Aŭto77

Pa canie dźviuch kvater u Minsku. Jakija kiempiery pradajuć u Biełarusi 

Kiempinh — mara mnohich siamiej, junakoŭ i dziaciej. Pahladzieli, jakija kiempiery, u tym liku samarobnyja, prapanuje biełaruski rynak.

Patrabuje inviestavańnia

Samy tanny aŭtamabil, jaki choć i davoli ŭmoŭna, ale možna nazvać kiempieram, pradajecca za 2000 dalaraŭ. Heta Volkswagen Transporter T3 1981 hoda vypusku z aryhinalnym sałonam ad sapraŭdnaha kiempiera.

Fota tut i dalej: av.by

Praŭda, kab hety 42-hadovy mikraaŭtobus zmoh stać sapraŭdnym domam na kołach daviadziecca prykłaści ruku i inviestavać niamała hrošaj. Ciapier jon vielmi addalena nahadvaje miesca dla adpačynku, choć i maje ŭ sałonie nabor mebli, siadzieńnie, jakoje raskładajecca ŭ łožak i niešta padobnaje da kuchni.

Da taho ž, jak paznačana ŭ abjavie, ciapier aŭtamabil nie na chadu. Mikraaŭtobus znachodzicca ŭ Minsku.

U rodnaj farbie

Za 5990 dalaraŭ u stalicy pradajecca sapraŭdny kiempier Fiat Ducato 1990 hoda vypusku. 

«Aŭtamabil u vydatnym stanie dla svajho ŭzrostu. Pa kuzavie prablem niama, mašyna ŭ rodnaj farbie. Ruchavik biez prablem. Tolki svoječasovaje i jakasnaje absłuhoŭvańnie», — apisvaje pradaviec svoj 33-hadovy dom na kołach.

Unutry kiempiera jość usio nieabchodnaje dla žyćcia: kuchnia, ladoŭnia, stoł, kresły. Pad dacham jość spalnaje miesca.

Mikraaŭtobus abstalavany pryładaj dla pieravozki troch rovaraŭ.

Pradajecca praz adjezd ź Biełarusi

U Maładziečnie za 7077 dalaraŭ pradajecca samarobny kiempier na bazie hruzavička Iveco 1994 hoda vypusku. 

U mikraaŭtobusie majucca try spalnyja miescy. Miescaŭ dla siadzieńnia taksama try. Jość pracoŭny stoł, chaładzilnik, hazavaja plita na dźvie fajerki, myjka, baki dla čystaj i brudnaj vady, šafa, antresoli.

Haspadar samarobnaha kiempiera adznačaje, što pryčyna prodažu — pierajezd ź Biełarusi. 

Mahčymy abmien

U Homieli pradajecca paŭnavartasny kiempier Peugeot J5 1986 hoda vypusku. Prosiać za jaho 11 tysiač dalaraŭ. 

Zvonku dla svaich hadoŭ mikraaŭtobus vyhladaje davoli badziora. Pierad uvachodam u jaho raskładajecca stolik z naviesam.

Pakolki pa płoščy hety kiempier značna bolšy za papiarednija varyjanty, to ŭ im znajšłosia miesca i dla tualeta.

U abjavie paznačana, što pradaviec hatovy razhladzieć roznyja varyjanty abmienu z dapłataj u jaho bok.

Mara salaravoza

Jašče bolš jomisty kiempier u ekskluziŭnaj afarboŭcy pradajuć u Kobrynie. Za Fiat Ducato 1992 hoda vypusku z topavym dla takoha aŭto ruchavikom abjomam 2,8 litra prosiać 17 tysiač dalaraŭ.

Dom na kołach abstalavany paliŭnym bakam na 220 litraŭ, što robić jaho maraj nie tolki dla padarožnikaŭ, ale i dla žycharoŭ pamiežža, jakija zarablajuć na vyvazie paliva. 

U hetym kiempiery znajšłosia miesca nie tolki dla tualeta, ale i dla duša.

Taki kiempier budzie dobra pasavać dla padarožžaŭ ź dziećmi, bo aproč vialikaha spalnaha miesca ŭnizie, tut jość jašče adzin spalnik nad kabinaj. Abahravajecca kiempier hazam.

«Šyšyha» z ruchavikom ad Mercedes

Za 20 tysiač dalaraŭ u Minsku pradajuć samarobny dom na kołach pabudavany na bazie HAZ-66. Hruzavik byŭ vypuščany ŭ 1991 hodzie. 

U apisańni da staroha savieckaha paŭnapryvadnaha hruzavika paznačana, što zamiest zavadskoha, u im ustalavany dyzielny ruchavik i karobka pieradač ad Mercedes. Zajaŭleny raschod paliva — 16 litraŭ na sotniu.

Unutry jość duš, sanvuzieł, kuchonny kutok, spalnyja miescy, suchi fien (piečka). Aŭtamabil abstalavany dvuma bakami ź nieržaviejučaj stali dla čystaj i brudnaj vady.

Kiempier ź videanazirańniem

Dalej pa cenach iduć užo sučasnyja aŭtadamy. Samy tanny ź ich — paŭnavartasny kiempier Fiat Ducato 2007 hoda vypusku za $39000.

«Šeść spalnych miescaŭ, 2 televizary, android-prystaŭka, Wi-Fi-uzmacnialnik, USB-razietki, inviertar, kava-mašyna, vialiki chaładzilnik, duchavaja šafa, tualet, dušavaja kabina, chałodnaja, haračaja vada, detektar hazu», — havorycca ŭ apisańni da aŭtadoma.

Vakoł kiempiera ŭstalavanyja biespravadnyja videakamiery. Na tylnaj vosi ŭstanoŭlenaja pnieŭmapadvieska. Aŭtadom pradajecca ŭ Homieli.

Siarod sučasnych kiempieraŭ pradajucca dva aŭtadamy, pabudavanyja na bazie celnamietaličnaha furhona pa cenach 49990 — 55000 dalaraŭ.

Zychodziačy z apisańnia, adzin ź ich zusim niadaŭna byŭ pryviezieny ź Jeŭropy.

Dom na kołach pa canie dźviuch kvater u Minsku

Što tyčycca samaha darahoha aŭtadoma, vystaŭlenaha na prodaž u našaj krainie, to možna adznačyć, što zamiest jaho možna nabyć adrazu dźvie kvatery ŭ Minsku.

Za Adria Sonic 600 SC, jaki pabudavany na bazie Fiat Ducato apošniaha pakaleńnia, prosiać 109 tysiač dalaraŭ.

«Ciopłaja padłoha, maskitnyja sietki i ralety na ŭsich voknach i lukach, vielizarny vanny pakoj ź vialikaj dušavoj, aciapleńnie na hazie i na elektryčnaści, markiza, vialiki chaładzilnik, elektrapadnožka, vielizarnaja kolkaść skrynak, konturnaja padśvietka, sensarnyja śviacilni, šmat razietak na 220V i USB», — havorycca ŭ apisańni da samaha darahoha kiempiera ŭ Biełarusi.

U kiempiery jość dva dvuchmiesnyja łožki. Adzin — na nižnim uzroŭni ŭ tylnaj častcy, druhi — uviersie nad miescam dla kiroŭcy i pasažyra.

Pradaviec adznačaje, što hety luksavy kiempier nie maje prabiehu pa krainach SND i moža być pradadzieny ŭ RF biez apłaty dadatkovych mytnych płaciažoŭ.

Čytajcie taksama: 

U Biełarusi raście kolkaść aŭto ŭ prodažy. Čamu tak adbyvajecca? Tłumačać hulcy rynku

Kamientary7

  • -
    01.05.2023
    a ŭ 20-m kazali, što aŭtazaki pad kiempiery pradajuć
  • da ča
    01.05.2023
    uhu. a jašče hetu "daču" i pamyć tam možna? i plavać, što heta zabaroniena?
    a jašče ničoha, što ŭ nas 9 miesiacaŭ zimy, a nie, jak u Amierycy i inšych krainach z bolš ciopłym klimatam
  • Cim
    01.05.2023
    da ča, Jak byccam na zvyčajnaj dačy ludzi adpačyvajuć ŭzimku!
    Da taho ž: hetaja "dača na kołach" moža pabyvać u ciopłych krainach. Maj, vierasień, kastryčnik ... A nakont "śvinstva la vady" - heta zusim inšaja tema. I vinavacić ludziej "avansam" nia treba. Šmat dzie dla turystaŭ na kiempierach stvorany śpiecyjalnyja stajanki. Niešta płaciš, i atrymlivaješ dla svajho "domika" i elektryčnaść, i vadu, i kanalizacyju. 

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Usie naviny →
Usie naviny

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

bolš čytanych navin
bolš łajkanych navin

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Hałoŭnaje
Usie naviny →