U kancy krasavika — pačatku maja ŭłady niekalkich rasijskich rehijonaŭ abviaścili pra admienu paradaŭ pieramohi. Pa padlikach «Viorstki», parady nie buduć pravodzić jak minimum u 21 horadzie (hod tamu ŭ hetych haradach parady byli).
Ź mierkavańniaŭ biaśpieki ad paradaŭ admovilisia ŭ Kałuzie, Razani, Arle, Saratavie, horadzie Husieŭ Kalininhradskaj vobłaści, Lipiecku i Jalcy, i navat Ciumieni, jakaja znachodzicca dosyć daloka ad frontu.
Tak, u Pskovie i Vialikich Łukach ułady aścierahajucca nie tolki za biaśpieku, ale i za «maralna-etyčnyja aśpiekty». Pa słovach hubiernatara Michaiła Viadziernikava, u rehijon na reabilitacyju pryjazdžaje šmat vajskoŭcaŭ, jakija huki fiejervierkaŭ «usprymajuć absalutna pa-inšamu», a srodki, «jakija zakładzienyja na saluty, možna vydatkavać na samaje nieabchodnaje ŭdzielnikam vajny».
U Kursku parad vyrašyli nie pravodzić, «uličvajučy biahučuju situacyju», a ŭ Biełharadzie — kab «nie pravakavać praciŭnika vialikaj kolkaściu techniki i vajskoŭcaŭ» u centry horada.
Ułady Krasnadarskaha kraju farmalna nie abjaŭlali pra admienu paradaŭ u Krasnadary i Sočy (jany tradycyjna prachodzili ŭ minułyja hady), a tolki zajavili, što vajskovuju techniku ŭ hetym hodzie možna budzie ŭbačyć tolki ŭ Navarasijsku. U Bransku ŭładam taksama chaciełasia b pravieści parad, ale zrabić jany hetaha «nie mohuć». Čamu «nie mohuć», hubiernatar Alaksandr Bahamaz nie patłumačyŭ.
Pravodzić parady pieramohi nie buduć u anieksavanych krymskich haradach Kierč i Simfieropal. Paŭvostraŭ u apošnija tydni staŭ čaściej padviarhacca napadam dronaŭ. Pa słovach kiraŭnika paŭvostrava Siarhieja Aksionava, takoje rašeńnie pryniataje z «mierkavańniaŭ biaśpieki». Taksama admienieny parad i ŭ Sievastopali.
Akramia taho, paradaŭ nie budzie ŭ addalenych ad frontu Nižniavartaŭsku, Surhucie i Chanty-Mansijsku. U meryjach haradoŭ śćviardžajuć, što chočuć vykazać «salidarnaść ź inšymi rehijonami krainy, dzie pa mierkavańniach biaśpieki ŭžo admianili śviatočnyja mierapryjemstvy».
Učora pres-sakratar Uładzimira Pucina Dźmitryj Piaskoŭ zajaviŭ, što admianiać parad u Maskvie nie buduć.
«Plavać ja chacieŭ na hety Zachad». Hałasavańnie Łukašenki pačałosia z dvuch prakołaŭ. A voś jakija zajavy jon zrabiŭ9
Kamientary