Znoŭ sprabujuć pradać budynak «Trajpła» na Rakaŭskaj u Minsku
Histaryčny budynak z ofisnymi pamiaškańniami, haražom i składami płoščaj kala 1800 kv. m u samym centry Minska znoŭ vystavili na prodaž. U paraŭnańni z papiarednim razam, jaho cana źmienšyłasia bolš čyna na 1,5 młn rubloŭ.
Praviadzieńnie čarhovych tarhoŭ zapłanavanaje na 12 maja. Pačatak padačy zajavak — 27 krasavika. Startavaja cana aŭkcyjonu — 3 636 948 rubloŭ z krokam 181 847,4 rubloŭ, paviedamlaje sajt beltorgi.by.
Na pieršyja tarhi abjekt byŭ vystaŭleny pa canie amal 5,2 młn rubloŭ, ale na jaho tady nichto nie pakvapiŭsia.
Budynak, jaki znachodzicca ŭ zakładzie ŭ banka — u davoli dobrym stanie. Płošča ofisnych pamiaškańniaŭ u im składaje 1347,4 kv. m, haraža-stajanki — 392,2 kv. m.
Kampanija apalnaha biznesmiena Juryja Čyža «Trajpł» znachodzicca ciapier u pracedury bankructva, jaje majomaść pastupova raspradajecca. Raniej pradali za 2,9 młn dalaraŭ, taksama nie z pieršaha razu, fitnes-centr Evo wellness club.
Budynak na praśpiekcie Pieramožcaŭ, dzie znachodziŭsia hałaŭny ofis «Trajpł», vystavili na prodaž. Kolki kaštuje i jak tam unutry?
Jak Čyž i jaho tajemny litoŭski partnior zarabili miljardy na chitraj naftavaj schiemie
«Mahli b prosta namalavać na płocie, pryčym va Uruččy». Ci mieła sens adnaŭleńnie fasada źniščanaj Čyžom elektrastancyi?
Pamierłaha 52-hadovaha aŭtaślesara ź Viciebska hod tamu strašna źbili milicyjanty11
Kamientary