Žychar Vilni pracaŭładkavaŭsia ŭ sałon Mobili linija, ale praz try miesiacy byŭ zvolnieny za toje, što, pavodle jaho słoŭ, zanadta časta chadziŭ u prybiralniu. Kampanija nazyvaje inšyja pryčyny zvalnieńnia. Historyju raskazvaje Delfi.

Małady čałaviek raspavioŭ žurnalistam, što nie zmoh dapracavać da kanca vyprabavalnaha terminu. «Ja nie adpracavaŭ vyprabavalny termin z-za pastajannaha psichałahičnaha cisku za toje, što ja časta chadziŭ u prybiralniu», — kaža jon.

Jon pryznaŭ, što, adychodziačy, začyniaŭ sałon, bo ŭ im pracuje adzin čałaviek. Adnak mužčyna ličyć, što ŭ rabotnika jość prava chadzić u prybiralniu, kali jamu treba.

«U ludziej roznyja patrebnaści. Adzin, moža, chodzić 10 razoŭ na dzień u tualet, a mnie, moža, treba 20. Ale heta maja asabistaja sprava», — skazaŭ surazmoŭca.

Uładalnik kampanii, dzie pracavaŭ mužčyna, skazaŭ, što nichto za pachody ŭ prybiralniu nie paprakaŭ by rabotnika, ale na samoj spravie, toj pad vyhladam pachodu «pa-maleńkamu» sychodziŭ, kudy chacieŭ, i nadoŭha pakidaŭ pracoŭnaje miesca.

«Adzin vychad skłaŭ cełych dźvie hadziny. Što stolki času možna rabić u tualecie? My — handlovaja kampanija, naš sałon nie moža ŭvieś čas być začynieny», — zaŭvažyŭ jon.

Zvolnieny źviarnuŭsia ŭ Dziaržaŭnuju inśpiekcyju pa pracy, ciapier kamisija pa pracoŭnych sprečkach razhladaje jaho skarhu. Ale ŭ inśpiekcyi adznačyli, što heta pieršy taki vypadak u ich historyi.

Клас
3
Панылы сорам
18
Ха-ха
58
Ого
9
Сумна
6
Абуральна
7