Viarchoŭnaja Rada Ukrainy 2 maja pryniała pastanovu «Ab vykarystańni palityčnym režymam Rasijskaj Fiederacyi ideałohii rašyzmu, asudžeńni pryncypaŭ i praktyk rašyzmu jak tatalitarnych i čałaviekanienaviśnickich».
Deputaty Viarchoŭnaj Rady sabrali ŭ tekście dakumienta aznačeńni i charaktarystyki ciapierašniaj rasijskaj ułady, jakija davali, sprabujučy navukova rastłumačyć hetuju źjavu, jak ukrainskija, tak i zachodnija historyki, publicysty dy kulturołahi i źviali ich da vysnovy, što rašyzm — heta sučasny rasijski fašyzm.
«Žorstkaja, niespravakavanaja vajna Rasii suprać Ukrainy adkryła ŭsiamu śvietu realnuju sutnaść palityčnaha režymu Uładzimira Pucina jak nieaimpierskuju, tatalitarnuju dyktaturu, jakaja naśleduje najhoršuju praktyku minułaha i ŭvasablaje idei fašyzmu i nacyjanał-sacyjalizmu ŭ sučasnaj viersii rasijskaha fašyzmu (rašyzmu)», — havorycca ŭ tłumačalnaj zapiscy da pastanovy.
Ukrainskija deputaty spadziajucca, što hety dakumient dazvolić z časam sfarmavać adziny padychod mižnarodnych instytutaŭ da rasijskaj palityki, jakaja stała abhruntavańniem ahresii suprać Ukrainy.
Łukašenka pra punkty propusku na miažy z Polščaj: Dy chaj choć apošni zakryjuć31
Kamientary