Pa ŭsim śviecie biełarusy vyjšli na akcyi, pryśviečanyja čarnobylskaj hadavinie FOTY
U 37-ju hadavinu z dnia avaryi na Čarnobylskaj AES pa ŭsim śviecie biełaruskaja dyjaspara praviała roznyja publičnyja mierapryjemstvy. Niedzie jany adbylisia ŭ formie paŭnavartasnych Čarnobylskich šlachoŭ z šeściami, niedzie prajšli tolki mitynhi i pikiety. Najbolš maštabnaje mierapryjemstva było, badaj, u Vilni, ale adznačylisia i inšyja harady dy krainy.
Vilnia
U Vilni na šeście sabrałasia kala 250-300 čałaviek, na Łukišskaj płoščy pierad sabranymi vystupiła Śviatłana Cichanoŭskaja.
Varšava
U Varšavie kałona prajšła šeściem ad pomnika Mikałaju Kapierniku pa vulicy Krakaŭskaje pradmieście ŭ kirunku pomnika vučonaj Maryi Składoŭskaj-Kiury na Rynku Novaha Miesta.
Pierad maršam prajšoŭ mitynh, dzie vystupili Michał Kaminski, Alina Koŭšyk, Pavieł Łatuška, Vital Rymašeŭski, Viačasłaŭ Siŭčyk i ksiondz Viačasłaŭ Barok.
Hdańsk
Bierlin
Biełarusy ŭ Bierlinie prajšli maršam ad Halerei Ist-Sajd da Boxhagener Platz.
«My kažam «NIE» luboj formie jadziernaha šantažu! Rasija i režym Łukašenki chočuć paviarnuć Ukrainu, Jeŭropu i ŭvieś śviet nazad u samyja zmročnyja časy minułaha, kali strach, pryhniot i dyktatura kiravali žyćciami miljonaŭ ludziej», — adznačyli arhanizatary akcyi.
Ńju-Jork
U Ńju-Jorku biełarusy sabralisia kala budynka AAN.
Batumi
U Batumi biełarusy zładzili sumiesnuju akcyju ź miascovymi ŭkraincami.
Na akcyi vystupili pradstaŭniki biełaruskaj i ŭkrainskaj dyjaspar, udzielniki ŭzhadali zachop Enierhadara i raźmiaščeńnie jadziernaj zbroi ŭ Biełarusi.
Brusiel
Kamientary