Hramadstva1717

«I zajmiom svajo miesca pačesnaje ŭ hetym miry». Łukašenka zahadaŭ viertykalščykam zabycca pra sankcyi i pierajšoŭ na trasianku

Vystupajučy siońnia pierad homielskimi viertykalščykami, Łukašenka pachvaliŭ ich za toje, što ni razu nie ŭspomnili pra sankcyi, nakładzienyja Zachadam. I sam pachvaliŭsia tym, što Pucin nazvaŭ jaho małajcom.

Alexander Lukashenka Aleksandr Łukašienko
Alaksandr Łukašenka. Skrynšot ź videa

Homielskija viertykalščyki svajoj niaŭvahaj da sankcyj, na dumku Łukašenki, vyhadna adroźnivajucca ad hrodzienskich, jakija ŭzdumali na ich kivać. Jon paŭtaryŭ svaju viečnuju mantru, što ŭviadzieńniu sankcyj, naadvarot, treba radavacca, bo jany dajuć, maŭlaŭ, novyja mahčymaści.

Choć paśla, praŭda, usio ž pryznaŭ, što z sankcyjami ciažej, čym bieź ich. Ale kab stała lahčej, to treba pra ich prosta zabycca.

Dy i ŭvohule ahraryjam, maŭlaŭ, sankcyi jakraz na karyść, bo ŭsio, što jany vyrabiać, zabiare Rasija. Prablemy ŭ kalijnaj haliny i ŭ naftapierapracoŭki — ale pra heta hałava balić va ŭrada, a nie ŭ miascovych čynoŭnikaŭ, jakich da stratehičnych halin usio adno nie dapuskajuć. A ŭ Rasiju, maŭlaŭ, i kalij «pajšoŭ», i naftapradukty, i traktary joj zapatrabavanyja. Adna voś tolki biada, što padciskajuć kitajcy. 

Zakranuŭ Łukašenka pytańnie i mikraelektroniki, jakoj, maŭlaŭ, u Rasii nie zastałosia, a ŭ Biełarusi zachavałasia.

Sam Pucin jamu z hetaj nahody nibyta niečakana skazaŭ: «Jaki ty maładziec», uvioŭšy jaho samoha ŭ ździŭleńnie.

I choć biełaruskija «čypaŭki», jak Łukašenka vykazaŭsia, dalokija ad amierykanskich, tajvańskich ci karejskich standartaŭ, «ale my ich vyrablajem, chaj i krychu bolšyja».

Karaciej, zrabiŭ vysnovu Łukašenka: nie ŭzdumajcie šukać abjektyŭnyja pryčyny, ich, maŭlaŭ, niama.

Kali ž usie ŭsio vytrymajuć, to my, «budiem sovsiem druhimi i zajmiom svajo miesca pačesnaje ŭ hetym miry», — padsumavaŭ Łukašenka na trasiancy. 

Čytajcie taksama:

Łukašenka: Nichto na nas nie źbirajecca napadać. U tym liku ŭkraincy

Łukašenka sprahnazavaŭ «žaleznuju dyktaturu»

Kamientary17

  • Zihmund nie vaš Frojd
    28.04.2023
    Svoje počiotnoje miesto u pa... rašy
  • Jaśka-Haspadar
    28.04.2023
    Łupić trasiankaj, jak Trusaŭ nakazvaŭ
  • Kotya
    28.04.2023
    Nu iroža

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Usie naviny →
Usie naviny

Tramp raskazaŭ, što cudam jaho vyratavała ad kuli3

Łatvija z 16 lipienia zabaraniaje ŭjezd mašyn ź biełaruskimi numarami 3

Lidzija Jarmošyna pra svaje strachi ŭ 2020: Z parłamienta prabirałasia čornymi chadami11

U časie bury mocna paciarpieli ptuški. Adziny ŭ krainie prytułak dla ich nie daje rady — jamu patrebnaja dapamoha

Ukrainskija ambicyi mieć F-16 raźbivajucca ab moŭny barjer, uźlotna-pasadačnyja pałosy i zapčastki — Bloomberg29

Cierciel zajaviŭ, što Ukraina adviała vojski ad biełaruskaj miažy jašče 3—4 lipienia1

«Au! Kudy vy źnikli?» Jak minčanka pierajhrała kvaternych afierystaŭ

Biez elektryčnaści zastajecca 851 nasieleny punkt Homielskaj vobłaści. U Mazyry niama śviatła, vady, nie pracujuć pradpryjemstvy

Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka

bolš čytanych navin
bolš łajkanych navin

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Hałoŭnaje
Usie naviny →