Navuka i technałohii77

Što b vy zrabili, majučy 6 palcaŭ na ruce?

Maryli hrać na fartepijana, majučy 12 palcaŭ? Ciapier heta nie son, a realnaść, dziakujučy raspracoŭcy inžynieraŭ z Tokia.

Vyjava: skrynšot z YouTube

U nieŭrałohii isnuje termin «uvasableńnie» kaniečnaści (embodiment of a limb), jaki aznačaje zdolnaść čałaviečaha mozhu prymać pratez i ličyć jaho častkaj svajho cieła. Navukovyja daśledavańni apošnich dziesiacihodździaŭ pakazali, što nasamreč davoli lohka padmanuć naš mozh i prymusić jaho dumać, što štučnyja kaniečnaści — heta častka našaha cieła. Mozh vielmi adaptyŭny i hnutki adnosna taho, što jon vyznačaje i prymaje jak naša cieła.

Hetaja hnutkaść vielmi karysnaja, tamu što čałaviečaje cieła źmianiajecca pa miery rostu i stareńnia. Fizičnyja źmieny taksama mohuć być vyklikanyja niaščasnymi vypadkami abo paraličam, da jakoha ludzi patencyjna zdolnyja prystasavacca.

U novym daśledavańni reakcyi arhanizma na dadatkovyja kaniečnaści navukoŭcy cikavilisia miežami hetaha pryniaćcia: ci možna dadać čałavieku novyja elemienty i ci zmožam my adčuvać hetyja novyja častki tak, byccam jany nieadjemnaja častka našaha cieła?

Va ŭsich papiarednich padobnych daśledavańniach ruch dadadzienaj častki ažyćciaŭlaŭsia z dapamohaj taktylnaj zvarotnaj suviazi ŭžo najaŭnych častak cieła, tłumačyć The Conversation. Ciapier ža navukoŭcy pasprabavali vyśvietlić, ci moža naš mozh pryniać sapraŭdy aŭtanomnuju dadatkovuju častku cieła, jakuju možna pieramiaščać niezaležna ad luboj inšaj častki.

Daśledčyki na čale z prafiesaram Joici Mijavaki (Yoichi Miyawaki) z University of Electro-Communications u Tokia raspracavali rabatyzavany «šosty palec», jaki možna dadavać da svaich piaci. Mała taho, što karystalnik moža kiravać im niezaležna ad inšych palcaŭ, dyk jon jašče i abstalavany taktylnym datčykam (to-bok datčykam dakranańnia), jaki dazvalaje adčuvać toje, što adčuvaŭ by sapraŭdny palec.

Čałaviek moža karystacca hetym cudam inžyniernaj dumki ź minimalnaj padrychtoŭkaj: dla bolšaści ludziej jana zojmie mienš za hadzinu. Vyvučeńnie reakcyi arhanizma na novyja palcy važna siarod inšaha i tamu, što padobnyja pracesy adbyvajucca, kali arhanizmu ciažka pryniać pratez.

Vyjaviłasia, što źmieny va ŭsprymańni asabistaha cieła adbyvajucca vielmi chutka. U pryvatnaści, udzielnikaŭ daśledavańnia prasili dakranucca da namalavanaj linii mieziencam, pry hetym nie hledziačy na ​​svaje palcy. U vyniku ludzi stali niaŭpeŭnienymi ŭ miescaznachodžańni ŭłasnaha miezienca ŭ prastory.

Ciapier daśledčyki niepasredna vyvučajuć źmianieńni ŭ mazhavoj aktyŭnaści karystalnikaŭ z dapamohaj MRT, nazirajučy, jakija zony mozha aktyvujucca, kali karystalnik ruchaje štučnym palcam.

Pakul ža aŭtary robiać pazityŭnuju vysnovu dla budučyni ŭ halinie ŭdaskanaleńnia ŭłasnaha cieła i raspracoŭki štučnych kaniečnaściaŭ, jakija možna budzie vykarystoŭvać u samych raznastajnych spravach: ad chutčejšaha naboru na kłavijatury i ŭtrymańnia bolšaj kolkaści pradmietaŭ da novych mahčymaściaŭ dla chirurhaŭ i vynachodnictva novych technik ihrańnia na hitary.

Kamientary7

  • šos taja ž...
    05.05.2023
    mikola, dyk heta ž na ruce...
    a vy što padumali? 
  • rom
    05.05.2023
    [Red. vydalena]
  • Fap-fap-fap
    05.05.2023
    6 palcaŭ? Cierušiŭ by daŭhunca jašče sprytniej :)

Stryžak raskazaŭ, jak jaho vierbavali śpiecsłužby2

Stryžak raskazaŭ, jak jaho vierbavali śpiecsłužby

Usie naviny →
Usie naviny

Z-kanał: Imavierna, Kryhier arhanizoŭvaŭ dyviersii ŭ Branskaj vobłaści5

Raiła bić nahoj u skivicu kožnamu maskvarotamu, nazyvała akupacyju Maryupala karmaj — chto takaja Iryna Faryjon, jakuju zabili ŭ Lvovie37

U Vilejskim rajonie kiroŭca pahruzčyka ledź nie ŭrezaŭsia ŭ pachavalnuju pracesiju

Ukraina śpiašajecca stvaryć vajennyja bieśpiłotniki sa štučnym intelektam1

Zialenski pavinšavaŭ Trampa z abrańniem kandydatam ad Respublikanskaj partyi i nazvaŭ jaho prezidentam7

30-chvilinny marynad dla prostaha kurynaha šašłyka6

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie3

bolš čytanych navin
bolš łajkanych navin

Stryžak raskazaŭ, jak jaho vierbavali śpiecsłužby2

Stryžak raskazaŭ, jak jaho vierbavali śpiecsłužby

Hałoŭnaje
Usie naviny →