Hramadstva55

«Demakratyčny śviet zmoža dapamahčy nam tolki tady, kali pabačyć, što heta patrebna nam samim». U Vilni prajšoŭ Čarnobylski šlach

Siońnia ŭviečary pa roznych krainach i haradach prajšli biełaruskija «čarnobylskija šlachi». Siarod inšaha šeście z udziełam kala 300 čałaviek adbyłosia i ŭ Vilni. Pierad jaho ŭdzielnikami na mitynhu vystupiła Śviatłana Cichanoŭskaja.

Śviatłana Cichanoŭskaja padziakavała kožnamu, chto vyjšaŭ siońnia na Čarnobylski šlach, niahledziačy na nie nadta dobraje nadvorje, i padkreśliła, što siońnia biełarusy vychodziać na takija akcyi pa ŭsim śviecie, ad Vilni da Ńju-Jorka. 

I robiać heta nie tolki za siabie, ale i za tych, chto zastajecca ŭ Biełarusi i z-za metanakiravanaha dziaržaŭnaha hvałtu nie moža nijak vykazvać svoj pratest. 

37 hadoŭ tamu zdaryłasia Čarnobylskaja trahiedyja i my pabačyli, što dla savieckaj ułady žyćcio čałavieka nie maje nijakaha značeńnia, nahadała Cichanoŭskaja. Jak taksama i dla režymu Łukašenki, jaki pasadziŭ u svoj čas prafiesara Bandažeŭskaha za toje, što toj nie maŭčaŭ pra Čarnobyl.

«Uładam było niavyhadna i niazručna, što ludzi nahadvajuć im pra ichnuju adkaznaść. Ci, chutčej, biezadkaznaść», — padkreśliła Cichanoŭskaja.

I nahadała, što hetak ža sama biezadkazna ŭłady pavodzili siabie padčas pandemii karanavirusa ŭ 2020 hodzie, ale tady narod prajaviŭ samaarhanizacyju.

«Nam i siońnia zamoŭčvajuć praŭdu pra Čarnobyl. Zamoŭčvajuć praŭdu pra Astravieckuju AES, i pra vajnu va Ukrainie. Zamoŭčvajuć mahčymyja nastupstvy raźmiaščeńnia jadziernaj zbroi ŭ Biełarusi», — kanstatavała demakratyčnaja lidarka.

Ale «Čarnobyl nam daŭ vielmi važny ŭrok. Čarnobyl navučyŭ nas nie raźličvać na uładu, a raźličvać na siabie.

I demakratyčny śviet zmoža dapamahčy nam tolki tady, kali pabačyć, što heta patrebna nam samim.

My pavinny ŭmieć pastajać za siabie i za svaje intaresy. My pavinny raspaŭsiudžvać praŭdu pra teror, što adbyvajecca. My pavinny ŭmieć samaarhanizoŭvacca i dziejničać, navat kali zdajecca, što ad nas niašmat što zaležyć». 

Padsumavała skazanaje Cichanoŭskaja vysnovaj:

«Kali my nie chočam, kab biełarusaŭ kłali ŭ adzin košyk z rasijanami i z režymam, naša pazicyja pavinna hučać vielmi vyrazna. I mienavita tamu takija akcyi, jak siońniašniaja, majuć vialikaje značeńnie».

Čytajcie taksama:

«Spačatku była kryŭda na ŭvieś śviet». Babrujčanka 27 hadoŭ dahladaje syna, jaki staŭ invalidam u vyniku Čarnobyla

Kamientary5

  • Realnaść
    26.04.2023
    I Čarnobyl, i zusim niadaŭna karanavirus navučyli biełarusaŭ spadziavacca adzin na adnaho, a nie na ŭładu, jakoj naplavać na dabrabyt biełaruskaha narodu. Biełaruskaja samapavaha j samaśćviardžeńnie — heta kluč da budučyni Biełarusi. Dyktatary nia mohuć žyć viečna.
  • sieł hiej
    26.04.2023
    achvihieć...
    apošniaje fota...
    nad frantakam trymajuć parasončyk?

  • A cichaja pad parasonam z rezident evil
    27.04.2023
    Zachad pamahać vam nia budzie. Vy dla jaho nie bolej čym kučka harłapanaŭ.

Stryžak pra Pratasieviča: Sa mnoj takoha adbycca nie mahło2

Stryžak pra Pratasieviča: Sa mnoj takoha adbycca nie mahło

Usie naviny →
Usie naviny

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia5

U Minsku raspačaŭsia «forum patryjotaŭ», pryśviečany 30-hodździu kiravańnia Łukašenki15

U centry Kijeva źnieśli siadzibu Zialenskich4

U rasijskim Krasnadary ludzi pierakryli vulicu z-za adklučeńniaŭ śviatła1

Žančynu-mera na Filipinach abvinavačvajuć u špijanažy na Kitaj. Vyśvietliłasia, što jana nie taja, za kaho siabie vydavała1

Skarlet Jochansan nazvała kiraŭnika OpenAI Altmana vydatnym pratatypam dla złydnia Marvel

Pomnik na mahile Pryhožyna ŭ Pieciarburhu ablili biełaj farbaj. A ŭ ruku ŭstavili fałaimitatar FOTAFAKT4

«Pa kodavym słovie «Barysaŭna» vykinuła ŭ akno €760 tysiač». 16-hadovy kurjer zabraŭ u dvaich piensijanieraŭ 2,7 młn rubloŭ14

Što adbudziecca, kali Bajden vyjdzie z prezidenckaj honki?1

bolš čytanych navin
bolš łajkanych navin

Stryžak pra Pratasieviča: Sa mnoj takoha adbycca nie mahło2

Stryžak pra Pratasieviča: Sa mnoj takoha adbycca nie mahło

Hałoŭnaje
Usie naviny →