich byŭ adrazu zadadzieny biudžet dla kvatery, i intuityŭna jany razumieli, jakija funkcyjanalnyja zony im patrebnyja abaviazkova, a ad čaho jany hatovyja admovicca.

Absalutna dakładna možna skazać, što zakazčyki chacieli stvaryć prastoru dla novaha žyćcia, miesca dla pačućciaŭ i emocyj. Pry hetym žyllo musiła być čystym i ŭ mieru łakaničnym.

Zychodziačy z usich pažadańniaŭ i patrabavańniaŭ, my prapracavali roznyja scenaryi žyćcia ŭ płanie vyhod i, pierabraŭšy niekalki varyjantaŭ, spynilisia na studyi ŭ 46 «kvadrataŭ».

Niahledziačy na nievialikuju płošču, my razumieli, što ŭ hetaj kvatery zmožam realizavać usio nieabchodnaje i stvaryć natchnialnuju prastoru, dzie chočacca tvaryć, palić śviečki, pić vino i prosta žyć».

Čamu vybrali mienavita hetuju kvateru? Na 22-m paviersie ty jak byccam vyšej za mituśniu

«Faktar, jaki adyhraŭ vyrašalnuju rolu pry vybary prastory, stała jaje raźmiaščeńnie na 22-m paviersie. U vialikich panaramnych voknach adkryvajucca cudoŭnyja vidy: horad, viečnyja płyni mašyn, jakija niekudy śpiašajucca — a ty zaŭsiody vyšejšy za hetuju mituśniu. U tumannyja dni i zusim zdajecca, što łunaješ dzieści ŭ abłokach.

Pieršapačatkova pusty kvadrat pamiaškańnia prajaviŭ svaje lepšyja baki: uraźlivaj pryhažości bietonnyja ścieny ŭ spałučeńni z błokam i bietonnaj stollu my vyrašyli nie čapać — a historyju raskazvać užo vakoł ich».

Płaniroŭka: jość tolki adna dadatkovaja ściana, astatniaje padzialali meblaj

Pieršapačatkova kvatera była studyjaj — takoj i zastałasia. Dyzajniery tolki dadali adnu asobna pastaŭlenuju H-padobnuju błokavuju ścianu, a astatnija zony ŭtvarylisia pry dapamozie škła abo mebli.

Pry hetym amal usia mebla ŭ prajekcie — kastamnaja. Jaje zakazvali śpiecyjalna dla hetaj kvatery nieabchodnych pamieraŭ, kab zadziejničać kožny santymietr prastory, ale adnačasova z hetym zachavać adčuvańnie pavietra.

Piaredni pakoj: šafy, lusterka sa stolikam, hulnia śviatła i koleru

U piarednim pakoi raźmiaścilisia roznyja pavodle funkcyjanału šafy, adkrytyja i zakrytyja skryni, hapliki. Tut ža jość i zručnaje lusterka z paŭkruhłym stolikam dla klučoŭ i aksiesuaraŭ.

«Užo z hetaha punktu možna adrazu zaŭvažyć hulniu śviatła i koleru ad šklanych pieraharodak. Piaščotnaje adcieńnie zialonaha płaŭna «zaciakaje» na stol, utvarajučy miakki, nienadakučlivy padzieł zon — hety efiekt dobra prykmietny z haścioŭni.

Časta farba ŭ zonie piaredniaha pakoja — nie samaje praktyčnaje rašeńnie, tamu dyzajniery śpiecyjalna zaviali častku kieramahranitu i na płoskaść ściany, stvaryŭšy adbiŭku materyjałaŭ. Miažoj pamiž dvuma azdableńniami staŭ hrafičny mietaličny pajasok».

Piaredni pakoj
Harderobnaja z boku piaredniaha pakoja

Spalnia: pamiž piarednim pakojem i haścioŭniaj sa skryniami dla zachoŭvańnia ŭ podyumie

Uličvajučy nievialikuju płošču kvatery, zakazčyki pieršapačatkova navat nie raźličvali na paŭnavartasnaje spalnaje miesca i hatovyja byli zadavolvacca raskładnoj kanapaj. Dyzajnieram ža ŭdałosia spłanavać prastoru tak, kab bieź lišnich achviar raźmiaścić i łožak z dobrym matracam. A ŭ podyumie jašče i dadatkovyja skryni dla zachoŭvańnia dadali.

Spalnaje miesca

«A kab hetuju pryvatnuju zonu možna było adździalić ad ahulnaj prastory kuchni-haścioŭni, my dadali pamiž imi miakki tekstyl z poŭnym błekaŭtam. Tamu kali chtości adzin zasiedzicca za kampjutaram da nočy abo ŭstanie krychu raniej, kab pryhatavać śniadanak, druhi zmoža spakojna daspać».

Kuchnia-haścioŭnia: bieź vierchnich šafak i sa «schavanaj» technikaj

Ahulnaja prastora kuchni-haścioŭni zajmaje praktyčna ŭsiu płošču kvatery. Vizualna pamiaškańnie padzielena na 2 častki: zona haścioŭni i kuchni-stałovaj. U kuchonnym harnitury dyzajniery admovilisia ad vierchnich šafak, dziakujučy čamu hetaja zona nie vyhladaje zusim «techničnaj» i ŭtvaraje sucelnuju prastoru z haścioŭniaj. A za vysokimi faniernymi fasadami schavali ŭsio nieabchodnaje: ubudavany chaładzilnik, haspadarčy błok z pralnaj mašynaj, prasavalnaj doškaj i dadatkovymi miescami dla zachoŭvańnia adzieńnia.

«Vuhalnyja filtry ŭ paŭastraŭnoj vyciažcy dazvolili admovicca ad vientylacyjnaj mahistrali, pakinuŭšy vyšyniu stolaŭ usiudy maksimalna rodnaj», — pryznajucca dyzajniery.

Sanvuzieł: usio schavana, ale ŭsio jość

«U sanvuźle chaciełasia mieć prastoru dla bytavoj chimii, ale nie haradzić šafy, zachavaŭšy monakoler ścien. Na ščaście, nad instalacyjaj, jak heta časta byvaje, chapiła prastory dla trub kamunikacyj.

Vialikuju kolkaść palic schavali pad lučkom u pamier plitki. A jašče sanvuzieł akazaŭsia maksimalna sakavitym u kancentracyi śviatła i bahatym na śviatłoprapuskalnyja płoskaści: tut jość i matavyja škłabłoki ŭ zonie dušavoj, i šklanaja ŭvachodnaja hrupa, vykananaja ŭ dychraičnym škleńni».

Sanvuzieł

«Pradbačačy pytańnie, jak žyć sa šklanoj pieraharodkaj u prybiralni, adkazvajem: jana pracuje jak ekran. Na stoli ŭzdoŭž škła praduhledžany karniz, dzie źjavicca lesirujučy tekstyl».

Asnoŭnaja ideja: šmat jarkich koleraŭ i naturalnaha śviatła

Zadačaj numar adzin dla dyzajnieraŭ było zachavańnie jak maha bolšaj kolkaści naturalnaha śviatła ŭ kvatery. Dla hetaha vykarystoŭvali śviatłoprazrystyja dychraičnyja pieraharodki i škłabłoki, jakija jak byccam navat uzmacniajuć tyja śvietłavyja patoki, jakija siudy dalatajuć.

Łodžyja

«My nie strymlivali siabie ŭ kalarovych rašeńniach: upeŭnienymi mazkami koler uvajšoŭ praz pradmiety interjeru, meblu, tekstyl, plitku, adkrytuju pravodku. Karciny biełaruskaha mastaka Siarhieja Saviča pieradajuć unutranaje śvietaadčuvańnie, dapaŭniajučy prastoru siužetam.

Na łodžyi, adździelenaj pryjomam kałorbłokinhu — vydatnaja pazicyja dla nazirańnia za žyćciom horada z panaramaj, jakaja adkryvajecca. Samaja ciomnaja koleravaja palitra, pry hetym samaje śvietłaje pamiaškańnie».

Kamientary15

  • mikola
    05.05.2023
    sto za hernja....?
  • ajcić
    05.05.2023
    zadumka niebłahaja, ale realizacyja tak sabie
  • cinik
    05.05.2023
    sucelny žach płakać chočacca at taho čto ja tolko čto uvidieł, kałchoz riedkasnyj
    osobienno kohda s takoj chałupki pytajutsia sdiełať zonalnosť vpichnuv tuda vsio i krovati i stoły i divany i stulja, otdieliv krovati ot divana zanavieskami, kak v dierievnie pomnitie, u babušiek v dietstvie?:) et ottuda vziato
    rabočiej zony voobŝie niet
    ćvieta blevať chočietsia
    tot słučaj kohda ni u piervych niet vkusa ni u vtorych
    sa vsieho etava tolko okna ničavo i dušik, usio.

Ispanija čaćvierty raz u historyi vyjhrała Jeŭra — i heta rekord VIDEA1

Ispanija čaćvierty raz u historyi vyjhrała Jeŭra — i heta rekord VIDEA

Usie naviny →
Usie naviny

«Hienierał-špic Umka pad kodavym imieniem Bieleńki». Najlepšyja tvity tydnia9

U Minsku na dziaŭčynu, jakaja viartałasia ź plažu, upała dreva. Jana zahinuła3

Češka Barbara Krejčykava pieramahła na Uimbłdonie-2024

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»28

Urahan źmioŭ kiempinh na Vilii, paviedamlajuć pra zahinułaha3

U Minsku štorm vyryvaŭ drevy i rujnavaŭ rekłamnyja ščyty FOTY i VIDEA15

Pa Biełarusi kocicca niepahadź, mocnyja viatry i zalevy FOTY i VIDEA2

U minčuka skrali rečy, pakul jon kupaŭsia ŭ Cnianskim vadaschoviščy

«Kachańnie ŭsiaho majho žyćcia». Aryna Sabalenka paćvierdziła svaje adnosiny z brazilskim biznesmienam16

bolš čytanych navin
bolš łajkanych navin

Ispanija čaćvierty raz u historyi vyjhrała Jeŭra — i heta rekord VIDEA1

Ispanija čaćvierty raz u historyi vyjhrała Jeŭra — i heta rekord VIDEA

Hałoŭnaje
Usie naviny →