Hramadstva22

Apošnija nasielenyja punkty ŭ Biełarusi stanuć čystymi ad radyjacyi praz 67 hadoŭ — ekołah

Namieśnica dyrektara pa navukovaj rabocie Mižnarodnaha dziaržaŭnaha ekałahičnaha instytuta im. Sacharava BDU Maryja Hiermiančuk na 37-ju hadavinu Čarnobylskaj katastrovy raskazała BiełTA, jakoje prahnazujecca dalejšaje raźvićcio radyjeaktyŭnaj situacyi ŭ Biełarusi. 

Čarnobylskaja zona

Pavodle śpiecyjalistki, pieralik nasielenych punktaŭ, jakija znachodziacca ŭ zonach radyjeaktyŭnaha zabrudžvańnia, abnaŭlajecca raz na piać hadoŭ, ciapier u im krychu bolš za 2 tysiačy nasielenych punktaŭ z 945 tysiačami žycharoŭ. I dla kožnaha z hetych punktaŭ raźličany hod, kali jon z bolš vysokaj zony zabrudžvańnia piarojdzie ŭ bolš nizkuju, a taksama kali naohuł vyjdzie z zony radyjeaktyŭnaha zabrudžvańnia.

Samy daloki časavy aryjencir — 2090 hod, ale nasielenych punktaŭ, jakija zachavajuć status až da taho času — zusim niašmat, niekalki dziasiatkaŭ. U asnoŭnym ža praces vyviadzieńnia pasieliščaŭ u inšy status budzie iści ŭ 2030-2040-ja hady, skazała Hiermiančuk.

Praŭda, varta ŭličvać, što padychody da radyjacyjnaj biaśpieki ciapierašniaha palityčnaha režymu zaŭsiody krytykavali, tamu pry źmienie palityčnaj situacyi ekołahi taksama mohuć stać nie nastolki aptymistyčnymi. 

Zrešty, treba razumieć, što i ciapier śpiecyjalisty havorać tolki pra terytoryi pa-za miežami Paleskaha radyjacyjna-ekałahičnaha zapaviednika. Choć, pa aficyjnych źviestkach, płošča zabrudžvańnia cezijem-137 u Biełarusi dziakujučy naturalnamu radyjeaktyŭnamu raspadu skaraciłasia praktyčna ŭdvaja — z 23 da 12,3% ad usioj terytoryi krainy, absalutna biaśpiečnaj całkam usia terytoryja Biełarusi stanie vielmi niachutka.

U Paleskim radyjacyjna-ekałahičnym zapaviedniku vypała šmat radyjeaktyŭnaha płutoniju-241, a jon pry raspadzie ŭtvaraje novaje vysokataksičnaje rečyva — amierycyj-241. Hetaja reakcyja, pavodle raźlikaŭ ekołahaŭ, budzie praciakać da 2056 hoda, i tolki paśla taho sam amierycyj pačnie bolš aktyŭna raspadacca.

«Tamu čakać, što Paleski radyjacyjna-ekałahičny zapaviednik u ahladnaj budučyni stanie absalutna čystaj terytoryjaj i tam možna budzie vieści haspadarku biez abmiežavańniaŭ, nie davodzicca. Haryzont płanavańnia nam ciapier pakazvaje, što hetaja terytoryja (jana adnosicca da katehoryi jadziernaj spadčyny) u blizkija hady tak i zastaniecca zabrudžanaj. Akramia amierycyju, tam jašče i płutonij jość. A jaho pieryjad paŭraspadu — tysiačy hadoŭ», — patłumačyła ekołah.

Kamientary2

  • ČIERNOBYLSKAJA BOL
    26.04.2023
    Pieriod połuraspada niekotorych radioktivnych elemientov tysiači let, tak čto vsio eto bried. Raška zahriaźniła 30% Biełarusi na vieka, posadiv čiernobylskije obłaka na Biełaruś. Bud́ proklat moskovskij orkastan!
  • Vasil.
    26.04.2023
    Peryjad paŭraspadu plutoniju-239 — bolš za 24 tysiačy hadoŭ. Heta ŭ piać razoŭ bolej, čym uzrost ehipieckich piramid. Heta nie kažučy pra zarudžanuju hlebu. U vyniku raspadu plutoniju-241 utvarajecca amerycyj-241. Pavodle prahnozaŭ navukoŭcaŭ, jak radyjaaktyŭnaść hleby na terytoryjach, zaražanych hetym elementam vyraście ŭ 2,4 razu. Praz 100 hadoŭ paśla avaryi, u 2086 hodzie, ahulnaja radyjaaktyŭnaść hleby na takich zaražanych terytoryjach Biełarusi budzie ŭ 2,4 razu vyšejšaja, čym u pačatkovy paślaavaryjny peryjad.
    Tak zvanaha "ekołaha" adpraŭlajcie ŭśled za ruckim karablom.

Stryžak raskazaŭ, jak jaho vierbavali śpiecsłužby5

Stryžak raskazaŭ, jak jaho vierbavali śpiecsłužby

Usie naviny →
Usie naviny

U Lidzie zatrymali ŭładalnika kaviarni «Tutaka»

Z-kanał: Imavierna, Kryhier arhanizoŭvaŭ dyviersii ŭ Branskaj vobłaści5

Raiła bić nahoj u skivicu kožnamu maskvarotamu, nazyvała akupacyju Maryupala karmaj — chto takaja Iryna Faryjon, jakuju zabili ŭ Lvovie37

U Vilejskim rajonie kiroŭca pahruzčyka ledź nie ŭrezaŭsia ŭ pachavalnuju pracesiju

Ukraina śpiašajecca stvaryć vajennyja bieśpiłotniki sa štučnym intelektam1

Zialenski pavinšavaŭ Trampa z abrańniem kandydatam ad Respublikanskaj partyi i nazvaŭ jaho prezidentam7

30-chvilinny marynad dla prostaha kurynaha šašłyka6

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

bolš čytanych navin
bolš łajkanych navin

Stryžak raskazaŭ, jak jaho vierbavali śpiecsłužby5

Stryžak raskazaŭ, jak jaho vierbavali śpiecsłužby

Hałoŭnaje
Usie naviny →