Ekanomika44

Niekatoryja biełaruskija banki ŭ 5 razoŭ padniali staŭki za valutnyja SWIFT-pieravody. U kolki abychodziacca płaciažy za miažu

Šerah biełaruskich bankaŭ patrapiŭ pad zachodnija sankcyi i nie maje mahčymaści rabić pieravody ŭ valucie. A banki, jakija mohuć rabić SWIFT-pieravody, čas ad času padymajuć staŭki za svaje pasłuhi. Pahladzieli, jakija banki dahetul robiać takija pieravody i kolki biaruć za heta hrošaj.

Biełarusbank

Najbujniejšy bank Biełarusi zachoŭvaje mahčymaść rabić SWIFT-pieravody ŭ jeŭra i dalarach ZŠA. 

Kamisija za pieravod u abiedźviuch valutach składaje 2% ad sumy, ale nie mieniej za 100 rubloŭ za płaciež. Hety taryf dziejničaje ź siaredziny lutaha. Raniej kamisija składała 50 rubloŭ niezaležna ad sumy pieravodu.

Technabank

U hetym banku biaruć kamisiju ŭ pamiery 1,5 pracenta ad sumy plus 50 dalaraŭ, kali valuta pieravodu — dalar ZŠA, abo 45 jeŭra, kali pieravod u jeŭrapiejskaj valucie.

Ale kali havorka idzie pra pieravody ŭ jeŭra, to da 1,5% i 45 € daviadziecca dadać vydatki na kuplu hetaj valuty ŭ banka. Navat kali vy pryjšli tudy z najaŭnymi jeŭra, to vam spačatku treba budzie pamianiać ich na biełaruskija rubli, kab potym nabyć jeŭra ŭ banka. Da 5 śniežnia 2022 hoda pry pieravodzie ŭ jeŭra kamisija Technabanka składała 55 jeŭra plus 0,6% ad sumy.

Dalaravyja pieravody možna zrabić bieź ich kupli ŭ banka, tamu hublać na kursie nie daviadziecca. 

Priorbank

Hety bank nie robić pieravody ŭ jeŭra i dalarach ZŠA, ale, naprykład, hatovy zrabić SWIFT-pieravod u polskich złotych. Kamisija ŭsiaho 0,5%, ale nie mienšaja za 50 rubloŭ.

Bank «Rašeńnie»

Hety bank robić dalaravyja pieravody ŭ ZŠA. Kamisija vyhladaje nastupnym čynam: 2% ad sumy plus 150 dalaraŭ niezaležna ad sumy płaciažu. Aproč taho, treba viedać, što dalary abaviazkova nabyvajuć u banka. Tamu, kali vy pryjdziecie z dalarami abo inšaj valutaj, vam daviadziecca śpiarša pamianiać ich na biełaruskija rubli, a ich — znoŭ na dalary.

U śniežni 2022 hoda Bank «Rašeńnie» braŭ 1% kamisii ad sumy, ale nie mienš za 100 rubloŭ.

Alfa-Bank

Jašče miesiac tamu Alfa-Bank rabiŭ jeŭravyja pieravody za 120 rubloŭ niezaležna ad sumy płaciažu. Na pačatku krasavika kamisija za pieravod vyrasła da 600 rubloŭ niezaležna ad sumy płaciažu. 

Biełaruski narodny bank

Hety bank hatovy adpraŭlać pieravody ŭ jeŭra z kamisijaj 2% ad sumy, ale nie mieniej za 110 jeŭra za płaciež.

BSB-Bank

SWIFT-pieravody ŭ dalarach i jeŭra robić i BSB-Bank. Kamisija składaje 1,7%, ź jakich 1,5% — kamisija za pieravod i 0,2% — za pryjom i pieralik hrošaj. Minimalnaja suma kamisii dla dalaraŭ ZŠA — $100, maksimalnaja — 300. 

Ź jeŭra składaniej, choć pracent kamisii adnolkavy. Usio tyja ž 1,7% i nie mienš za 100 jeŭra. Ale jeŭra abaviazkova nabyvać u banku.

U śniežni minułaha hoda kamisija ŭ BSB-Banku była mienšaja. Na dalary ZŠA kamisija składała 0,65% (nie mienš za 90 rubloŭ i nie bolš za 390 rubloŭ). Na pieravod u jeŭra — 1,1% ad sumy minimum 90 rubloŭ.

Važna! Pierad tym, jak iści ŭ bank z hatovym invojsam, varta zahadzia ŭdakładnić, ci pracuje bank-adpraŭnik z kankretnaj krainaj u cełym i bankam, jaki prymaje płaciež u pryvatnaści. U kožnaj kankretnaj situacyi atrymany vami adkaz ad banka moža adroźnivacca ad infarmacyi, pryviedzienaj u artykule. Infarmacyja aktualna pa stanie na 02.05.2022.


Kamientary4

  • Pioo
    03.05.2023
    Kamu vajna a kamu maci rodna.
  • Bystro! Vyhodno! Nadiožno,!
    03.05.2023
    Vot eto lhotnyje tarify, banki krutiat svoimi vkładčikami kak śvińju na viertiele.
  • Hańba
    03.05.2023
    Hrab narodziec, pakul možaš!

Kola-siekjuryci, Ciacieryn z torbami i doktarka ź Bieleńkim. Jak vyhladała śvita Łukašenki na «Słavianskim bazary» VIDEA2

Kola-siekjuryci, Ciacieryn z torbami i doktarka ź Bieleńkim. Jak vyhladała śvita Łukašenki na «Słavianskim bazary» VIDEA

Usie naviny →
Usie naviny

FBR nazvała imia taho, chto stralaŭ u Trampa23

Kali ź Biełarusi sydzie anamalnaja śpioka4

Rasijanie zaniali Uradžajnaje

Biełaruska padarožničaje pa samych biednych krainach Afryki i raskazvaje — jak heta, kali ciabie pastajanna razvodziać na hrošy12

Dva čałavieki zahinuli ŭ avaryi pad Mahilovam, čaćviora — u reanimacyi8

Donald Tramp zrabiŭ zajavu paśla ataki na jaho8

Bajden skazaŭ, što molicca za Trampa, i zaklikaŭ abjadnacca ŭsiu nacyju11

Čałaviek, jaki stralaŭ na mitynhu ŭ Donalda Trampa, zabity9

Padčas zamachu na Trampa jak minimum adzin čałaviek zahinuŭ3

bolš čytanych navin
bolš łajkanych navin

Kola-siekjuryci, Ciacieryn z torbami i doktarka ź Bieleńkim. Jak vyhladała śvita Łukašenki na «Słavianskim bazary» VIDEA2

Kola-siekjuryci, Ciacieryn z torbami i doktarka ź Bieleńkim. Jak vyhladała śvita Łukašenki na «Słavianskim bazary» VIDEA

Hałoŭnaje
Usie naviny →