Jak stała viadoma MAYDAY TEAM, kiraŭnikom Navapołackaj papraŭčaj kałonii №1 staŭ Mašadzijeŭ Rusłan Chikmietavič. Raniej jon pracavaŭ namieśnikam načalnika papraŭčaj ustanovy.
Z sakavika miesiaca, paśla skandału z užo eks-načalnikam PK-1 Andrejem Palčykam, jaki, pa śviedčańniach, asabista katavaŭ źniavolenych i «prasłaviŭ» kałoniju nadzvyčaj žorstkim abychodžańniem ź imi, časova vykonvajučym abaviazki načalnika staŭ Viačasłaŭ Žurko.
Adnak jaho nie zaćvierdzili na pasadzie i, pavodle infarmacyi MAYDAY TEAM, načalnikam vyrašyli zrabić inšaha namieśnika — Rusłana Mašadzijeva. Viadoma, što Mašadzijeŭ pracavaŭ u śpiecadździele ŭstanovy jašče z časoŭ ŁPP.
Navapołackaja kałonija raźmieščanaja ŭ starych barakach budaŭnikoŭ zavodaŭ «Naftan» i «Palimir». Paśla zakančeńnia budaŭnictva tam zrabili papraŭčuju kałoniju, jakuju ŭ 2014 hodzie pieraprafilavali pad ŁPP №8, z taho času Rusłan Mašadzijeŭ i pracuje va ŭstanovie. Praz try hady ŁPP znoŭ pieratvaryli ŭ kałoniju ahulnaha i ŭzmocnienaha režymaŭ i prysvoili joj №1 paśla likvidacyi Minskaj PK-1.
Niadaŭna kałonija znoŭ vybuchnuła ŭ navinach — eks-pretendent na prezidenckuju pasadu Viktar Babaryka, jaki adbyvaje tam termin, trapiŭ u špital. Jaho miescaznachodžańnie i stan zdaroŭja da ciapierašniaha času nieviadomyja.
Były palitviazień z navapołackaj kałonii raskazaŭ, jakoha kampramisu patrabavali ad Babaryki
Były turemny lekar tłumačyć, čamu moh zdarycca pnieŭmatoraks i pra što kaža toj fakt, što Babaryku nie pakinuli ŭ špitali kałonii
Błohier Kabanaŭ, jaki siadzieŭ u navapołackaj kałonii, pra toje, čamu viaźni nie vytrymlivajuć umoŭ tam
Milicyja vypadkova vykłała ŭnutrany dakumient z analizam miedyja. Voś kaho jany siońnia čytali i jakija ŚMI ličać niezaležnymi4
Kamientary