Sport

Biełarus vyjhraŭ u pokier užo amal 40 miljonaŭ dalaraŭ. Ale heta nie značyć, što jon supierbahaty

Viadomy biełaruski hulec u pokier Mikita Badziakoŭski dadaŭ u skarbonku svaich dasiahnieńniaŭ jašče adzin pośpiech. Jon zaniaŭ druhoje miesca na bujnym turniry € 100,000 NLH Super High Roller, jaki prachodziŭ u ramkach sieryi European Poker Tour u Monte-Karła, i pakłaŭ u svaju skarbonku bolš za miljon jeŭra, piša sajt «Biełaruś i śviet». Uvohule ž, pieramahać dla jaho sprava zvykłaja. 

Mikita Badziakoŭski

U hetym turniry ŭdzielničali 37 čałaviek, niekatoryja ź ich uvachodzili ŭ hulniu dvojčy. Kožny raz heta prynosiła ŭ ahulny pryzavy fond 100 tysiač jeŭra. U vyniku ž apłačvalisia šeść pieršych zaniatych miescaŭ.

Pieršapačatkova pa praviłach turniru pieramožca pavinien byŭ atrymać 1 238 440 jeŭra, druhoje miesca davała 807 700 jeŭra. Ale kali za stałom zastalisia tolki dvoje — Badziakoŭski i bałharyn Aleks Kuleŭ, jany vyrašyli padzialić pryzavyja pa-svojmu.

Pakierysty damovilisia, što niezaležna ad kančatkovaha vyniku pajadynku kožny harantavana adrazu atrymlivaje kala 1 młn jeŭra.

A dalej praciahnuli hulniu, jakaja i vyrašała, chto zavajuje tytuł i jašče prykładna 43 tysiačy jeŭra pryzavych. Pieramoh bałharyn, jaki ŭsiaho atrymaŭ 1 036 287 jeŭra. Biełarus ža — 1 009 853 jeŭra.

Razam, pa źviestkach viadomaha ŭ pokiernym śviecie sajta thehendonmob.com, sumarny vyjhryš Badziakoŭskaha ŭ «žyvym» pokiery (heta značyć, biez anłajn-turniraŭ) za ŭsiu karjeru na siońnia skłaŭ 39 970 708 dalaraŭ u ekvivalencie.

Praŭda, heta nie adbiłasia na jaho pazicyi ŭ suśvietnym rejtynhu. Tut Badziakoŭski pa-raniejšamu na dziaviatym miescy. U hulca na vośmym miescy, amierykanca Dena Śmita — 41 188 457 dalaraŭ. Lidaram ža topu źjaŭlajecca taksama amierykaniec, Džaścin Bonama, z sumaj 60 483 454 dalary.

Varta adznačyć, što, niahledziačy na ŭražalnyja sumy pryzavych, jakija fihurujuć u ŚMI i rejtynhach, jany absalutna nie dajuć ujaŭleńnia pra asabisty hrašovy bałans hulca ŭ pokier.

Bo na kožny vyjhryš mohuć prypadać dziasiatki projhryšaŭ sa strataj sotniaŭ tysiač dalaraŭ ustupnaha ŭznosu, jakija dla publiki, jakaja za ŭsim hetym pilna nie sočyć, zvyčajna zastajucca «za kadram».

Akramia taho, čaściakom, asabliva ŭ bujnych turnirach, tak zvanych chaj-rolerach, pakieryst hulaje na hrošy inviestaraŭ, jakija ŭ vypadku vyjhryšu atrymlivajuć svaju dolu.

Znoŭ taki, u vypadku vyjhryšu z zavajavanych pryzavych treba jak minimum adniać toj samy ŭstupny ŭznos, dziakujučy jakomu hulec trapiŭ u lik udzielnikaŭ turniru.

Kamientary

Minsk znoŭ pajšoŭ pad vadu. Stychija nie spyniajecca FOTY2

Minsk znoŭ pajšoŭ pad vadu. Stychija nie spyniajecca FOTY

Usie naviny →
Usie naviny

U Minsku chutka pačnuć sudzić piać čałaviek pa hučnaj spravie za «padrychtoŭku teraktu ŭ Dzień Pieramohi»1

Litva zabaraniaje ŭjezd aŭto na biełaruskich numarach42

U najlepšych tradycyjach Ahaty Kryści. Zahinułych u hateli ŭ Banhkoku vjetnamcaŭ atrucili cyjanidam

Kruty prybyŭ u paciarpiełuju ad urahanu Homielščynu. Pierš za ŭsio jon pajechaŭ na ekskursiju ŭ muziej partyzan8

Hihanckaja bliskavica ŭdaryła ŭ šmatpaviarchovy dom u Baranavičach VIDEA1

Siońnia apošni dzień pryjomu dakumientaŭ u VNU na biudžet. Budzie horača ŭ pramym i pieranosnych sensach

U Varšavie zatrymali byłoha palitviaźnia Ihara Bancara — heta jon pryjšoŭ u Ministerstva siamji sa zbrojaj57

Taksistaŭ užo pačali štrafavać za vykarystańnie mašyn u asabistych metach — pa dziŭnym artykule4

Bajden nazvaŭ adzinuju ŭmovu, pry jakoj admovicca ad prezidenctva10

bolš čytanych navin
bolš łajkanych navin

Minsk znoŭ pajšoŭ pad vadu. Stychija nie spyniajecca FOTY2

Minsk znoŭ pajšoŭ pad vadu. Stychija nie spyniajecca FOTY

Hałoŭnaje
Usie naviny →