Navuka i technałohii33

U Jeŭropie raspracoŭvajuć hipierhukavy samalot, jaki źmienić pasažyrskuju avijacyju

Palot ź Minska ŭ Frankfurt na im zajmaŭ by ŭsiaho 40 chvilin. Novy jeŭrapiejski startap Destinus maje ambitnyja płany pa zapusku kamiercyjnych hipierhukavych palotaŭ užo praź dziasiatak hadoŭ.

Destinus Deścinus
Tak va ŭjaŭleńni kanstruktaraŭ kampanii Destinus budzie vyhladać adzin z hipierhukavych samalotaŭ. Fota: sajt kampanii destinus.ch 

Jak piša CNN, letaś paśpiachova zaviaršylisia vyprabavańni adnaho z pratatypaŭ, raspracavanych kampanijaj Destinus. Zaraz jana źbirajecca pačać vyprabavańni palotaŭ na vadarodnym palivie.

Realizacyja raspracovak dazvolić, jak abiacaje Destinus, značna skaracić čas u darozie. Naprykład, z Frankfurta ŭ Dubaj možna budzie dalacieć za paŭtary hadziny. Ciapier hety palot zajmaje šeść z pałovaj hadzin. Adpaviedna, palot ź Minska ŭ Frankfurt skaraciŭsia b ź ciapierašnich dvuch z pałovaj hadzin da 40 chvilin. Stolki ž ciapier zajmaje dajechać z centra biełaruskaj stalicy da aeraporta.

Sama kampanija, zasnavanaja ŭ 2021 hodzie, ciapier naličvaje 120 supracoŭnikaŭ i maje svaju štab-kvateru ŭ Šviejcaryi. Jaje padraździaleńni raźmieščanyja ŭ Ispanii, Francyi i Hiermanii.

Stratehija kampanii, jak zajaviła CNN mieniedžar pa raźvićci biznesu kampanii Martyna Lofkvist (Martina Löfqvist), zaklučajecca ŭ tym, kab raspracavać bieśpiłotniki mienšych pamieraŭ, a paśla pieraŭtvaryć ich u vialikija piłatavanyja pasažyrskija samaloty.

Doŭhaterminovaja meta kampanii zaklučajecca ŭ tym, kab poŭnaściu pierajści na vadarodnaje paliva. Adnak ciapier vadarodnyja ruchaviki jašče nie pastupili ŭ kamiercyjnaje vykarystańnie. Tak, kampanija Airbus, jakaja zajmajecca ich raspracoŭkaj, abiacaje, što pačnie ich lotnyja vyprabavańni ŭ 2026 hodzie.

Tamu ŭ karotkaterminovaj pierśpiektyvie kamanda Destinus płanuje, što ich samaloty buduć uźlatać z ruchavikom na zvyčajnym reaktyŭnym palivie (Jet A), a zatym, kali chutkaść u try razy pieravysić chutkaść huku, budzie pieraklučacca na vadarod. Jak śćviardžaje Lofkvist, «na samaj spravie vadarod nie lepšy i nie karyśniejšy, čym reaktyŭnaje paliva, pakul vy nie daciahniecie zvyšhukavych chutkaściaŭ».

Admietna, što raspracoŭki kampanii hruntujucca na takoj formie samalota, jak vejvrajdar, raspracavanaj jašče ŭ 1950-ch hadach. Jak tłumačyć Lofkvist, «meta hetaj formy zaklučajecca ŭ tym, kab vy mahli pieraadoleć udarnyja chvali, jakija stvarajucca samim transpartnym srodkam. Hetaja forma dazvalaje vykarystoŭvać mienš paliva, bo źmianšaje supraciŭ pavietra».

Novy pratatyp kampanii, Destinus 3, budzie zvyšhukavym. Raspracoŭščyki spadziajucca, što ŭ nastupnym hodzie jon zmoža ździejśnić zvyšhukavy palot na vadarodzie. Kampanija maje nadzieju, što da 2030-ch hadoŭ zdoleje zapuścić nievialiki samalot na prykładna 25 pasažyraŭ. Adnak jon budzie mieć abmiežavańni pa dalokaści palotu i budzie całkam aryjentavany na biznes-pasažyraŭ.

Samaloty ekanom-kłasa, pa płanach kampanii, mohuć źjavicca nie raniej za 2040-ja hady. Da hetaha času, jak spadziajucca ŭ kampanii, ceny na vadarod značna ŭpaduć, što dazvolić značna źnizić i košt pieralotaŭ.

Kampanija ŭ krasaviku 2023 hoda ŭ dadatak da pryvatnych inviestycyj atrymała hrant ad urada Ispanii na 26,7 miljona jeŭra na raźvićcio svaich vadarodnych ustanovak.

Adnak, jak adznačajecca ŭ artykule, prajekty zvyšhukavych i hipierhukavych samalotaŭ vielmi ryzykoŭnyja. U apošnija hady było ahučana šmat padobnych prajektaŭ, ale jany zastoparylisia, zahłuchli ci spynilisia.

Tak, u 2021 hodzie zbankrutavała kampanija Aerion, jakaja znachodziłasia ŭ Nievadzie i pretendavała na zvańnie pieršaj kampanii, jakaja pabuduje zvyšhukavy pasažyrski samalot.

U lubym vypadku, ździejśniacca płany ci nie, sprabavać treba.

Čytajcie jašče:

Nas čakaje bolš stresaŭ u palotach: z-za źmieny klimatu turbulentnaść stanovicca bolš častaj źjavaj

«Paloty ŭ Jeŭropu — heta była takaja asałoda». Byłaja ściuardesa «Biełavija» raskazała pra ŭnutranuju kuchniu avijakampanii-manapalista

Pra što nie raskaža ściuardesa: što varta viedać pra hihijenu i ježu ŭ samalocie 

Kamientary3

  • Čaluskin-Hasteła
    05.05.2023
    Heta ŭžo ŭsio było. Kamu cikava, pašukajcie infarmacyju pra hipierhukavy pasažyrski samalot "Kankord" i pra jaho trahičny finał. Hipierhuk - heta duža doraha i nie duža zručna. Mienavita tamu sučasnyja ekanamičnyja pasažyrskija samaloty lotajuć z chutkaściu 800-900 km/h, chacia mohuć lotać značna chutčej. A kamu treba ź Minska ŭ Frankfurt, toj moža i paru hadzin u samalocie pasiadzieć.
  • Josik
    05.05.2023
    A šče lotajuć ź Minska ŭ Frankfurt? Byvaje, padymu vočy ŭ haru, hladžu, a nieba, jak taja ślaza ŭ niemaŭlaci - čystaje, prazrystaje, nie sapsavanaje šramami samalotaŭ.
  • Maksim Dizajnier
    06.05.2023
    A v chrustalnom sasutie kapusta shniła

Voś čamu ŭ Kitai mohuć prysłuchoŭvacca da Polščy16

Voś čamu ŭ Kitai mohuć prysłuchoŭvacca da Polščy

Usie naviny →
Usie naviny

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie9

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom5

Minsk siońnia pajšoŭ pad vadu FOTY13

Amierykaniec u 14 hadoŭ staŭ samym maładym futbalistam u historyi Amierykanskaj futbolnaj lihi

«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary3

Ziamla ŭvajšła ŭ mieteorny patok Piersieidaŭ. Dzie i kali pabačyć hetu nieziamnuju pryhažość?

bolš čytanych navin
bolš łajkanych navin

Voś čamu ŭ Kitai mohuć prysłuchoŭvacca da Polščy16

Voś čamu ŭ Kitai mohuć prysłuchoŭvacca da Polščy

Hałoŭnaje
Usie naviny →