Nazirańnie za tym, jak inšyja jaduć niezdarovuju ježu, moža dapamahčy schudnieć
Kali vy adzin z mnohich, chto pastaviŭ dyjetu i bolš zdarovaje charčavańnie adnoj sa svaich hałoŭnych met na šlachu da jakasnaha žyćcia, to, mahčyma, vam nie varta ihnaravać spakuślivuju rekłamu burhiera z bulbaj-fry i syrnym sousam. Zamiest hetaha pahruziciesia ŭ jaje całkam, ujaŭlajučy, jak vašy vusny ciahnucca da zabaronienaj ježy. Navuka kaža, što takim čynam možna pieramahčy ŭłasnyja niezdarovyja zvyčki.
U sieryi daśledavańniaŭ, apublikavanych u Journal of Public Policy & Marketing, navukoŭcy vyjavili, što rekłama, jakaja pakazvaje ludziej u pracesie pajadańnia niezdarovaj ježy, zaachvočvaje ludziej na dyjecie jeści mienš. Choć heta moža zdacca niełahičnym, hetyja vysnovy supadajuć z papiarednimi daśledavańniami razumovych vobrazaŭ. Niadaŭnija daśledavańni pakazvajuć, što prostaje ŭjaŭleńnie, što my vykonvajem niejkija dziejańni abo adčuvajem peŭnyja emocyi, aktyvuje niejronnyja sietki, padobnyja na tyja, što źviazanyja z realnaj pradukcyjnaściu abo vopytam.
Reč u tym, što vobrazy, ź jakimi my sutykajemsia ciaham žyćcia, u značnaj stupieni mohuć farmavać naš vopyt. Tak, naprykład, prostaje bačańnie taho, jak kahości ŭdaryli małatkom, uzbudžaje niejronnyja sietki ŭ našym mozhu, źviazanyja z bolem. U vyniku hetyja vyjavy buduć vyklikać emocyi i pavodziny, jakija adpaviadajuć pačućciu bolu.
Takija efiekty taksama raspaŭsiudžvajucca i na ŭžyvańnie ježy: naprykład, u rekłamie, jakaja pakazvaje bujnym płanam picu i čałavieka, jaki jaje jeść. Niekatoryja daśledavańni navat pakazali, što vyjavy spažyvańnia mohuć prymusić ludziej pamyłkova ŭspomnić, što jany ŭžo jeli pakazanuju ježu.
Heta važna, tamu što prostaja dumka, što my niešta źjeli, moža vyklikać pačućcio sytaści. U 2010 hodzie daśledčyki paprasili ludziej ujavić, jak jany jaduć albo 3, abo 30 cukierak M&M's. Zatym jany pieradali im misku z cukierkami. Ludzi, jakija ŭjaŭna źjeli 30 štuk, u kančatkovym vyniku adčuvali siabie bolš nasyčanymi i źjadali mienš cukierak u paraŭnańni z tymi, chto «źjeŭ» tolki 3.
U apošnim z padobnych daśledavańniaŭ, pra jakoje raspaviadaje The Conversation, daśledčyki zaprasili 132 studentaŭ, jakija siadzieli na dyjecie, u łabaratoryju dla prahladu rekłamy. Pałova ź ich ubačyła rekłamu M&M's, napoŭnienuju vyjavami spažyvańnia: sami cukierki, roznyja kolery i čałaviek, jaki ich jeść. Druhaja pałova studentaŭ prahladzieła rekłamu ź dźviuma animavanymi cukierkami, pazbaŭlenuju vobrazaŭ spažyvańnia. Zatym kožnamu studentu dali kubak cukierak vahoj 70 h i prapanavali źjeści, kolki jany zachočuć. U vyniku tyja, chto bačyŭ rekłamu z vyjavami spažyvańnia, jeli mienš cukierak, čym tyja, chto bačyŭ rekłamu z animavanymi piersanažami.
Na hetym daśledčyki nie spynilisia. Jašče 130 studentaŭ ubačyli rekłamu hamburhiera. Pałovu vałancioraŭ paprasili ŭjavić, jak jany jaduć hamburhier, a druhuju pałovu paprasili ŭjavić, što zdymajuć heta na videa. Zatym studenty atrymali pakiet biskvitnych pałačak u šakaładzie. Tyja, chto hladzieŭ rekłamu i ŭjaŭlaŭ, jak jeść hamburhier, źjeli mienš piečyva, čym tyja, chto tolki ŭjaŭlaŭ, što zdymaje heta.
Ale navukoŭcy nie spynilisia i na hetym. U nastupnym daśledavańni (u jakim pryniali ŭdzieł 594 darosłyja amierykancy) daśledčyki pravieryli, ci mahli b hetyja vyniki być vykarystanyja dla prasoŭvańnia zdarovaha charčavańnia. Jany raspracavali čatyry abjavy: na dźviuch ź ich była rekłama bulby-fry (pryčym adna rekłama prapanoŭvała prosta pahladzieć na ježu, a druhaja — mienavita ŭjavić, jak vy hetuju bulbu jaście), a na dźviuch inšych była takaja ž rekłama, tolki ź jabłykam.
Kožny ŭdzielnik byŭ vybrany vypadkovym čynam dla prahladu adnoj z čatyroch abjaŭ. Paśla hetaha ich paprasili ŭjavić, što jany źbirajucca pierakusić i adkryvajuć pakiecik, u jakim znachodzicca 20 čypsaŭ. Na pytańnie, «kolki čypsaŭ vy źjeli b prosta ciapier?», ludzi, jakija hladzieli rekłamu z bulbaj-fry, jakaja prapanoŭvała ŭjavić praces spažyvańnia, vykazali žadańnie źjeści mienš čypsaŭ, čym tyja, chto hladzieŭ na tuju ž rekłamu biez prapanovy ŭjaŭnaha spažyvańnia. A voś tyja, chto ŭjaŭlaŭ, što jaduć jabłyk, byli bolš schilnyja paddacca čypsavaj spakusie, čym tyja, chto ŭjaŭlaŭ, što jaduć bulbu-fry.
Takim čynam, vyniki supiarečać sučasnym mietadam prapahandy zdarovaha charčavańnia, jakija abapirajucca na vobrazy zdarovych praduktaŭ. Daśledčyki robiać vysnovu, što kampanii pa zdarovym charčavańni pavinny (siarod inšaha) uklučać u siabie i adlustroŭvać spažyvańnie niezdarovaj ježy. Mahčyma, heta źviazana z tym, što ludzi, jakija siadziać na dyjecie i ŭjaŭlajuć, jak jany jaduć niezdarovuju ježu, źviazvajuć heta ź niaŭdačaj u dasiahnieńni svaich metaŭ pa źnižeńni vahi.
Čytajcie taksama:
Zdajuć u arendu katedž zahinułaha chakieista Cypłakova. Voś interjery FOTY10
Kamientary